ದೇವಿಕುಲಂ ಎಂಬ ಪರ್ವತ ಪ್ರದೇಶ ಇರುವುದು ಕೇರಳದ ಸುಂದರ ತಾಣದಲ್ಲಿ. ಕಲ್ಲು ಬಂಡೆಗಳ ಅಂಚಿಂದ ಧಾರೆಯಾಗಿ ಸುರಿಯುವ ಜಲಪಾತಗಳು ಮತ್ತು ಹಸಿರು ಸೀರೆಯನ್ನು ಹೊದ್ದಂತಿರುವ ಬೆಟ್ಟ ಪ್ರದೇಶಗಳು ನಿಮ್ಮನ್ನು ಇಲ್ಲಿಗೆ ಆದರದಿಂದ ಸ್ವಾಗತಿಸುತ್ತವೆ. ಇಡುಕ್ಕಿ ಜಿಲ್ಲೆಯ ಮುನ್ನಾರಿನಿಂದ ದೇವಿಕುಲಂ ಸುಮಾರು 7 ಕಿ.ಮೀ ದೂರದಲ್ಲಿದೆ. ವೈವಿಧ್ಯಮಯ ಪಕ್ಷಿ ಪ್ರಾಣಿಗಳ ಸಮೂಹವೇ ಇಲ್ಲಿದೆ. ಪ್ರವಾಸಿಗರು ಈ ಸೌಂದರ್ಯವನ್ನು ಅನುಭವಿಸಿ ಖುಷಿಪಡಬಹುದು. ಇಲ್ಲಿನ ಇನ್ನೊಂದು ಪ್ರಮುಖ ಆಕರ್ಷಕ ಸಂಗತಿಯೆಂದರೆ ಟೌರ್ ಮೀನುಗಾರಿಕೆ. ದೇವಿಕುಲಂ, ಚಾರಣಿಗರ ಸ್ವರ್ಗ.
ಚಾರಣಿಗರಿಗೊಂದು ಸ್ವರ್ಗ
ಈ ಪ್ರದೇಶದ ಪ್ರಮುಖ ಆಕರ್ಷಣೆಯೆಂದರೆ ಸೀತಾ ದೇವಿ ಕೆರೆ. ಐತಿಹ್ಯಗಳ ಪ್ರಕಾರ ಸೀತಾ ದೇವಿಯು ಇಲ್ಲಿ ಸ್ನಾನ ಮಾಡಿದ್ದಳು ಎಂದು ನಂಬಲಾಗಿದೆ. ಪಲ್ಲಿವಾಸಲ್ ಜಲಪಾತವನ್ನು ನೀವು ನೋಡಲೇಬೇಕು. ದೇವಿಕುಲಂ ನ ಪ್ರಾಣಿ ಪಕ್ಷಿಗಳ ಸಂಕುಲವನ್ನು ನೋಡುವ ಸೌಭಾಗ್ಯವನ್ನು ನೀವು ತಪ್ಪಿಸಿಕೊಳ್ಳಲೇಬಾರದು. ಬೇಸಿಗೆಕಾಲ, ಮಳೆಗಾಲ ಮತ್ತು ಚಳಿಗಾಲಗಳು ಇಲ್ಲಿನ ಪ್ರಮುಖ ಕಾಲಗಳು. ದೇವಿಕುಲಂ ಗೆ ಹೋಗಲು ಬೇಸಿಗೆಕಾಲ ಮತ್ತು ಮಳೆಗಾಲವು ಸೂಕ್ತ. ಚಳಿಗಾಲದಲ್ಲಿ ತಾಪಮಾನವು ಅತ್ಯಂತ ಕಡಿಮೆ ಇರುತ್ತದೆ. ಬೇಸಿಗೆಯಲ್ಲಿ ಹಗಲಿನ ಹೊತ್ತಿನಲ್ಲಿ ತಾಪಮಾನವು ಮಧ್ಯಮ ಪ್ರಮಾಣದಲ್ಲಿರುತ್ತದೆ ಹಾಗೂ ಸಹಿಸಿಕೊಳ್ಳಬಹುದಾದಂಥದ್ದು. ರಾತ್ರಿಯಲ್ಲಿ ತಾಪಮಾನ ಕಡಿಮೆಯಾಗುತ್ತದೆ. ನಿಸರ್ಗಪ್ರಿಯರೇ ಇಲ್ಲಿಗೆ ಹೆಚ್ಚಾಗಿ ಆಗಮಿಸುತ್ತಾರೆ.