ಶ್ರೀಮಂತ ಐತಿಹಾಸಿಕ ಹಿನ್ನೆಲೆ ಹೊಂದಿರುವ ಬಿಜಾಪುರ ಪಟ್ಟಣವು ದೇಶ ವಿದೇಶಿಗರ ಮನ ಸೆಳೆದಿದೆ. ಇಲ್ಲಿರುವ ಕಟ್ಟಡಗಳು ಪ್ರವಾಸಿಗರಿಗೆ ಬಿಜಾಪುರದ ಇತಿಹಾಸ ಮತ್ತು ಸಂಸ್ಕೃತಿಯನ್ನು ಹೇಳುತ್ತವೆ ಎನ್ನಬಹುದು.
ಕರ್ನಾಟಕದ ರಾಜಧಾನಿ ಬೆಂಗಳೂರಿನಿಂದ 530 ಕಿ.ಮೀ. ದೂರದಲ್ಲಿರುವ ಬಿಜಾಪುರ ಪಟ್ಟಣವು ಅಲ್ಲಿನ ಕೋಟೆ, ಮಸೀದಿ ಮತ್ತು ಮಿನಾರ್ ಗಳಿಂದ ಪ್ರಸಿದ್ಧಿಯಾಗಿದೆ. ಯೂಸೂಪ್ ಆದಿಲ್ ಶಾಹನ ಕಾಲದಲ್ಲಿ ನಿರ್ಮಿಸಲಾಗಿದೆಯೆನ್ನಲಾದ ಹಲವಾರು ಕಟ್ಟಡಗಳು ಬಿಜಾಪುರದಲ್ಲಿ ಇಂದಿಗೂ ಸುಸ್ಥಿತಿಯಲ್ಲಿದ್ದು ಪ್ರವಾಸಿಗರಿಗೆ ಇತಿಹಾಸದ ಕಥೆಯನ್ನು ಹೇಳುತ್ತವೆ.
ಪ್ರಾದೇಶಿಕ ಇತಿಹಾಸ
ಕ್ರಿ.ಶ.1490 ರಲ್ಲಿ ಮೊಘಲ್ ಸಾಮ್ರಾಜ್ಯದ ದೊರೆ ಆದಿಲ್ ಶಾಹ ನು ಬಿಜಾಪುರ ಪಟ್ಟಣವನ್ನು ಸ್ಥಾಪಿಸಿದನು. ತನ್ನ ಸಾಮ್ರಾಜ್ಯದ ಕುರುಹು ಅಜರಾಮರವಾಗಿರಲೆಂದು ಬಿಜಾಪುರದಲ್ಲಿ ಹಲವಾರು ಆಕರ್ಷಕ ವಿಶಿಷ್ಟ ವಾಸ್ತುಶೈಲಿಯ ಕಟ್ಟಡಗಳನ್ನು ಕಟ್ಟಿಸಿದನು.
ಬಿಜಾಪುರಕ್ಕೆ ಪ್ರವಾಸಕ್ಕೆ ಬಂದವರು ಇಲ್ಲಿರುವ ವಿಶ್ವವಿಖ್ಯಾತ ಗೋಲಗುಂಬಜ್ ನೋಡದೇ ಹೋಗುವುದಿಲ್ಲ ಎನ್ನಬಹುದು. ಈ ಗುಂಬಜವನ್ನು ಆದಿಲ ಶಾಹನ ಕಾಲದಲ್ಲಿ ನಿರ್ಮಿಸಲಾಗಿದ್ದು ಸೆಂಟ್. ಪೀಟರ್ಸ್ ಬಸ್ಲಿಕಾ ಗೋಪುರದ ನಂತರ ಎರಡನೇ ಸ್ಥಾನದಲ್ಲಿದೆ.
ಬಿಜಾಪುರದಲ್ಲಿ ಗೋಲಗುಂಬಜ ದೊಂದಿಗೆ ಇನ್ನಿತರ ಹಲವಾರು ಪ್ರೇಕ್ಷಣೀಯ ಸ್ಥಳಗಳು ಇವೆ. ಮಲಿಕಾ ಎ ಮೈದಾನ, ಉಪಲಿ ಬುರ್ಜ್, ಚಾಂದ ಬಾವಡಿ ಯಂತಹ ಐತಿಹಾಸಿಕ ಕಟ್ಟಡಗಳು ಪ್ರವಾಸಿಗರನ್ನು ಆಕರ್ಷಿಸುತ್ತವೆ. 200 ಲಕ್ಷ ಮಿ.ಲೀ. ನೀರು ಸಂಗ್ರಹ ಸಾಮರ್ಥ್ಯ ಹೊಂದಿರುವ ದೊಡ್ಡ ನೀರಿನ ಟ್ಯಾಂಕ್ ಆಗಿನ ಕಾಲದಲ್ಲೇ ನಿರ್ಮಿಸಿದ್ದರೂ ಈಗಲೂ ಸುಸ್ಥಿತಿಯಲ್ಲಿದೆ.
ಮೊಘಲ್ ದೊರೆಗಳು ಚಾಲುಕ್ಯರ ಕಾಲದಲ್ಲಿ ನಿರ್ಮಾಣಗೊಂಡ ಐಹೊಳೆ, ಪಟ್ಟದಕಲ್ಲು ಮತ್ತು ಬಾದಾಮಿಯಲ್ಲಿರುವ ದೇವಸ್ಥಾನಗಳ ವಾಸ್ತುಶಿಲ್ಪವನ್ನು ನೋಡಿ ತಮ್ಮ ಪ್ರದೇಶದಲ್ಲೂ ವಿಶಿಷ್ಟ ಕಟ್ಟಡಗಳನ್ನು ಕಟ್ಟಿಸಲು ಪ್ರೇರೇಪಿತಗೊಂಡರು.
ಬಿಜಾಪುರ ಪಟ್ಟಣಕ್ಕೆ ದೇಶದ ಎಲ್ಲೆಡೆಯಿಂದ ಪ್ರವಾಸಿಗರು ಬರುವಂತೆ ವಿಮಾನ, ರೈಲು ಮತ್ತು ರಸ್ತೆ ಸಂಪರ್ಕ ಮಾರ್ಗಗಳಿವೆ. ಬೆಳಗಾವಿ ವಿಮಾನ ನಿಲ್ದಾನವು ಬಿಜಾಪುರಕ್ಕೆ ಹತ್ತಿರವಿದೆ. ಅಲ್ಲದೇ ಬೆಂಗಳೂರು, ಗೋವಾ ಸೇರಿದಂತೆ ದೇಶದ ಹಲವೆಡೆಯಿಂದ ಹಲವಾರು ರೈಲುಗಳು ಬಿಜಾಪುರ ರೈಲು ನಿಲ್ದಾಣಕ್ಕೆ ಸಂಚರಿಸುತ್ತವೆ.