ವೊಖಾ ನಾಗಾಲ್ಯಾಂಡ್ ನ ದಕ್ಷಿಣ ಭಾಗದ ಓಂದು ಜಿಲ್ಲಾ ಕೇಂದ್ರ ಮತ್ತು ನಗರವಾಗಿದೆ. ಇಲ್ಲಿ ನಾಗಾಲ್ಯಾಂಡಿನ ಅತಿ ದೊಡ್ಡ ಬುಡಕಟ್ಟು ಜನಾಂಗ ಲೋಥಾಗಳು ವಾಸವಾಗಿದ್ದಾರೆ. ನಾಗಾಲ್ಯಾಂಡ್ ನ ಇತರ ಭಾಗಗಳಂತೆ ಇದೂ ಹಲವು ವರ್ಷಗಳ ಕಾಲ ಹೊರಗಿನ ಪ್ರಪಂಚದಿಂದ ದೂರವೇ ಉಳಿದಿತ್ತು. 1876 ರಲ್ಲಿ ಬ್ರಿಟೀಷರು ಭಾರತಕ್ಕೆ ಬಂದ ಮೇಲಷ್ಟೇ ಇದನ್ನು ಅಸ್ಸಾಂ ಅಡಿಯಲ್ಲಿ ನಾಗಾ ಬೆಟ್ಟಗಳ ಮುಖ್ಯ ಕೇಂದ್ರವನ್ನಾಗಿಸಿದರು. ವೊಖಾ ತನ್ನ ಸುತ್ತಲೂ ಬೆಟ್ಟಗಳಿಂದ ಕೂಡಿದೆ ಆದ್ದರಿಂದ ಇದೊಂದು ಪ್ರವಾಸಿ ಆಕರ್ಷಣೆ ಇರುವ ತಾಣವಾಗಿದೆ. ಇದು ಉತ್ತರದಲ್ಲಿ ಮೊಕೊಕ್ ಚುಂಗ್ ಜಿಲ್ಲೆಯಿಂದ ಪೂರ್ವದಲ್ಲಿ ಜ಼ುನ್ ಹೆಬೆಟೊ ದಿಂದ ಹಾಗೂ ಪಶ್ಚಿಮದಲ್ಲಿ ಅಸ್ಸಾಂ ನಿಂದ ಸುತ್ತುವರೆದಿದೆ.
ವೊಖಾ ದಲ್ಲಿನ ಪ್ರವಾಸೋದ್ಯಮ
ಲೋಥಾ ಜನಾಂಗದವರು ಪ್ರವಾಸಿಗಳನ್ನು ಬಹಳ ಪ್ರೀತಿಯಿಂದ ಸ್ವಾಗತಿಸುತ್ತಾರೆ. ಇಲ್ಲಿನ ಪ್ರಮುಖ ಉತ್ಸವಗಳೆಂದರೆ ತೋಖು, ಪಿಖುಚಕ್ ಮತ್ತು ಎಮೊಂಗ್ ಈ ಅವಧಿಗಳಲ್ಲಿ ಇಲ್ಲಿನ ಬುಡಕಟ್ಟು ನೃತ್ಯ ಮತ್ತು ಸಂಗೀತದ ಅತ್ಯಂತ ಉತ್ಕೃಷ್ಟ ಗುಣಮಟ್ಟವನ್ನು ನಾವು ಕಾಣಬಹುದು. ಈ ನಗರವು ಇಲ್ಲಿನ ಶಾಲುಗಳಿಗಾಗಿ ಪ್ರಸಿದ್ಧವಾಗಿದೆ ಈ ಶಾಲುಗಳನ್ನು ಇಲ್ಲಿನ ಜನರು ಕೈಯಿಂದಲೇ ನೈದು ಮಾಡುತ್ತಾರೆ ಹಾಗೂ ಇದು ಹಲವಾರು ಪೀಳಿಗೆಗಳಿಂದ ಬೆಳೆದು ಬಂದ ರೂಢಿಯಾಗಿದೆ. ವೊಖಾದಲ್ಲಿ ಮೌಂಟ್ ಟಿಯಿ, ತೋತ್ಸು ಬೆಟ್ಟ ಮತ್ತು ಡೊಯಾಂಗ್ ನದಿ ಸೇರಿದಂತೆ ಹಲವು ಪ್ರವಾಸಿ ತಾಣಗಳಿವೆ.
ನಾಗಾಲ್ಯಾಂಡ್ ಅನ್ನು ತಲುಪಲು ಭಾರತದ ನಾಗರಿಕರು ಆಂತರಿಕ ಅನುಮತಿ ಪತ್ರವನ್ನು ಒಯ್ಯುವುದು ಕಡ್ಡಾಯವಾಗಿದೆ. ಇದೊಂದು ಸರಳವಾದ ಪ್ರಯಾಣ ಅನುಮತಿ ಪತ್ರವಾಗಿದ್ದು ಇದನ್ನು ದೆಹಲಿ, ಕೋಲ್ಕತ್ತಾ, ಗುವಾಹಟಿ ಅಥವಾ ಶಿಲ್ಲಾಂಗ್ ನಿಂದ ಪಡೆಯಬಹುದಾಗಿದೆ. ಇದನ್ನು ದಿಮಾಪುರ್, ಕೊಹಿಮಾ ಮತ್ತು ಮೊಕೊಕ್ ಚುಂಗ್ ನ ಉಪ ಆಯುಕ್ತರಿಗೆ ಪತ್ರ ಬರೆಯುವ ಮೂಲಕವೂ ಪಡೆಯಬಹುದಾಗಿದೆ.
ಭೇಟಿಗೆ ಅತ್ಯುತ್ತಮ ಋತುಮಾನ
ಬೇಸಿಗೆ ಕಾಲ ಇಲ್ಲಿಗೆ ಭೇಟಿ ನೀಡಲು ಇರುವ ಅತ್ಯುತ್ತಮವಾದ ಅವಧಿಯಾಗಿದೆ. ಈ ಅವಧಿಯಲ್ಲಿ ದಿನವಿಡೀ ಅತ್ಯಂತ ಆಹ್ಲಾದಕರವಾದ ವಾತಾವರಣ ಇರುತ್ತದೆ. ಹಾಗೂ ಸುತ್ತ ಮುತ್ತಲ ಸ್ಥಳಗಳನ್ನು ಸುತ್ತಾಡಲು ಇದು ಸರಿಯಾದ ಅವಧಿಯಾಗಿದೆ.