ಮಹಾಬಲೇಶ್ವರ ವರ್ಷವಿಡೀ ಮಧುರ, ಮಿತವಾದ ಹವಾಗುಣವನ್ನು ಹೊಂದಿರುತ್ತದೆ. ಚಳಿಗಾಲ ಮತ್ತು ಮುಂಗಾರಿನ ಅವಧಿಯಲ್ಲಿ ಮಹಾಬಲೇಶ್ವರಕ್ಕೆ ಭೇಟಿ ನೀಡುವ ಅತ್ಯಂತ ಸೂಕ್ತ ಸಮಯ.
ಬೇಸಿಗೆ ಮಾರ್ಚ್ ನಿಂದ ಜೂನ್ ವರೆಗೂ ಚಾಚಿಕೊಂಡಿರುತ್ತದೆ ಮತ್ತು ಪರಿಸರವನ್ನು ವೀಕ್ಷಿಸಲು ಆಹ್ಲಾದಕರ ಸಮಯ. ತಾಪಮಾನ 18° C ರಿಂದ 29° C ವರೆಗು ಇರುತ್ತದೆ. ಬೆಚ್ಚಗಿನ ದಿನಗಳನ್ನು ಹೊರತುಪಡಿಸಿದರೆ, ಮಹಾಬಲೇಶ್ವರ 4,400 ಅಡಿ ಎತ್ತರದಲ್ಲಿರುವುದರಿಂದ ಹವಾಮಾನವು ಬಿಸಿಯಾಗುವುದರಿಂದ ತಪ್ಪುತ್ತದೆ ಮತ್ತು ಬದಲಿಗೆ ತಂಪಾದ ತಂಗಾಳಿಯಿಂದ ಈ ಸ್ಥಳವು ಒಳಗೊಂಡಿರುತ್ತದೆ.
ಮುಂಗಾರು ಜೂನ್ ನಿಂದ ಸೆಪ್ಟೆಂಬರ್ ವರೆಗೂ ವಿಸ್ತರಿಸಿರುತ್ತದೆ ಮತ್ತು ಈ ಸ್ಥಳವನ್ನು ಒಂದು ಮರುಳುಗೊಳಿಸುವಂತಹ ದೃಶ್ಯವನ್ನಾಗಿ ರೂಪಾಂತರಿಸುತ್ತದೆ. ಮಧುಚಂದ್ರಕ್ಕೆ ಬರುವ ಜೋಡಿಗಳು ವರ್ಷದ ಈ ಸಮಯದಲ್ಲಿ ಈ ಸ್ಥಳಕ್ಕೆ ಭೇಟಿ ನೀಡುವುದು ಸೂಕ್ತ.
ಡಿಸೆಂಬರ್ ನಿಂದ ಫೆಬ್ರವರಿ ಅವಧಿಯಲ್ಲಿ ತಾಪಮಾನ 5° C ನಿಂದ 24° C ನಡುವೆ ಇದ್ದು, ತಂಪಾದ ಚಳಿಗಾಲವನ್ನು ಸೂಚಿಸುತ್ತದೆ. ಸಮೀಪದ ಪ್ರಮುಖ ನಗರಗಳಲ್ಲಿ ಜನಪ್ರಿಯವಾಗಿರುವ ಈ ಮಹಾಬಲೇಶ್ವರ ಗಿರಿಧಾಮಕ್ಕೆ, ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಅವಧಿಯಲ್ಲಿ ಪ್ರವಾಸಿ ಚಟುವಟಿಕೆ ಬಹಳಷ್ಟು ಇರುತ್ತದೆ.