ಮಧ್ಯಪ್ರದೇಶದ ಅಶೋಕ ನಗರ ಜಿಲ್ಲೆಯಲ್ಲಿರುವ ಚಾಂದೇರಿ ಐತಿಹಾಸಿಕ ಮಹತ್ವವನ್ನು ಪಡೆದ ಸ್ಥಳ. ಬುಂದೇಲ್ಖಂಡ ಮತ್ತು ಮಾಳ್ವಾ ಗಡಿ ಪ್ರದೇಶದ ನಡುವೆ ಈ ಪ್ರದೇಶ ಬರುತ್ತದೆ. ಈ ಪಟ್ಟಣವು ಅದರ ಐತಿಹಾಸಿಕ ಸ್ಮಾರಕಗಳು ಮತ್ತು ನೈಸರ್ಗಿಕ ಅದ್ಭುತಗಳ ಮೂಲಕ ಒಂದು ಸಂತೋಷಕರ ವಾತಾವರಣ ಒದಗಿಸುತ್ತದೆ. ಪಕ್ಕದ ಕಾಡುಗಳ ಹಸಿರು ಮತ್ತು ಪ್ರಸನ್ನ ಸರೋವರಗಳ ವಾತಾವರಣದಿಂದ ಸುತ್ತುವರೆದ ಚಾಂದೇರಿ ಸೊಂಪಾದ ವಿಂಧ್ಯ ಬೆಟ್ಟಗಳಲ್ಲಿ ಇದೆ. ಈ ನಗರವು ಝಾನ್ಸಿ ಇಂದ 135 ಕಿ ಮೀ ಮತ್ತು ಭೋಪಾಲ್ ನಿಂದ 205 ಕಿ ಮೀ ಅಂತರದಲ್ಲಿದೆ.
ಚಾಂದೇರಿ : ಅದ್ಭುತ ಕಲ್ಲಿನ ಕೆತ್ತನೆಯ ಭೂಮಿ
ಚಾಂದೇರಿಯ ಸ್ಮಾರಕಗಳ ಹೆಗ್ಗುರುತುಗಳು, ಈ ಪುರಾತನ ನಗರವು 11 ಶತಮಾನದಿಂದ ಅಸ್ತಿತ್ವದಲ್ಲಿದೆ ಎಂಬ ಪುರಾವೆಗಳನ್ನು ಒದಗಿಸುತ್ತದೆ. ಗುಜರಾತ್ನ ಬಂದರುಗಳಿಗೆ, ಮಧ್ಯ ಭಾರತ ಹಾಗು ಡೆಕ್ಕನ್ ಪ್ರದೇಶಗಳಿಗೆ ಸುಗಮವಾದ ವ್ಯಾಪಾರ ಮಾರ್ಗಗಳನ್ನು ಒಳಗೊಂಡ ಸ್ಥಳ ಇದಾಗಿದ್ದರಿಂದ ಹಲವಾರು ಆಳ್ವಿಕೆಗಾರರು ಇದನ್ನು ಆಳಿದ್ದರು. ಕಲ್ಲಿನಿಂದ ಕೆತ್ತಿದ ಸ್ಮಾರಕಗಳು ವಿವಿಧ ಅವಧಿಗಳ ಸಮೃದ್ಧ ಇಸ್ಲಾಮಿಕ್ ವಾಸ್ತುಶಿಲ್ಪವನ್ನು ಒಳಗೊಂಡ ಪುರಾವೆಗಳನ್ನು ಇಲ್ಲಿ ಕಾಣಬಹುದು. ಚಾಂದೇರಿ ಜೈನ ಧರ್ಮದ ಒಂದು ಪ್ರಮುಖ ಕೇಂದ್ರವಾಗಿತ್ತು ಹಾಗೂ ನಿರ್ಣಾಯಕ ಮಿಲಿಟರಿ ನೆಲೆಯಾಗಿಯೂ ಸೇವೆ ನೀಡಿದೆ.
ಚಾಂದೇರಿಯ ಸುತ್ತಮುತ್ತಲಿನ ಪ್ರವಾಸಿ ತಾಣಗಳು
ಚಾಂದೇರಿಯಲ್ಲಿ ಸಾಕಷ್ಟು ಪ್ರವಾಸಿ ಸ್ಥಳಗಳಿವೆ. ಚಾಂದೇರಿ ಕೋಟೆ, ರಾಜ ಮಹಲ್, ಸಿಂಗಪುರ್ ಪ್ಯಾಲೇಸ್, ಬಾದಲ್ ಮಹಲ್ ಮುಂತಾದವು. ಇಲ್ಲಿ ವರ್ಷಕ್ಕೊಮ್ಮೆ ನಡೆಯುವ ಜಾಗೆಶ್ವರಿ ದೇವಿ ಜಾತ್ರೆ ದೊಡ್ಡ ಆಕರ್ಷಣೆಯಾಗಿದೆ. ಚಾಂದೇರಿ ಕರಕುಶಲ ಉದ್ಯಮಕ್ಕೆ ಹೆಸರುವಾಸಿಯಾಗಿದೆ ಮತ್ತು ಉನ್ನತ ಗುಣಮಟ್ಟದ ಕೈಯಲ್ಲಿ ಹೆಣೆದ ಸೀರೆಗಳು ಮತ್ತು ವಿಶಿಷ್ಟ ಚಿನ್ನದ ಅಂಚಿನ ಸೀರೆಗಳಿಗೆ ಇದು ಪ್ರಖ್ಯಾತಿಪಡೆದಿದೆ.
ಚಾಂದೇರಿ ತಲುಪುವ ಮಾರ್ಗ
ಅಕ್ಕಪಕ್ಕದ ಹಳ್ಳಿ ಮತ್ತು ನಗರಗಳಿಂದ ಬಸ್ ಮತ್ತು ಟ್ಯಾಕ್ಸಿ ಮೂಲಕ ಚಾಂದೇರಿ ತಲುಪಬಹುದು. ಪ್ರವಾಸಿಗರಿಗೆ ಈ ತಾಣ ಸೂಕ್ತವಾಗಿದೆ ಮತ್ತು ಇಲ್ಲಿ ತಂಗಲು ವಿಶಾಲವಾದ ಹೋಟೆಲುಗಳು, ಸರ್ಕ್ಯೂಟ್ ಹೌಸ್, ಡಾಕ್ ಬಂಗಲೆ ಮತ್ತು ರೆಸ್ಟ್ ಹೌಸ್ ಸಹ ಗಳಿವೆ.
ಚಾಂದೇರಿ ಗೆ ಪ್ರವಾಸ ಕೈಗೊಳ್ಳಲು ಸೂಕ್ತ ಕಾಲ
ಚಳಿಗಾಲ ಇಲ್ಲಿ ಭೇಟಿ ನೀಡಲು ಉತ್ತಮ ಕಾಲ.