ದಶಅಶ್ವಮೇಧ ಘಾಟ್ ಮತ್ತು ರಾಣಾ ಮಹಲ್ ಘಾಟ್ ನ ಮಧ್ಯೆ ಇರುವ ದರ್ಭಂಗಾ ಘಾಟ್ ಗೆ ದರ್ಭಂಗ್ ನ ರಾಜಮನೆತನದ ಹೆಸರನ್ನಿಡಲಾಗಿದೆ. ಘಾಟ್ ನ್ನು ಹೊರತುಪಡಿಸಿ ನದಿ ದಂಡೆಯಲ್ಲಿ 1900ರಲ್ಲಿ ರಾಜಮನೆತನದವರು ನಿರ್ಮಿಸಿದ ಅತ್ಯಾಕರ್ಷಕ ಅರಮನೆ ಕೂಡ ಇದೆ. ಇಲ್ಲಿ ನಿಂತು ಧಾರ್ಮಿಕ ವಿಧಿ ಮತ್ತು ಇತರ ಚಟುವಟಿಕೆಗಳನ್ನು ರಾಜಮನೆತನದವರು ವೀಕ್ಷಿಸುತ್ತಿದ್ದರು.

ವಾರಣಾಸಿಯ ಘಾಟ್ ಗಳಲ್ಲಿ ಸಾವನ್ನಪ್ಪುವುದು ಅಥವಾ ಅಂತ್ಯಕ್ರಿಯೆ ಮಾಡುವುದರಿಂದ ಮೋಕ್ಷದ ಹಾದಿ ಸಿಗುತ್ತದೆಯೆಂಬ ನಂಬಿಕೆ ಹಿಂದೂಗಳಲ್ಲಿದೆ. ಇತರ ಎಲ್ಲಾ ಘಾಟ್ ಗಳಂತೆ ದರ್ಭಂಗ್ ಘಾಟ್ ನಲ್ಲಿ ಅಂತ್ಯಕ್ರಿಯೆ ನಡೆಸಲಾಗುತ್ತದೆ. ಈ ಘಾಟ್ ಕಡಿದು ಹಾಗೂ ಕಿರಿದಾಗಿದ್ದು, ಬಾಬುವ ಪಾಂಡೆ ಘಾಟ್ ನ ಹತ್ತಿರ ವಿಸ್ತಾರಗೊಳ್ಳುತ್ತದೆ. ಈ ಘಾಟ್ ನಲ್ಲಿ ಶಿವನಿಗಾಗಿ ಇರುವ ಮಂದಿರವಿದೆ.