ಒಲಕರುವಿ ಜಲಪಾತವು ನಾಗರಕೋಯಿಲ್ನ ಜನಪ್ರಿಯ ಪ್ರವಾಸಿ ತಾಣ. ಇದು ನಾಗರಕೋಯಿಲ್ನಿಂದ 20 ಕಿಮೀ ದೂರದಲ್ಲಿದೆ. ಕನ್ಯಾಕುಮಾರಿಗೆ ಭೇಟಿ ನೀಡುವ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡಲೇಬೇಕು. ದಕ್ಷಿಣ ಭಾರತದ ಜನಪ್ರಿಯ ಜಲಪಾತಗಳಲ್ಲಿ ಇದೂ ಕೂಡ ಒಂದು.
ಸ್ಥಳೀಯ ಐತಿಹ್ಯದ ಪ್ರಕಾರ ಈ ಜಲಪಾತದ ನೀರಿನಲ್ಲಿ ಔಷದೀಯ ಗುಣಗಳಿದ್ದು ಇದು ಹಲವು ರೋಗಗಳನ್ನು ನಿವಾರಿಸುತ್ತದೆ. ಈ ಜಲಪಾತದಲ್ಲಿ ಸ್ನಾನ ಮಾಡುವುದರಿಂದ ಹಲವು ಚರ್ಮದ ಖಾಯಿಲೆಗಳು ಮತ್ತು ಸ್ನಾಯು ನೋವುಗಳು ನಿವಾರಣೆಯಾಗುತ್ತದೆ ಎಂದು ಹೇಳಲಾಗುತ್ತದೆ. ವಯಸ್ಸಾದವರು ಇಲ್ಲಿ ಸ್ನಾನ ಮಾಡುವ ಮೂಲಕ ಹೊಸ ಚೈತನ್ಯ ಪಡೆಯುತ್ತಾರೆ ಎಂದು ಹೇಳಲಾಗುತ್ತದೆ.
ನಾಗರಕೋಯಿಲ್ನಿಂದ ರಸ್ತೆ ಮೂಲಕ ಈ ಜಲಪಾತಕ್ಕೆ ಹೋಗಬಹುದು. ಜಲಪಾತದ ಸಮೀಪದವರೆಗೆ ರಸ್ತೆ ಹೋಗುತ್ತದೆಯಾದರೂ ಸ್ವಲ್ಪದೂರ ನಡೆಯಬೇಕು. ಜಲಪಾತಕ್ಕೆ ಹೋಗುವ ಈ ನಡಿಗೆಯ ಮಾರ್ಗ ಸಣ್ಣ ಚಾರಣದ ಅನುಭವವನ್ನು ಪ್ರವಾಸಿಗರಿಗೆ ನೀಡುತ್ತದೆ. ಹಸಿರು ಪ್ರಕೃತಿಯ ನಡುವೆ ಸಾಗುವ ಈ ಮಾರ್ಗದ ಪ್ರಯಾಣ ಪ್ರವಾಸಿಗರಿಗೆ ಮರೆಯಲಾಗದ ಅನುಭವವನ್ನು ನೀಡುತ್ತದೆ.