ಸಂಸ್ಕೃತಿ ಮತ್ತು ಇತಿಹಾಸಗಳ ಸಂಪದ್ಭರಿತ ಸ್ಥಳ ಯಾಣಮ್. ವಿದೇಶಿಗರ ಆಳ್ವಿಕೆಯ ಸಮಯದಲ್ಲಿ ಈ ಪ್ರದೇಶ ಫ್ರೆಂಚ್ ಭಾರತೀಯ ಆಡಳಿತಕ್ಕೊಳಪಟ್ಟಿತ್ತು. ಪ್ರಸ್ತುತ, ಇದೀಗ ಪಾಂಡಿಚೆರಿ ಕೇಂದ್ರಾಡಳಿತ ಪ್ರದೇಶಕ್ಕೆ ಸೇರಿದೆ. 1954 ರವರೆಗೂ ಫ್ರೆಂಚ್ ಅಧೀನಲ್ಲಿಯೇ ಇತ್ತು. ಆಂಧ್ರ ಪ್ರದೇಶ ರಾಜ್ಯದ ಗೋದಾವರಿಯ ನದಿಯ ಪೂರ್ವ ದಿಕ್ಕಿಗೆ ಪಕ್ಕದಲ್ಲಿಯೇ 30 ಸ್ಕ್ವೇರ್ ಕಿಲೋ ಮೀಟರ್ ವಿಸ್ತೀರ್ಣದಲ್ಲಿ ಹರಡಿಕೊಂಡಿದೆ ಯಾಣಮ್. ಬಾಲ್ಯವಿವಾಹಗಳು ಇಲ್ಲಿ ಕಾನೂನು ಬಾಹಿರವಲ್ಲದ ದಿನಗಳಲ್ಲಿ ವಿದೇಶಿ ಆಳ್ವಿಕೆಯ ಸಮಯದಲ್ಲಿ ತೆಲುಗು ಮಂದಿ ಈ ನಾಡನ್ನು ಕಲ್ಯಾಣಪುರವೆಂದೇ ಕರೆಯುತ್ತಿದ್ದರು. 300 ವರ್ಷಗಳಷ್ಟು ಸುದೀರ್ಘ ಇತಿಹಾಸವಿರುವ ಯಾಣಮ್ ಫ್ರೆಂಚ್ ಆಳ್ವಿಕೆಗೆ ಒಳಪಟ್ಟ ಮೇಲೂ ಫ್ರೆಂಚ್ ಯಾಣಮ್ ಎಂದೇ ಸ್ಥಳೀಯರ ಬಾಯಲ್ಲಿ ರಾರಾಜಿಸುತ್ತಿತ್ತು.

ವರ್ಷದ ಬಹುತೇಕ ಸಮಯ ಬಿಸಿಯಾಗಿರುತ್ತದೆ ಮತ್ತು ಒಣ ಹವೆಯನ್ನು ಹೊಂದಿರುತ್ತದೆ ಈ ಪ್ರದೇಶ. ವಾತಾವರಣದ ಬಿಸಿ ಶೇಕಡಾ. 68 ರಿಂದ ಶೇ.80 ರವರೆಗೆ ಇರುತ್ತೆ. ಬೇಸಿಗೆಯ ದಿನಗಳಲ್ಲಿ ಬಿಸಿ ಹೆಚ್ಚಿರುವ ಕಾರಣಕ್ಕೆ ಯಾಣಮ್ ಗೆ ಭೇಟಿ ನೀಡುವುದು ಸೂಕ್ತವಲ್ಲ. ಮಳೆಗಾಲದಲ್ಲಿ ನೈರುತ್ಯ ಮತ್ತು ಈಶಾನ್ಯ ಮಾರುತಗಳೆರಡೂ ಇಲ್ಲಿ ಮಳೆ ಸುರಿಸುತ್ತವೆ.