ಜೈಪುರ್ ದೇವಾಲಯವು ವೃಂದಾವನದಲ್ಲಿರುವ ಪ್ರಮುಖ ದೇವಾಲಯಗಳಲ್ಲಿ ಒಂದಾಗಿದೆ. ಇದನ್ನು ಜೈಪುರದ ಮಹಾರಾಜನು 1917ರಲ್ಲಿ ನಿರ್ಮಿಸಿದನು. ಸಾವಿರಕ್ಕೂ ಅಧಿಕ ಸಂಖ್ಯೆಯ ಜನರು ಸುಮಾರು 30ಕ್ಕೂ ಅಧಿಕ ವರ್ಷಗಳ ಪರಿಶ್ರಮದಿಂದ ಈ ದೇವಾಲಯವನ್ನು ನಿರ್ಮಿಸಿದರು. ಸ್ವತಃ ಮಹಾರಾಜನೇ ಇದರ ವಿನ್ಯಾಸ ಮತ್ತು ನಿರ್ಮಾಣದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದನಂತೆ.

ನಗರದ ಹೃದಯ ಭಾಗದಲ್ಲಿ ನೆಲೆಗೊಂಡಿರುವ ಈ ದೇವಾಲಯವು ಮರಳುಗಲ್ಲಿನಲ್ಲಿ ನಿರ್ಮಾಣಗೊಂಡಿದೆ. ಅಮೃತಶಿಲೆಯಲ್ಲಿ ನಿರ್ಮಿಸಲಾಗಿರುವ ಎತ್ತರವಾದ ಕಂಬಗಳು ಹಳೆಯ ಭಾರತೀಯ ವಾಸ್ತುಶಿಲ್ಪ ಮತ್ತು ಕಲೆಯ ಸೊಬಗನ್ನು ಬಿಂಬಿಸುತ್ತಿದೆ. ದೇವಾಲಯದ ಪ್ರಮುಖ ಪ್ರಾಂಗಣದಲ್ಲಿ ಶ್ರೀ ರಾಧಾ- ಮಾಧವ, ಆನಂದ- ಬಿಹಾರಿ ಮತ್ತು ಹಂಸ- ಗೋಪಾಲ ಮುಂತಾದ ದೇವತೆಗಳಿಗೆ ಗುಡಿಗಳನ್ನು ನಿರ್ಮಿಸಲಾಗಿದೆ.