ಗ್ಯಾಂಗ್ಟಾಕ್ ಎತ್ತರ ಪ್ರದೇಶದಲ್ಲಿದ್ದು, ಇದು ರಕ್ಷಿತ ಪ್ರದೇಶ ವಾತಾವರಣಕ್ಕೆ ಹೊಂದಿಕೊಂಡಿದೆ. ವರ್ಷವಿಡಿ ಇಲ್ಲಿ ಆಹ್ಲಾದಕರ ವಾತಾವರಣವಿರುತ್ತದೆ.
ಎಪ್ರಿಲ್ ನಿಂದ ಜೂನ್ ತನಕ ಇಲ್ಲಿ ಬೇಸಿಗೆಗಾಲ. ಈ ಸಮಯದಲ್ಲಿ ಇಲ್ಲಿನ ತಾಪಮಾನ ಗರಿಷ್ಠ 22 ಡಿಗ್ರಿ ಸೆಲ್ಸಿಯಸ್ ತನಕ ಇರುತ್ತದೆ. ಬೇಸಿಗೆಗಾಲದಲ್ಲಿ ಇದು ಅತ್ಯಂತ ಸೌಮ್ಯ ವಾತಾವರಣವೆನ್ನಬಹುದು.
ಗ್ಯಾಂಗ್ಟಾಕ್ ಮಾನ್ಸೂನ್ ಪ್ರಭಾವಿತ ಉಪ ಉಷ್ಣವಲಯದ ಹವಾಮಾನವನ್ನು ಹೊಂದಿದೆ. ಜೂನ್ ನಿಂದ ಅಕ್ಟೋಬರ್ ತನಕ ಗ್ಯಾಂಗ್ಟಾಕ್ ನಲ್ಲಿ ಮಳೆಗಾಲ. ಈ ಸಮಯದಲ್ಲಿ ಭಾರೀ ಮಳೆಯಿಂದಾಗಿ ಭೂಕುಸಿತ ಸಂಭವಿಸುತ್ತದೆ. ಭೂಕುಸಿತದಿಂದ ಗ್ಯಾಂಗ್ಟಾಕ್ ಗೆ ಸಂಪರ್ಕವೇ ಕಡಿತವಾಗುತ್ತದೆ. ಮೇಯಲ್ಲಿ ಆರಂಭವಾಗುವ ಮಳೆ ಜುಲೈ ತಿಂಗಳಲ್ಲಿ ಅತ್ಯಧಿಕ ಪ್ರಮಾಣದಲ್ಲಿ ಸುರಿಯುತ್ತದೆ.
ಚಳಿಗಾಲದಲ್ಲಿ ಗ್ಯಾಂಗ್ಟಾಕ್ ತುಂಬಾ ತಂಪಾಗಿರುತ್ತದೆ. ಚಳಿಗಾಲದಲ್ಲಿ ತಾಪಮಾನ -3 ಡಿಗ್ರಿ ಸೆಲ್ಸಿಯಸ್ ತನಕ ಕುಸಿಯುತ್ತದೆ. ಹಿಮಪಾತವಾಗುವುದು ಅಪರೂಪ. 1990, 2004, 2005, 2011ರಲ್ಲಿ ಇಲ್ಲಿ ಹಿಮಪಾತವಾಗಿತ್ತು.