ನೌಕುಚಿಯತಲ್ ಕೆರೆಯು ಸಮುದ್ರ ಮಟ್ಟದಿಂದ 3996 ಅಡಿ ಎತ್ತರದಲ್ಲಿ ನೆಲೆಗೊಂಡಿರುವ ಒಂದು ಸುಂದರವಾದ ಕೆರೆಯಾಗಿದೆ. "ನೌಕುಚಿಯತಲ್" ಎಂಬ ಪದದ ಅರ್ಥವೇನೆಂದರೆ ಒಂಬತ್ತು ಮೂಲೆಗಳನ್ನು ಹೊಂದಿರುವ ಕೆರೆಯೆಂದಾಗುತ್ತದೆ. ನಂಬಿಕೆಗಳ ಪ್ರಕಾರ, ಈ ಕೆರೆಯ ಒಂಬತ್ತು ಮೂಲೆಗಳನ್ನು ನೋಡುವ ವ್ಯಕ್ತಿಯು 'ನಿರ್ವಾಣ' ಅರ್ಥಾತ್ ಮೋಕ್ಷವನ್ನು ಹೊಂದುತ್ತಾನಂತೆ. ಈ ಕೆರೆಯು ಒಂದು ಅಂತರ್ಗಾಮಿಯಾಗಿ ಹರಿಯುವ ಝರಿಯಿಂದ ನೀರನ್ನು ಪಡೆಯುತ್ತದೆ. ಹಾಗಾಗಿ ಇದು ವರ್ಷಪೂರ್ತಿ ತುಂಬಿರುತ್ತದೆ.

ಈ ಸ್ಥಳದಲ್ಲಿ ಹಲವಾರು ಪಕ್ಷಿ ಪ್ರಭೇದಗಳು ವಾಸಿಸುತ್ತಿದ್ದು, ಪಕ್ಷಿ ವೀಕ್ಷಕರಿಗೆ ಈ ಸ್ಥಳವು ಹೇಳಿ ಮಾಡಿಸಿದ ತಾಣವಾಗಿದೆ. ಪ್ರವಾಸಿಗರು ಈ ಕೆರೆಯಲ್ಲಿ ದೋಣಿ ವಿಹಾರ, ಈಜು, ಮೀನು ಹಿಡಿಯುವುದು ಮುಂತಾದ ಚಟುವಟಿಕೆಗಳನ್ನು ಮಾಡಬಹುದು. ಪ್ರವಾಸಿಗರು ಮೌಂಟೇನ್ ಬೈಕಿಂಗ್ ಮತ್ತು ಪ್ಯಾರಾಗ್ಲೈಡಿಂಗ್‍ನಂತಹ ಸಾಹಸ ಚಟುವಟಿಕೆಗಳನ್ನೂ ಸಹ ನೌಕುಚಿಯಟಲ್‍ನಲ್ಲಿ ಕೈಗೊಳ್ಳಬಹುದು. ಕೆರೆಯ ಸುತ್ತಮುತ್ತಲ ಪ್ರಶಾಂತವಾದ ವಾತಾವರಣದಲ್ಲಿ ನಡೆದಾಡುತ್ತ ಪ್ರಕೃತಿಯ ಸೊಬಗನ್ನು ಸವಿಯಬಹುದು.