ಗುಹಾಘರ್ ವರ್ಷವಿಡಿ ಆಹ್ಲಾದಕರ ಹವಾಮಾನದ ಅನುಕೂಲತೆಯನ್ನು ಹೊಂದಿದೆ. ಮಳೆಗಾಲದ ನಂತರದ ಚಳಿಗಾಲದ ಅವಧಿ ಗುಹಾಘರ್ ಭೇಟಿಗೆ ಹೇಳೆಮಾಡಿಸಿದ ಕಾಲವಾಗಿದೆ.
ಗುಹಾಘರ್ ನಲ್ಲಿ ಬೇಸಿಗೆ ಮಾರ್ಚ್ ತಿಂಗಳಿನಿಂದ ಮೇ ತಿಂಗಳ ತನಕ ಇರುತ್ತದೆ. ಈ ಅವಧಿಯಲ್ಲಿ ಉಷ್ಣಾಂಶ ಗರಿಷ್ಟ 38 ಡಿಗ್ರಿ ಸೆಲ್ಶಿಯಸ್ ತನಕ ತಲುಪುತ್ತದೆ. ಅರಬ್ಬೀ ಸಮುದ್ರಕ್ಕೆ ಸಮೀಪವಾಗಿರುವ ಅಂಶವನ್ನು ಗಮನಿಸಿದರೆ ಗುಹಾಘರ್ ಈ ಅವಧಿಯಲ್ಲಿ ಹೆಚ್ಚು ಆದ್ರತೆಯನ್ನು ಹೊಂದಿರುತ್ತದೆ. ಈ ಅವಧಿಯಲ್ಲಿ ಗುಹಾಘರ್ ನಲ್ಲಿನ ಸನ್ ಬಾಥಿಂಗ್ ಅನ್ನು ನೀವು ಖಂಡಿತ ಅನುಭವಿಸಬೇಕು.
ಮಳೆಗಾಲ ಇಲ್ಲಿ ಜೂನ್ ತಿಂಗಳಿನಿಂದ ಸೆಪ್ಟೆಂಬರ್ ತಿಂಗಳ ತನಕ ಇರುತ್ತದೆ. ಇಲ್ಲಿ ಮಳೆಗಾಲದ ಅವಧಿಯಲ್ಲಿ ಭಾರಿ ಮಳೆಯಾಗುತ್ತದೆ. ಧಾರಾಕಾರವಾಗಿ ಸುರಿಯುವ ಇಲ್ಲಿನ ಮಳೆ ನಿಮ್ಮ ಸುತ್ತಾಟವನ್ನು ಪ್ರಭಾವಿಸುವ ಕಾರಣ ಈ ಅವಧಿಯಲ್ಲಿ ಇಲ್ಲಿಗೆ ಆಗಮಿಸದೆ ಇರುವುದು ಒಳಿತು.
ಡಿಸೆಂಬರ್ ನಿಂದ ಫೆಬ್ರುವರಿ ತನಕದ ಅವಧಿ ಇಲ್ಲಿ ಚಳಿಗಾಲವಾಗಿರುತ್ತದೆ. ಈ ಅವಧಿಯಲ್ಲಿ ಉಷ್ಣಾಂಶ ಸುಮಾರು 18 ಡಿಗ್ರಿ ಸೆಲ್ಶಿಯಸ್ ತನಕ ಬರುತ್ತದೆ. ಈ ಋತುಮಾನ ಸಾಮಾನ್ಯವಾಗಿ ಆಹ್ಲಾದಕರವಾಗಿರುತ್ತದೆ ಮತ್ತು ಭೇಟಿ ನೀಡಲು ಸೂಕ್ತವಾದ ಅವಧಿಯಾಗಿದೆ.