ಉತ್ತರ ಗೋವಾದಲ್ಲಿ ನೆಲೆಸಿರುವ ಮಾಪುಸಾ ಪಟ್ಟಣವು ಬಾಗಾ, ಕಲಂಗುಟ್ ಮತ್ತು ಅಂಜುನಾ ಕಡಲ ತೀರಗಳಿಗೆ ಹತ್ತಿರದಲ್ಲಿದೆ. ಪಣಜಿಯಿಂದ ಕೇವಲ 13 ಕಿ.ಮೀ ದೂರದಲ್ಲಿರುವ ಈ ಪಟ್ಟಣವು, ಗೋವಾಗೆ ಭೇಟಿ ನೀಡಲು ಸೂಕ್ತ ಸಮಯವಾಗಿರುವ ಅಕ್ಟೋಬರ್ ನಿಂದ ಡಿಸೆಂಬರ್ ಕಾಲದಲ್ಲಿ ಪ್ರವಾಸಿಗರಿಗೆ ಒಂದು ಮಿತವ್ಯಯಕಾರಿಯಾದ ನಗರವೆಂದು ಹೇಳಬಹುದು. ಈ ನಗರವು ಪ್ರತಿ ಶುಕ್ರವಾರದಂದು ನಡೆಯುವ ಸಂತೆಗೆ ಪ್ರಖ್ಯಾತವಾಗಿದ್ದು, ಸುತ್ತಮುತ್ತಲಿನ ಹಳ್ಳಿಗಳ ವ್ಯಾಪಾರಿಗಳು ಹಲವು ಬಗೆಯ ಕರಕುಶಲ ವಸ್ತುಗಳು, ಕೃಷಿ ಉತ್ಪನ್ನಗಳು, ತಾಜಾ ಹಣ್ಣುಗಳು ಮತ್ತು ಸ್ಥಳೀಯ ವಿವಿಧ ಬಗೆಯ ವಸ್ತುಗಳನ್ನು ಇಲ್ಲಿ ಮಾರುವುದನ್ನು ಕಾಣಬಹುದು. ಮಾಪುಸಾ ಪಟ್ಟಣವು ತನ್ನಲ್ಲಿ ದೊರೆಯುವ ವಿವಿಧ ಬಗೆಯ ಸಿಫುಡ್ ಗಳಿಗು ಖ್ಯಾತಿಯಾಗಿದೆ. ಪಣಜಿ ಹಾಗು ಗೋವಾದ ಇತರೆ ಭಾಗಗಳಿಂದ ಮಾಪುಸಾಗೆ ನಿರಂತರವಾದ ಬಸ್ ಸೇವೆಗಳು ಲಭ್ಯವಿದೆ. ಬೇಕಾದರೆ ಕ್ಯಾಬ್ ಗಳ ಸೇವೆಯನ್ನೂ ಕೂಡ ಬಳಸಬಹುದು, ಆದರೆ ಹೆಚ್ಚಿನ ಹಣ ವ್ಯಯಿಸಬೇಕಾಗುತ್ತದೆ.