Search
  • Follow NativePlanet
Share

ರಾಂಚಿ ಪ್ರವಾಸೋದ್ಯಮ - ಜಲಪಾತಗಳ ನಗರ

34

ಜಾರ್ಖಂಡ್ ರಾಜ್ಯದ ರಾಜಧಾನಿಯಾಗಿರುವ ರಾಂಚಿಯು ಜಲಪಾತಗಳ ನಗರವೆಂಬ ಖ್ಯಾತಿಗೆ ಪಾತ್ರವಾಗಿದೆ. ಇದು ಈ ರಾಜ್ಯದ ಎರಡನೆ ಅತ್ಯಂತ ಜನಸಂಖ್ಯೆಯನ್ನು ಹೊಂದಿರುವ ನಗರವಾಗಿ ಸಹ ಗುರುತಿಸಲ್ಪಟ್ಟಿದೆ. ರಾಂಚಿಯು ಛೋಟಾ ನಾಗ್ಪುರ್ ಪ್ರಸ್ಥಭೂಮಿಯ ದಕ್ಷಿಣ ಭಾಗದಲ್ಲಿ ನೆಲೆಗೊಂಡಿದೆ. ಈ ನಗರವು ಸಮುದ್ರ ಮಟ್ಟದಿಂದ 2140 ಅಡಿ ಎತ್ತರದಲ್ಲಿ ನೆಲೆಗೊಂಡಿದ್ದು, ಅತ್ಯಂತ ನಯನ ಮನೋಹರವಾದ ಪರಿಸರವನ್ನು ಹೊಂದಿದೆ. ಅಲ್ಲದೆ ಇಲ್ಲಿ ನಗರ ಜೀವನಕ್ಕೆ ಬೇಕಾದ ಎಲ್ಲ ರೀತಿಯ ಸೌಲಭ್ಯಗಳು ದೊರೆಯುತ್ತವೆ.  ಈ ನಗರದ ಸುತ್ತಮುತ್ತ ಹಲವಾರು ಜಲಪಾತಗಳು, ಶಿಲಾ ರಚನೆಗಳು ಮತ್ತು ದಿಬ್ಬಗಳು ಕಂಡು ಬರುತ್ತವೆ. ಇದರ ಜೊತೆಗೆ ಈ ಊರಿನಲ್ಲಿ ಹಲವಾರು ಕೈಗಾರಿಕೆಗಳು ಸಹ ನೆಲೆಗೊಂಡಿವೆ ಇವುಗಳು ಸಹ ಭೇಟಿ ನೀಡಲು ಯೋಗ್ಯವಾಗಿವೆ. ಇಡೀ ವರ್ಷವು ಇಲ್ಲಿ ಆಹ್ಲಾದಕರವಾದ ವಾತಾವರಣವಿರುತ್ತದೆ.

ರಾಂಚಿ ಜಿಲ್ಲೆಯನ್ನು ಮೊದಲು ಲೋಹರ್ಡಗ ಎಂದು ಕರೆಯಲಾಗುತ್ತಿತ್ತು. ಹಳೆಯ ರಾಂಚಿ ಜಿಲ್ಲೆಯು 1831 - 32 ರಲ್ಲಿ ಉಂಟಾದ ಕೋಲ್ ದಂಗೆಯ ಪರಿಣಾಮವಾಗಿ ಅಸ್ತಿತ್ವಕ್ಕೆ ಬಂದಿತು. 1899ರಲ್ಲಿ ಲೋಹರ್ಡಗ ಎಂಬ ಹೆಸರನ್ನು ಇಲ್ಲಿ ನೆಲೆಗೊಂಡಿದ್ದ ಸಣ್ಣ ಹಳ್ಳಿಯಾಗಿದ್ದ ರಾಂಚಿಯ ಹೆಸರಿನಿಂದ ಕರೆಯಲಾಯಿತು.

ರಾಂಚಿಯ ಸುತ್ತ ಮುತ್ತ ಇರುವ ಪ್ರವಾಸಿ ಸ್ಥಳಗಳು

ಜಾರ್ಖಂಡಿನ ರಾಜಧಾನಿ ರಾಂಚಿಯನ್ನು ಜಲಪಾತಗಳ ಮತ್ತು ಕೆರೆಗಳ ನಗರವೆಂದು ಕರೆಯಲಾಗುತ್ತದೆ. ಡಸ್ಸಮ್ ಜಲಪಾತವು ರಾಂಚಿಯಿಂದ 34 ಕಿ.ಮೀ ದೂರದಲ್ಲಿ, ರಾಂಚಿ - ಟಾಟಾ ರಸ್ತೆಯಲ್ಲಿ ಬರುವ ಟೈಮರ ಎಂಬ ಹಳ್ಳಿಯ ಬಳಿಯಲ್ಲಿ ನೆಲೆಗೊಂಡಿದೆ. ಇಲ್ಲಿ ಸುಬರ್ ನರೆಖ ನದಿಯ ಉಪನದಿಯಾದ ಕಚ್ನಿ ನದಿಯು 144 ಅಡಿ ಎತ್ತರದಿಂದ ಜಲಪಾತವಾಗಿ ಧುಮ್ಮಿಕ್ಕುತ್ತದೆ.

ಇದನ್ನು ಡಸ್ಸಂ ಗಾಘ್ ಎಂದು ಸಹ ಕರೆಯುತ್ತಾರೆ. ಇದರಂತೆಯೇ ಹುಂಡ್ರು ಜಲಪಾತವು ರಾಂಚಿಯಿಂದ 45 ಕಿ.ಮೀ ದೂರದಲ್ಲಿ ರಾಂಚಿ - ಪುರುಲಿಯ ರಸ್ತೆಯಲ್ಲಿ ಕಂಡುಬರುತ್ತದೆ. ಇಲ್ಲಿ ಸುಬರ್ ನರೆಖ ನದಿಯು 320 ಅಡಿ ಎತ್ತರದಿಂದ ಜಲಪಾತವಾಗಿ ಧುಮ್ಮಿಕ್ಕುತ್ತದೆ.

ಜೋಹ್ನ ಜಲಪಾತ ಅಥವಾ ಗೌತಮಧಾರ ಜಲಪಾತವು ರಾಂಚಿಯಿಂದ 40 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಇಲ್ಲಿಗೆ ಬಸ್ ಅಥವಾ ರೈಲಿನ ಮೂಲಕ ತಲುಪಬಹುದು. 500 ಮೆಟ್ಟಿಲುಗಳನ್ನು ಇಳಿದು ಈ ಜಲಪಾತದ ವೈಭವವನ್ನು ಕಣ್ತುಂಬಿಕೊಳ್ಳಬಹುದು. ಇಲ್ಲಿ ಒಂದು ಬುದ್ಧನ ದೇವಾಲಯವಿದ್ದು, ಒಂದು ಪ್ರವಾಸಿ ಮಂದಿರ ಸಹ ಇದೆ. ಇಲ್ಲಿಗೆ ಸಮೀಪದಲ್ಲಿ ಕಂಚಿ ನದಿಯು ಹರಿಯುತ್ತದೆ. ನಕ್ಷತ್ರ ವನ್. ಗೊಂಡಾ ಮತ್ತು ಟಾಗೂರ್ ಬೆಟ್ಟಗಳು ಇಲ್ಲಿರುವ ಮತ್ತಿತರ ಪ್ರವಾಸಿ ತಾಣಗಳಾಗಿವೆ.

ಭೂಗೋಳ

ರಾಂಚಿಯು ಛೋಟಾ ನಾಗ್ಪುರ್ ಪ್ರಸ್ಥಭೂಮಿಯ ದಕ್ಷಿಣ ಭಾಗದಲ್ಲಿ ನೆಲೆಗೊಂಡಿದೆ. ಇದು ದಖನ್ ಪ್ರಸ್ಥಭೂಮಿಯ ಪೂರ್ವ ಭಾಗದಲ್ಲಿ ನೆಲೆಗೊಂಡಿದೆ. ಸುಬರ್ನರೆಖ ನದಿ ಮತ್ತು ಅದರ ಉಪನದಿಗಳು ಇಲ್ಲಿನ ನದಿ ನೀರಿನ ವ್ಯವಸ್ಥೆಗೆ ತಮ್ಮದೇ ಆದ ಕೊಡುಗೆಯನ್ನು ನೀಡಿವೆ. ಕಂಕೆ, ಹಟಿಯ ಮತ್ತು ರುಕ್ಕ ಜಲಾಶಯಗಳನ್ನು ಇಲ್ಲಿ ನಿರ್ಮಿಸಲಾಗಿದೆ. ಇವುಗಳ ಕಾಲುವೆಗಳು ಇಲ್ಲಿನ ನೀರಾವರಿ ಬೇಡಿಕೆಗಳನ್ನು ಪೂರೈಸುತ್ತಿವೆ.

ರಾಂಚಿಯು ಬೆಟ್ಟಗಾಡು ಕಾಡುಗಳನ್ನು ಹೊಂದಿದೆ. ಇಲ್ಲಿನ ದಟ್ಟವಾದ ಅರಣ್ಯಗಳು ಇಲ್ಲಿ ವಿಶ್ರಾಂತಿ ಬಯಸಿ ಬರುವ ಪ್ರವಾಸಿಗರಿಗೆ ಆಹ್ಲಾದಕರವಾದ ವಾತಾವರಣವನ್ನು ನೀಡುವಲ್ಲಿ ಪ್ರಭಾವ ಬೀರುತ್ತವೆ. ಬ್ರಿಟೀಷರ ಅವಧಿಯಲ್ಲಿ ಈ ಸ್ಥಳಕ್ಕೆ "ಗಿರಿಧಾಮ" ವೆಂಬ ಸ್ಥಾನಮಾನ ಲಭಿಸಿತ್ತು.

ಕ್ಷಿಪ್ರಗತಿಯಲ್ಲಿ ಏರುತ್ತಿರುವ ಜನಸಂಖ್ಯೆ ಮತ್ತು ಕೈಗಾರೀಕರಣವು ಇಲ್ಲಿನ ಹವಾಮಾನದ ಮೇಲೆ ಗಣನೀಯವಾದ ಪರಿಣಾಮವನ್ನು ಬೀರಿದೆ. ಇದರಿಂದಾಗಿ ಇಲ್ಲಿನ ಉಷ್ಣಾಂಶವು ಸಹ ಸ್ವಲ್ಪ ಮಟ್ಟಿಗೆ ಏರಿಕೆಯಾಗಿದೆ. ಇದರ ಪರಿಣಾಮವಾಗಿ ಈ ನಗರವು ಇಂದು ಗಿರಿಧಾಮವೆಂಬ ಸ್ಥಾನಮಾನವನ್ನು ಕಳೆದುಕೊಂಡಿದೆ.

ರಾಂಚಿಗೆ ಭೇಟಿ ನೀಡಲು ಅತ್ಯುತ್ತಮ ಅವಧಿ

ರಾಂಚಿಗೆ ಭೇಟಿ ನೀಡಲು ಅಕ್ಟೋಬರ್ ನಿಂದ ಮೇ ತಿಂಗಳ ನಡುವಿನ ಅವಧಿಯು ಅತ್ಯುತ್ತಮ ಅವಧಿಯಾಗಿದೆ.

ರಾಂಚಿಗೆ ತಲುಪುವುದು ಹೇಗೆ

ರಾಂಚಿಗೆ ಈ ರಾಜ್ಯದ ಎಲ್ಲಾ ಪ್ರಮುಖ ನಗರಗಳಿಂದ ರಸ್ತೆ ಮತ್ತು ರೈಲು ಮಾರ್ಗಗಳು ಉತ್ತಮವಾಗಿದ್ದು, ಉತ್ತಮ ಸಂಪರ್ಕವನ್ನು ಹೊಂದಿದೆ.

ರಾಂಚಿ ಹವಾಮಾನ

ರಾಂಚಿಯಲ್ಲಿ ಹವಾಮಾನವು ಸಾಮಾನ್ಯವಾಗಿ ಬಿಸಿಲಿನಿಂದ ಕೂಡಿದ, ಆರ್ದ್ರತೆಯಿರುವ ಬೇಸಿಗೆ ಮತ್ತು ಮಿತವಾದ ಚಳಿಯಿಂದ ಕೂಡಿದ ಚಳಿಗಾಲಗಳು ಕಂಡುಬರುತ್ತವೆ.  ಬೇಸಿಗೆಯಲ್ಲಿ ಇಲ್ಲಿನ ಉಷ್ಣಾಂಶವು 42 ರಿಂದ 20° ಸೆಲ್ಶಿಯಸ್ ಇರುತ್ತದೆ. ಚಳಿಗಾಲದಲ್ಲಿ ಇಲ್ಲಿನ ಉಷ್ಣಾಂಶವು 25 ರಿಂದ 0° ಸೆಲ್ಶಿಯಸ್ ಇರುತ್ತದೆ. ಡಿಸೆಂಬರ್ ಮತ್ತು ಜನವರಿಗಳು ಇಲ್ಲಿನ ಅತ್ಯಂತ ಚಳಿಯ ತಿಂಗಳುಗಳಾಗಿರುತ್ತವೆ. ಆಗ ಈ ನಗರದ ಕೆಲವು ಭಾಗಗಳಲ್ಲಿ ಉಷ್ಣಾಂಶವು ಹೆಪ್ಪುಗಟ್ಟುವ ಚಳಿಯನ್ನು ಹೊಂದಿರುತ್ತದೆ. ಮಳೆಗಾಲದಲ್ಲಿ ರಾಂಚಿಯಲ್ಲಿ ಅಧಿಕ ಪ್ರಮಾಣದ ಮಳೆಯನ್ನು ನಾವು ಕಾಣಬಹುದು. ಮಳೆಗಾಲವು ಇಲ್ಲಿ ಸಾಮಾನ್ಯವಾಗಿ ಜೂನ್‍ನಿಂದ ಸೆಪ್ಟೆಂಬರ್ ವರೆಗೆ ಇರುತ್ತದೆ.

ರಾಂಚಿ ಪ್ರಸಿದ್ಧವಾಗಿದೆ

ರಾಂಚಿ ಹವಾಮಾನ

ಉತ್ತಮ ಸಮಯ ರಾಂಚಿ

  • Jan
  • Feb
  • Mar
  • Apr
  • May
  • Jun
  • July
  • Aug
  • Sep
  • Oct
  • Nov
  • Dec

ತಲುಪುವ ಬಗೆ ರಾಂಚಿ

  • ರಸ್ತೆಯ ಮೂಲಕ
    ರಾಷ್ಟ್ರೀಯ ಹೆದ್ದಾರಿ 33 ಮತ್ತು 23ಗಳು ರಾಂಚಿಯ ಮೂಲಕ ಹಾದು ಹೋಗುತ್ತವೆ. ಜಾರ್ಖಂಡ್ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬಸ್ಸುಗಳು ರಾಂಚಿಯನ್ನು ಇತರ ನಗರಗಳ ಜೊತೆಗೆ ಸಂಪರ್ಕಿಸಲು ನೆರವಾಗುತ್ತವೆ. ಕೋಲ್ಕಟಾ ಮತ್ತು ರಾಜ್ಯದ ಇನ್ನಿತರ ನಗರಗಳ ನಡುವೆ ಪ್ರತಿದಿನ ಬಸ್ಸುಗಳು ಬಂದು ಹೋಗುತ್ತಿರುತ್ತವೆ. ಇದರ ಜೊತೆಗೆ ಜಾರ್ಖಂಡಿನ ಇತರ ಭಾಗಗಳಿಂದ ಖಾಸಗಿ ಬಸ್ಸುಗಳು ಪ್ರತಿನಿತ್ಯ ಬಂದು ಹೋಗುತ್ತಿರುತ್ತವೆ. ರಾಂಚಿಯಲ್ಲಿ ಎಲ್ಲಾ ರಾಷ್ಟ್ರೀಯ ಹೆದ್ದಾರಿಗಳನ್ನು ಷಟ್ಪಥ ಮತ್ತು ಅಷ್ಟ ಪಥಗಳ ಮಾರ್ಗಗಳನ್ನಾಗಿ ವಿಸ್ತರಿಸಲಾಗಿದೆ.
    ಮಾರ್ಗಗಳ ಹುಡುಕಾಟ
  • ರೈಲಿನ ಮೂಲಕ
    ರಾಂಚಿಯು ದೇಶದ ಪ್ರಮುಖ ನಗರಗಳೊಂದಿಗೆ ಉತ್ತಮ ರೈಲು ಸಂಪರ್ಕವನ್ನು ಹೊಂದಿದೆ. ಈ ನಿಲ್ದಾಣವು ಆಗ್ನೇಯ ರೈಲ್ವೇಯ ಅತ್ಯಂತ ಆದಾಯ ತರುವ ನಿಲ್ದಾಣವಾಗಿ ಗುರುತಿಸಲ್ಪಟ್ಟಿದೆ. ರಾಂಚಿಯ ನಿಲ್ದಾಣವು ದೆಹಲಿ, ಜೈಪುರ್, ಚೆನ್ನೈ, ಬಿಲಾಸ್ ಪುರ್, ಮುಂಬಯಿ, ಕೊಲ್ಕಟಾ ಮತ್ತು ಭುಬನೇಶ್ವರ್ ನಂತಹ ನಗರಗಳ ಜೊತೆಗೆ ಉತ್ತಮ ರೈಲು ಸಂಪರ್ಕವನ್ನು ಹೊಂದಿದೆ.
    ಮಾರ್ಗಗಳ ಹುಡುಕಾಟ
  • ಆಕಾಶದ ಮೂಲಕ
    ರಾಂಚಿಯಲ್ಲಿ ಬಿರ್ಸ ಮುಂಡ ದೇಶೀಯ ವಿಮಾನ ನಿಲ್ದಾಣವಿದೆ. ಇಲ್ಲಿಗೆ ಪಾಟ್ನ, ದೆಹಲಿ, ಮುಂಬಯಿ ಮತ್ತು ಕೋಲ್ಕೋಟಾಗಳಿಂದ ವಿಮಾನಗಳು ಬಂದು ಹೋಗುತ್ತಿರುತ್ತವೆ. ಈ ನಿಲ್ದಾಣವು ನಗರದ ಕೇಂದ್ರ ಭಾಗದಿಂದ ಕೇವಲ 7 ಕಿ.ಮೀ ದೂರದಲ್ಲಿದೆ. ಇಲ್ಲಿ ಹೊಚ್ಚ ಹೊಸದಾದ ಕಸ್ಟಮ್ಸ್ ಮತ್ತು ಇಮ್ಮಿಗ್ರೇಶನ್ ಸೌಲಭ್ಯ ಹೊಂದಿರುವ ಇಂಟಿಗ್ರೇಟೇಡ್ ಟರ್ಮಿನಲ್, ಡ್ಯೂಟೀ ಫ್ರೀ ಅಂಗಡಿಗಳು, ಟ್ರಾವೆಲ್ ಡೆಸ್ಕ್ ಗಳು ಮತ್ತು ಲಾಂಜ್‍ಗಳ ಸೌಲಭ್ಯವಿದೆ. ಇದನ್ನು ಮಾರ್ಚ್ 24 2013ರಂದು ಲೋಕಾರ್ಪಣೆ ಮಾಡಲಾಯಿತು. ಏರ್ ಇಂಡಿಯಾ, ಗೋ ಏರ್ ಮತ್ತು ಜೆಟ್ ಏರ್ ವೇಸ್ ವಿಮಾನಗಳು ಇಲ್ಲಿಂದ ಪ್ರತಿನಿತ್ಯ ದೇಶದ ಇತರ ಭಾಗಗಳಿಗೆ ಹಾರಾಟ ನಡೆಸುತ್ತವೆ.
    ಮಾರ್ಗಗಳ ಹುಡುಕಾಟ

ರಾಂಚಿ ಲೇಖನಗಳು

One Way
Return
From (Departure City)
To (Destination City)
Depart On
24 Jun,Thu
Return On
25 Jun,Fri
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
24 Jun,Thu
Check Out
25 Jun,Fri
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
24 Jun,Thu
Return On
25 Jun,Fri