ಯಲ್ಲಾಪುರ ಎಂದೆಂದಿಗು ಬದಲಾಗದ ಸಾಮಾನ್ಯ ಹಳೆಯಕಾಲದ ಊರಾದರು, ಅದರ ನಿಬ್ಬೆರಗಾಗುವ ಸೌಂದರ್ಯದಿಂದಾಗಿ ಪ್ರಸಿದ್ಧವಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ಪಶ್ಚಿಮ ಘಟ್ಟಗಳ ದಟ್ಟ ಕಾಡುಗಳ ಮಧ್ಯೆ ನೆಲೆಗೊಂಡಿದ್ದು, ಸಮುದ್ರ ಮಟ್ಟದಿಂದ 1774 ಅಡಿಗಳಷ್ಟು ಎತ್ತರದಲ್ಲಿದೆ. ಈ ಊರಿನ ಸುತ್ತಲಿನ ಬೆಟ್ಟಗಳಲ್ಲಿ ರಭಸದಿಂದ ಧುಮ್ಮಿಕ್ಕುವ ಜಲಪಾತಗಳು ಇಲ್ಲಿನ ಕಣಿವೆಗಳನ್ನು ಅದ್ಭುತ ತಾಣಗಳಾಗಿ ಮಾರ್ಪಡಿಸಿವೆ.
ಯಲ್ಲಾಪುರದಲ್ಲಿ ನೋಡಬೇಕಾದುದು ಮತ್ತು ಮಾಡಬೇಕಾದುದು.
ಇಲ್ಲಿನ ಸಾತೊಡ್ಡಿ ಜಲಪಾತ ಕರ್ನಾಟಕದ ಅತ್ಯಂತ ಆಕರ್ಷಕ ಜಲಪಾತಗಳಲ್ಲಿ ಒಂದು ಎಂದು ಕರೆಯಲ್ಪಟ್ಟಿದೆ. ಈ ಜಲಪಾತಕ್ಕೆ ಹೋಗುವ ಹಾದಿಯಲ್ಲಿ ನೀವು ಸುತ್ತಲಿನ ಅದ್ಭುತ ನಿಸರ್ಗ ಸೌಂದರ್ಯವನ್ನು ಸವಿಯಬಹುದು. ಇಲ್ಲಿನ ಮಾಗೋಡು ಜಲಪಾತವು ಸಹಾ ತನ್ನ ಅದ್ವಿತೀಯ ಸೊಬಗಿನಿಂದಾಗಿ ಜನರ ಆಕರ್ಷಣೆಗೆ ಪಾತ್ರವಾಗಿದೆ.
ಈ ಊರು ತನ್ನ ಜೀವ ವೈವಿಧ್ಯಗಳಿಗೆ ಹೆಸರಾದ ದಟ್ಟ ಕಾನನದ ನಡುವೆ ನೆಲೆಗೊಂಡಿದೆ. ಇಲ್ಲಿ ನೀವು ವಿಹಾರಕ್ಕೆ ಅಥವಾ ಚಾರಣಕ್ಕೆ ಹೋದರೆ ವಿವಿಧ ಬಗೆಯ ಪ್ರಾಣಿಗಳನ್ನು, ಪಕ್ಷಿಗಳನ್ನು ಮತ್ತು ಗಿಡಮರಗಳನ್ನು ಕಣ್ಣು ತುಂಬಿಕೊಳ್ಳಬಹುದು. ಈ ಕಾಡಿನ ನಡುವೆ ಇರುವ ಕವಿ ಕೆರೆಯು ತನ್ನ ನಿರ್ಮಲ ಮತ್ತು ನೀರವ ವಾತಾವರಣದಿಂದಾಗಿ ಮೈ ಮನಗಳಿಗೆ ಮುದನೀಡುತ್ತದೆ. ಯಲ್ಲಾಪುರದಿಂದ 30 ಕಿ.ಮೀ ದೂರದಲ್ಲಿ ಕಳಚೆ ಗ್ರಾಮವು ಇದ್ದು ಅಲ್ಲಿನ ದುರ್ಗಾ ದೇವಿ ದೇವಾಲಯ ನೋಡಲು ಪ್ರಶಸ್ತವಾಗಿರುವ ಸ್ಥಳಗಳಲ್ಲಿ ಒಂದಾಗಿದೆ.
ಇಲ್ಲಿಗೆ ಸಮೀಪದ ರೈಲ್ವೆ ನಿಲ್ದಾಣವು ಹುಬ್ಬಳ್ಳಿಯಲ್ಲಿದ್ದು, ಇದು ಬೆಂಗಳೂರು, ಮಂಗಳೂರು ಮತ್ತು ಚೆನ್ನೈಗಳೊಂದಿಗೆ ಉತ್ತಮ ರೈಲು ಸಂಪರ್ಕ ಸೇವೆಯನ್ನು ಹೊಂದಿದೆ. ಹುಬ್ಬಳ್ಳಿಯು ಯಲ್ಲಾಪುರದಿಂದ 71 ಕಿ.ಮೀ ದೂರದಲ್ಲಿದ್ದು , ಟ್ಯಾಕ್ಸಿಯಲ್ಲಿ ಇಲ್ಲಿಗೆ ತಲುಪಬಹುದು. ಆದರು ಈ ಜಲಪಾತ ವೀಕ್ಷಿಸಲು ಮಳೆಗಾಲದಲ್ಲಿ ಹೋಗಲು ಸಾಧ್ಯವಾಗುವುದಿಲ್ಲ. ನವೆಂಬರ್ ನಿಂದ ಫೆಬ್ರವರಿವರೆಗಿನ ಕಾಲ ಇಲ್ಲಿಗೆ ಭೇಟಿಕೊಡಲು ಸೂಕ್ತ ಸಮಯವಾಗಿದೆ.