ಉತ್ತರ ಪ್ರದೇಶದಲ್ಲಿನ ಒಂದು ಸಣ್ಣ ಜಿಲ್ಲೆಯಾದ ಮಹೋಬಾ ತನ್ನ ವೈಭವಯುತ ಇತಿಹಾಸಕ್ಕೆ ಪ್ರಸಿದ್ಧವಾದದ್ದು. ಇದು ಬುಂದೇಲಖಂಡ ಪ್ರದೇಶದಲ್ಲಿದೆ. ಕಾಮಶಾಸ್ತ್ರದ ಶಿಲ್ಪಗಳಿಗೆ ಪ್ರಸಿದ್ಧವಾದ ಖಜುರಾಹೋವಿನೊಂದಿಗೆ ಮಹೋಬಾ ಸಾಂಸ್ಕೃತಿಕ ಸಂಬಂಧವನ್ನು ಒಳಗೊಂಡಿದೆ. ಈ ಶಿಲ್ಪಗಳು ಚಂಡೇಲರ ಅಧಿಪತ್ಯದ ಅವಧಿಯಲ್ಲಿ ನಿರ್ಮಾಣಗೊಂಡಿತು. ಇದು ಚಂಡೇಲ ರಜಪೂತರ ರಾಜಧಾನಿಯಾಗಿತ್ತು. ಬುಂದೇಲಖಂಡವನ್ನು ಇವರು 10ರಿಂದ 16ನೇ ಶತಮಾನದವರೆಗೆ ಆಳಿದರು. ಮಹೋಬಾ ಎಂದರೆ ‘ಮಹೋತ್ಸವಗಳ ನಗರ’ ಎಂದರ್ಥ.
ಮಹೋಬಾದ ಸುತ್ತಮುತ್ತಲ ಪ್ರೇಕ್ಷಣೀಯ ಸ್ಥಳಗಳು
ಮಹೋಬಾ ಹಲವು ಸ್ಮಾರಕಗಳು, ಕಟ್ಟಡಗಳು ಮತ್ತು ಧಾರ್ಮಿಕ ಸ್ಥಳಗಳ ತವರು. ಇಲ್ಲಿನ ಶಿವನ ದೇವಸ್ಥಾನವು ಗುಕ್ಹಾರ್ ಪರ್ವತಗಳ ಪ್ರದೇಶದಲ್ಲಿದೆ. ಶಿವನು ಇಲ್ಲಿ ತಾಂಡವ ಭಂಗಿಯಲ್ಲಿ ನಿಂತಿದ್ದಾನೆ. ಮದನ ಸಾಗರದಲ್ಲಿನ ದ್ವೀಪದಲ್ಲಿರುವ ಕಾಕರಮಠ ದೇವಾಲಯವು ಕೂಡ ಭಕ್ತಾದಿಗಳನ್ನು ಆಕರ್ಷಿಸುತ್ತದೆ. ರಾಹಿಲ ಸಾಗರದ ಪಶ್ಚಿಮ ದಿಕ್ಕಿನಲ್ಲಿ 9 ನೇಯ ಶತಮಾನದ ರಾಹಿಲ ಸಾಗರ ಸೂರ್ಯ ದೇವಾಲಯವಿದೆ. ಗೊಕ್ಹಾರ್ ಪರ್ವತದಲ್ಲಿ ಚಂಡಿಕಾ ದೇವಿ ದೇವಸ್ಥಾನವಿದೆ. ಇಲ್ಲಿ ಹಿಂದೂ, ಜೈನ ಮತ್ತು ಬೌದ್ಧ ಧರ್ಮಗಳ ಸ್ಮಾರಕಗಳಿವೆ.
ಮಹೋಬಾ ತಲುಪುವುದು ಹೇಗೆ
ವಾಯುಮಾರ್ಗ, ರೈಲು ಮಾರ್ಗ ಮತ್ತು ರಸ್ತೆಯ ಮೂಲಕ ಇಲ್ಲಿಗೆ ಸುಲಭವಾಗಿ ತಲುಪಬಹುದು.