ಸುತ್ತಲೂ ಮೂರು ಗುಡ್ಡಗಳು, ಮಧ್ಯೆ ಒಂದು ಕೆರೆ. ಇಂಥದ್ದೊಂದು ಸನ್ನಿವೇಶದಲ್ಲಿ ಈ ವಗಮೋನ್ ಕೆರೆ ಇದೆ. ಗುಡ್ಡಗಳ ಮೇಲಿರುವ ಗಿಡಗಳನ್ನು ನೀಟಾಗಿ ಕತ್ತರಿಸಲಾಗಿದೆ. ಹೀಗಾಗಿ ಅವು ಇನ್ನೂ ಸುಂದರವಾಗಿ ಕಾಣುತ್ತವೆ. ಇಲ್ಲಿಗೆ ಭೇಟಿ ಮಾಡಲು ಬರುವವರು ಈ ಕೆರೆಯಲ್ಲಿ ಬೋಟ್ ರೈಡ್ ಕೂಡಾ ಮಾಡಬಹುದು. ಈ ಸಣ್ಣ ಸಣ್ಣ ಗುಡ್ಡಗಳನ್ನು ಹತ್ತಿ ವಿಶಾಲವಾದ ಪ್ರದೇಶದ ಸೌಂದರ್ಯವನ್ನು ಸವಿಯಬಹುದು. ಪಿಕ್ನಿಕ್ಗೆಂದು ಹೇಳಿ ಮಾಡಿಸಿದ ತಾಣ ವಗಮೋನ್. ಈ ಪ್ರದೇಶದಲ್ಲಿ ನಿಮ್ಮ ಮೆಚ್ಚಿನ ನಟರನ್ನೂ ಭೇಟಿ ಮಾಡಬಹುದು. ಹೇಗೆ ಗೊತ್ತಾ..? ಬಹುತೇಕ ವರ್ಷಂಪ್ರತಿ ಇಲ್ಲಿ ಯಾವುದಾದರೊಂದು ಹಾಡಿನ ಸನ್ನಿವೇಶದ ಚಿತ್ರೀಕರಣ ನಡೆಯುತ್ತಲೇ ಇರುತ್ತದೆ.