ಒಂದು ನಗರ ಹಾಗೂ ಆಡಳಿತದ ಜಿಲ್ಲಾ ಕೇಂದ್ರವಾದ ನಾಮಕ್ಕಲ್ ದಕ್ಷಿಣ ಭಾರತದ ತಮಿಳುನಾಡಿನಲ್ಲಿರುವ ಲೋಕಪ್ರಿಯ ಪ್ರವಾಸಿತಾಣಗಳಲ್ಲೊಂದಾಗಿದೆ. ನಾಮಕ್ಕಲ್, ವಿವಿಧ ಆಸಕ್ತಿಗಳಿರುವ ಜನರಿಗೆ ವಿಶಾಲ ಶ್ರೇಣಿಯ ಆಕರ್ಷಣೆಗಳನ್ನು ಒದಗಿಸುತ್ತದೆ. ಈ ನಗರವು ಉತ್ತಮವಾಗಿ ನಿರ್ವಹಿಸಲ್ಪಟ್ಟ ಮೂಲಭೂತ ಸೌಕರ್ಯಗಳಿಗೆ ಮತ್ತು ಪರಿಸರಕ್ಕೆ ಹೆಸರುವಾಸಿಯಾಗಿದೆ. ಇದು ಒಂದು ಐತಿಹಾಸಿಕ ನಗರ, ಶೈಕ್ಷಣಿಕ ನಗರ, ಕೋಳಿಸಾಕಾಣೆ ಕೇಂದ್ರ ಮತ್ತು ಸರಂಜಾಮು ಸಾಗಣೆಯ ನಗರವೆಂದು ಪ್ರಖ್ಯಾತವಾಗಿದೆ. ಸೇಲಂ ಜಿಲ್ಲೆಯಿಂದ 1997ರಲ್ಲಿ ಬೇರ್ಪಡಿಸಿದ ನಂತರ ಇದು ಒಂದು ಅಧಿಕೃತವಾಗಿ ಜಿಲ್ಲೆಯಾಯಿತು. ನಾಮಕ್ಕಲ್ಲಿನ ಇತಿಹಾಸ 7 ನೇ ಶತಮಾನದಷ್ಟು ಹಿಂದಿನದಾಗಿದೆ.
ನಾಮಕ್ಕಲ್ ಮತ್ತು ಸುತ್ತಮುತ್ತ ಇರುವ ಪ್ರವಾಸಿ ಸ್ಥಳಗಳು
ನಾಮಕಲ್ಲಿನಲ್ಲಿ ಪ್ರವಾಸಿಗಳಿಗೆ ಭೇಟಿ ನೀಡಲು ಅನೇಕ ದೇವಾಲಯಗಳು ಮತ್ತು ಪವಿತ್ರಸ್ಥಳಗಳಿವೆ. ಆಂಜನೇಯ ದೇವಸ್ಥಾನ, ನರಸಿಂಹ ದೇವಸ್ಥಾನ, ಕೂಲಿಪ್ಪಟ್ಟಿ ಮುರುಗನ್ ದೇವಸ್ಥಾನ, ತಾತಗಿರಿ ಮುರುಗನ್ ದೇವಸ್ಥಾನ, ತಿರುಚೆಂಗೋಡು ಅರ್ಧನಾರೀಶ್ವರ ದೇವಸ್ಥಾನ ಮತ್ತು ಮುತುಗಾಪಟ್ಟಿ ಪೆರಿಯಸ್ವಾಮಿ ದೇವಸ್ಥಾನ ಇವುಗಳು ಕೆಲವು ಪ್ರಖ್ಯಾತ ಆಕರ್ಷಣೆಗಳು. ನಾಮಕ್ಕಲ್ ದುರ್ಗಂ ಕೋಟೆ ಇನ್ನೊಂದು ಪ್ರಖ್ಯಾತ ಪ್ರವಾಸಿ ಸ್ಥಳ. ರಾಕ್ ಫೋರ್ಟ್, ನೈನಾಮಲೈ ಬೆಟ್ಟ ಇವುಗಳು ಪ್ರವಾಸಿಗಳಿಗೆ ಪ್ರಖ್ಯಾತ ಕೇಂದ್ರವಾಗಿವೆ.
ನಾಮಕ್ಕಲ್ - ಇತಿಹಾಸದ ಒಂದು ಇಣುಕುನೋಟ
ಈ ನಗರದ ಮಧ್ಯಭಾಗದಲ್ಲಿರುವ ಒಂದು ಏಕಕಲ್ಲಿನ ವಿನ್ಯಾಸದಿಂದ ಈ ಸ್ಥಳಕ್ಕೆ ನಾಮಗಿರಿ ಎಂದು ಕರೆಯಲಾಯಿತು. ನಾಮಕ್ಕಲ್ ತಮಿಳುನಾಡಿನ ಕೊಂಗು ನಾಡಿನ ಭಾಗವಾಗಿತ್ತು. ಈ ನಗರವನ್ನು ಅದಿಯಮಾನ್ ವಂಶದ ಗುಣಶೀಲ ಎಂಬ ರಾಜನು ಆಳುತ್ತಿದ್ದನು. ಇದು ರಂಗನಾಥಸ್ವಾಮಿ ದೇವಸ್ಥಾನ ಮತ್ತು ರಾಜ ಗುಣಶೀಲ ಕಟ್ಟಿಸಿದ ನರಸಿಂಹಸ್ವಾಮಿ ದೇವಸ್ಥಾನದ ಅನೇಕ ಐತಿಹಾಸಿಕ ಸ್ಮಾರಕಗಳನ್ನು ಹೊಂದಿದೆ.
ಪಲ್ಲವ ವಂಶದೊಂದಿಗೆ ಈ ರಾಜನ ವೈವಾಹಿಕ ಸಂಬಂಧಗಳಿಂದ ವಾಸ್ತುಶಿಲ್ಪಗಳ ಪ್ರಭಾವಗಳಿಗೆ ಕಾರಣವಾಯಿತು. ನಂತರ ಚೋಳರು ಆಕ್ರಮಿಸಿಕೊಂಡ ಈ ಪ್ರದೇಶ ಮುಂದಕ್ಕೆ ಹೊಯ್ಸಳರು 14ನೇ ಶತಮಾನದವರೆಗೆ ಆಳಲ್ಪಟ್ಟಿತು. ಆ ಬಳಿಕ ವಿಜಯನಗರದ ದೊರೆಗಳು, ಮದುರೈ ನಾಯಕರು, ಬಿಜಾಪುರದ ಸುಲ್ತಾನರು, ಗೋಲ್ಕೊಂಡ ಮೈಸೂರು ರಾಜರು, ಮರಾಠರು, ಹೈದರ್ ಆಲಿ ಮತ್ತು ಅಂತಿಮವಾಗಿ ಬ್ರಿಟೀಷರು ಅನುಸರಿಸಿದರು. ಹೀಗೆ ಪ್ರತಿಯೊಬ್ಬ ರಾಜರುಗಳು ತಮ್ಮ ತಮ್ಮ ಸಂಸ್ಕೃತಿಯ ಗುರುತುಗಳನ್ನು ಈ ಪ್ರದೇಶದ ಮೇಲೆ ಬಿಟ್ಟು ಹೋದರು.
ನಾಮಕ್ಕಲ್ ಹವಾಮಾನ
ಇತರ ದಕ್ಷಿಣಭಾರತದ ಭಾಗಗಳಂತೆ, ನಾಮಕ್ಕಲ್ ತೀವ್ರ ಬೇಸಿಗೆ ವಾತಾವರಣವನ್ನು ಎದುರಿಸುತ್ತದೆ. ಆದ್ದರಿಂದ ಮಳೆಗಾಲದ ನಂತರ ಅಕ್ಟೋಬರ್ನಿಂದ ಮಾರ್ಚ್ವರೆಗೆ ತಾಪಮಾನವು ಹದವಾಗಿರುವುದರಿಂದ ನಾಮಕ್ಕಲ್ಲನ್ನು ಭೇಟಿ ಮಾಡಲು ಸೂಕ್ತ ಸಮಯ.
ನಾಮಕಲ್ ತಲಪುವುದು ಹೇಗೆ?
ಅನೇಕ ಪ್ರಮುಖ ನಗರಗಳು ಹತ್ತಿರವಿರುದರಿಂದ ನಾಮಕಲ್ಲಿಗೆ ಪ್ರಯಾಣಮಾಡಲು ಕಷ್ಟವೇನಿಲ್ಲ. ಇದು ರಸ್ತೆಗಳ ಮೂಲಕ ಉತ್ತಮ ಸಂಪರ್ಕವನ್ನು ಹೊಂದಿದೆ. ನಾಮಕಲ್ ಪ್ರತಿಯೊಬ್ಬ ಪ್ರವಾಸಿಗನು ನಿಸ್ಸಂಶಯವಾಗಿ ನೋಡಲೇಬೇಕಾದ ಸ್ಥಳವಾಗಿದೆ.