ಯುಮ್ ಥಾಂಗ್ ಸಿಕ್ಕಿಂನ ಉತ್ತರಭಾಗದಲ್ಲಿರುವ ಒಂದು ಸುಂದರವಾದ ಸ್ಥಳವಾಗಿದ್ದು, ತನ್ನ ಹೆಸರಿನ ತಕ್ಕಂತೆಯೇ ಇದನ್ನು ’ಹೂವುಗಳ ಕಣಿವೆ’ (Valley of Flowers) ಎಂದು ಕರೆಯಲಾಗುತ್ತದೆ.  ಈ ಸ್ಥಳದ ಪ್ರಾಕೃತಿಕ ಸೌಂದರ್ಯದ ಸಮೃದ್ಧತೆ ಎಷ್ಟಿದೆಯೆಂದರೆ ವಸಂತಋತುವಿನಲ್ಲಿ ಈ ತಾಣವು ಸುಂದರ ಮತ್ತು ವರ್ಣರಂಜಿತ ಹೂವುಗಳಿಂದ, ಉದಾಹರಣೆಗೆ ಮಾಸಲು ಹಳದಿ ಮತ್ತು ನಿತ್ಯಹಸುರಿನ ದೊಡ್ಡ ಗುಲ್ಮ(Rhododendron) ಹೂವುಗಳಿಂದ ಅಲಂಕರಿಸಲ್ಪಟ್ಟು ಹಿಂಡು ಹಿಂಡಾಗಿ ಕುರಿಗಳಂತೆ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಇದಲ್ಲದೆ ಈ ಸುಂದರ ತಾಣದ ಸುತ್ತ ಮುತ್ತ ಅನೇಕ ಸೂರೆಗೊಳ್ಳುವ ಇತರ ಆಕರ್ಷಣೆಗಳಿವೆ.

ಭೂಗೋಳ

ಯುಮ್ಥಾಂಗ್ ಕಣಿವೆಯು ಉತ್ತರ ಸಿಕ್ಕಿಂ ಜಿಲ್ಲೆಯಲ್ಲಿ ಸಮುದ್ರಮಟ್ಟದಿಂದ 3575 ಮೀಟರ್ ಎತ್ತರದಲ್ಲಿದೆ. ಇದು ಸಿಕ್ಕಿಂ ರಾಜಧಾನಿಯಾದ ಗ್ಯಾಂಗ್ಟಾಕ್ ಇಂದ 148 ಕಿ.ಮೀ. ದೂರದಲ್ಲಿದೆ.

ಯುಮ್ಥಾಂಗಿಗೆ ಭೇಟಿ ನೀಡಿದಾಗ ಈ ಸ್ಥಳಗಳನ್ನು ನೋಡಿ.

ಶಿಂಗ್ಬಾ ರೋಡೋಡೆಂಡ್ರೋನ್(Rhododendron)  ಅಭಯಾರಣ್ಯದಲ್ಲಿ 24 ಬಗೆಯ ರೋಡೋಡೆಂಡ್ರೋನ್ ಹೂವುಗಳಿವೆ.  ಇವು ಏಪ್ರಿಲ್ ತಿಂಗಳಿಂದ ಮೇ ತಿಂಗಳ ಕೊನೆಯವರೆಗೆ ಅರಳಿರುತ್ತವೆ.  ಯುಮ್ಥಾಂಗಿಗೆ ಬಲಬದಿಯಲ್ಲಿ ಇರುವ ಬಿಸಿನೀರಿನ ಬುಗ್ಗೆಯೂ ಕೂಡ ಇನ್ನೊಂದು ಪ್ರವಾಸೀ ಆಕರ್ಷಣೆಯಾಗಿದೆ.  ಈ ತಾಣವು ಹಸಿರು ಹುಲ್ಲುಗಾವಲುಗಳನ್ನೊಂಡ ಪ್ರಾಕೃತಿಕ ಸೌಂದರ್ಯ, ದೇವದಾರು, ಸಿಲ್ವರ್ ಓಕ್ ಮರಗಳಿಗೆ, ಸುಪ್ರಸಿದ್ಧವಾಗಿದೆ.  ಸ್ಕೀಯಿಂಗ್ (Skiing) ಮಾಡಲು ಗೊತ್ತಿರುವವರಿಗೆ ಯುಮ್ಥಾಂಗ್ನಲ್ಲಿ ಸ್ಕೀಯಿಂಗ್ ಮಾಡಲು ಸಾಹಸೀಮಯ ಜನಪ್ರಿಯ ಸ್ಥಳವೆಂದು ತಿಳಿದಿರಬೇಕು.

ಹಾಗೆಯೇ ಯುಮ್ಥಾಂಗಿನ ಉತ್ತರದಲ್ಲಿ ಸುಮಾರು 6 ಕಿ.ಮೀ. ದೂರದಲ್ಲಿ ಒಂದು ಶಿವ ಮಂದಿರವಿದೆ. ಇನ್ನೂ 16ಕಿ.ಮೀ. ಮುಂದೆ ಯೂಮೇಸಾಂಡಾಂಗ್(Yumesamdong) ಎಂಬ ಮತ್ತೊಂದು ಜನಪ್ರಿಯವಾದ ಸ್ಥಳವಿದೆ.