ಪಿರ್‌ ನಿಗಾಹ್‌ ಒಂದು ಜನಪ್ರಿಯ ಧಾರ್ಮಿಕ ತಾಣ. ಇದಿರುವುದು ಉನಾದ ಬಸೋಲಿ ಹಳ್ಳಿಯಲ್ಲಿ. ಇದು ಉನಾದಿಂದ ಸುಮಾರು 8 ಕಿ.ಮೀ. ದೂರದಲ್ಲಿದೆ. ಇಲ್ಲಿಗೆ ನಿತ್ಯ ಸಾಕಷ್ಟು ಸಂಖ್ಯೆಯಲ್ಲಿ ಭಕ್ತರು ಆಗಮಿಸುತ್ತಾರೆ. ಪ್ರತಿ ಗುರುವಾರ ಪಿರ್‌ ನಿಗಾಹ್‌ನಲ್ಲಿ ಉತ್ಸವ ಹಮ್ಮಿಕೊಳ್ಳಲಾಗುತ್ತದೆ. ಜೇತಾ ವಿಹಾರ್‌ ಆಚರಣೆಯನ್ನು ವರ್ಷದ ಮೊದಲ ತಿಂಗಳಿನಲ್ಲಿ ಆಯೋಜಿಸಲಾಗುತ್ತದೆ. ಇದಕ್ಕೆ ಅತ್ಯಂತ ವಿಶಿಷ್ಟ ಧಾರ್ಮಿಕ ಹಿನ್ನೆಲೆ ಹಾಗೂ ನಂಬಿಕೆ ಇದೆ. ದೊಡ್ಡ ಪ್ರಮಾಣದಲ್ಲಿ ಜನ ಈ ಸಂದರ್ಭದಲ್ಲಿ ಇಲ್ಲಿಗೆ ಆಗಮಿಸುತ್ತಾರೆ. ಹಬ್ಬದ ವಾತಾವರಣ ಈ ಭಾಗದಲ್ಲಿ ಗೋಚರಿಸುತ್ತದೆ.