ಫ್ಯಾಂಟಮ್ ಬಂಡೆಯು  ಸುಂದರವಾದ ವಯನಾಡ್ ಪಟ್ಟಣದಲ್ಲಿ ನೆಲೆಗೊಂಡಿದೆ. ಇದು ಇಲ್ಲಿ ಪ್ರವಾಸಿಗರು ನೋಡಲೆ ಬೇಕಾಗಿರುವ ಸ್ಥಳಗಳಲ್ಲಿ ಒಂದಾಗಿದೆ.

ಈ ಬಂಡೆಯು ಸ್ವಾಭಾವಿಕವಾಗಿ ತಲೆಬುರುಡೆಯಾಕಾರದಲ್ಲಿ ರಚನೆಗೊಂಡಿದೆ. ಸ್ಥಳೀಯ ಜನರು ಈ ಬಂಡೆಯನ್ನು “ ಚೀಂಗೆರಿ ಮಲ” ಎಂದು ಕರೆಯುತ್ತಾರೆ. ಎಲ್ಲ ವಯೋಮಾನದವರು ಈ ವಿಶಿಷ್ಟವಾದ ರಚನೆಯ ಬಂಡೆಯನ್ನು ನೋಡಲು ಆಗಮಿಸುತ್ತಾರೆ ಮತ್ತು ನೋಡಿ ಆನಂದಿಸುತ್ತಿರುತ್ತಾರೆ. ಇದು ತಲೆ ಬುರುಡೆಯಾಕಾರದಲ್ಲಿ ಸುಂದರವಾಗಿ ರಚನೆಗೊಂಡಿರುವುದರಿಂದಾಗಿ “ ಫ್ಯಾಂಟಮ್ ಬಂಡೆ” ಎಂದು ಕರೆಯಲ್ಪಡುತ್ತದೆ.

ಫ್ಯಾಂಟಮ್ ಬಂಡೆಯು ಚಾರಣ ಮತ್ತು ಶಿಬಿರಗಳನ್ನು ಹಾಕಲು ಹೇಳಿ ಮಾಡಿಸಿದ ತಾಣದಲ್ಲಿ ನೆಲೆಸಿದೆ. ಆದರೆ ಇವುಗಳಿಗಾಗಿ ನೀವೆ ಸಾಮಾನು ಸರಂಜಾಮುಗಳನ್ನು ತರಬೇಕಾದುದು ಹಾಗು ಬೆಟ್ಟ ಗುಡ್ಡಗಳ ಹಾದಿ ತಿಳಿದಿರಬೇಕಾದುದು ಅತ್ಯಾವಶ್ಯಕ.

ಫ್ಯಾಂಟಮ್ ಬಂಡೆಯ ಸುತ್ತ-ಮುತ್ತ ಕಲ್ಪೆಟ್ಟ ಮತ್ತು ಸುಲ್ತಾನ್ ಭತ್ತೇರಿಗಳು ಇವೆ. ಈ  ಎರಡು ಸ್ಥಳಗಳು ತಮ್ಮಲ್ಲಿರುವ ಸುಂದರವಾದ ಪ್ರಾಕೃತಿಕ ಸೊಬಗಿನ ತಾಣಗಳಿಗೆ ಹೆಸರಾಗಿವೆ. ಇಲ್ಲಿಗೆ ಹೋಗುವಾಗ ನಿಮ್ಮ ಕ್ಯಾಮೆರಾಗಳನ್ನು ತರುವುದನ್ನು ಮರೆಯಬೇಡಿ. ಈ ಎರಡು ಊರುಗಳು ನಿಮಗೆ ನಿಬ್ಬೆರಗಾಗಿಸುವ ಹಲವಾರು ಸುಂದರವಾದ ದೃಶ್ಯಗಳನ್ನು ಒದಗಿಸುತ್ತವೆ. ಕಲ್ಪೆಟ್ಟ ಫ್ಯಾಂಟಮ್ ಬಂಡೆಯಿಂದ 25 ಕಿ.ಮೀ ದೂರದಲ್ಲಿ ನೆಲೆಸಿದ್ದರೆ, ಸುಲ್ತಾನ್ ಭತೇರಿಯು ಇಲ್ಲಿಂದ 10 ಕಿ.ಮೀ ದೂರದಲ್ಲಿ ನೆಲೆಸಿದೆ.