ಜಿಮ್ ಕಾರ್ಬೆಟ್ ಎಂಬ ಸೆಳೆಯುವ "ಮ್ಯಾಗ್ನೆಟ್"

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಈ ರಾಷ್ಟ್ರೀಯ ಉದ್ಯಾನವು ಉಪ ಹಿಮಾಲಯದ ಭಾಗದಲ್ಲಿ ನೆಲೆಸಿರುವುದರಿಂದ ವಿಶಿಷ್ಟವಾದ ಪರಿಸರ ಹಾಗೂ ವಾತಾವರಣವನ್ನು ಹೊಂದಿದೆ. 488 ಬಗೆಯ ಸಸ್ಯಗಳು ಹಾಗೂ ವೈವಿಧ್ಯಮಯ ವನಸ್ಪತಿ ಸಮ್ಪತ್ತನ್ನು ಹೊಂದಿರುವ ಈ ಉದ್ಯಾನ ಜೈವಿಕ ಪ್ರವಾಸೋದ್ಯಮಕ್ಕೆ ಉತ್ತಮ ಉದಾಹರಣೆಯಾಗಿದೆ.

ಚಿತ್ರಕೃಪೆ: Vikram Gupchup

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಪ್ರಕೃತಿ ಶ್ರೀಮಂತಿಕೆಯಿಂದ ಸಾಕಷ್ಟು ಸಂಪದ್ಭರಿತವಾಗಿರುವ ಈ ಉದ್ಯಾನವನ್ನು ಹೆಚ್ಚುತ್ತಿರುವ ಪ್ರವಾಸಿ ಚಟುವಟಿಕೆಗಳಿಂದ ರಕ್ಷಿಸುವ ಸವಾಲು ಉತ್ತರಾಖಂಡದ ಸರ್ಕಾರದ ಮುಂದಿದ್ದು ಅದಕ್ಕನುಸಾರವಾಗಿ ಇಂದು ಕೇವಲ ಆಯ್ದ ಕೆಲ ಪ್ರದೇಶಗಳಲ್ಲಿ ಮಾತ್ರವೆ ಪ್ರವಾಸಿಗರಿಗೆ ಪ್ರವೇಶಿಸಲು ಅವಕಾಶ ಮಾಡಿಕೊಡಲಾಗಿದೆ.

ಚಿತ್ರಕೃಪೆ: netlancer2006

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಈ ವಿಶಾಲವಾದ ಉದ್ಯಾನದಲ್ಲಿ ಬೆಟ್ಟ ಗುಡ್ಡಗಳು, ಸಮತಟ್ಟಾದ ಹುಲ್ಲುಗಾವಲಿನ ಭೂಮಿ, ದಟ್ಟವಾದ ಗಿಡ ಮರಗಳು, ಹಲವು ನೀರಿನ ಕೆರೆ-ತೊರೆಗಳನ್ನು ಕಾಣಬಹುದಾಗಿದ್ದು ಭೇಟಿ ನೀಡುವವರಿಗೆ ಒಂದು ಅಲೌಕಿಕ ಆನಂದವನ್ನುಂಟು ಮಾಡುತ್ತದೆ.

ಚಿತ್ರಕೃಪೆ: Ekabhishek

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ತೇವಾಂಶಭರಿತ ಕಾಡುಗಳನ್ನು ಇದು ಹೊಂದಿದ್ದು ಇಲ್ಲಿ ತೇಗ, ಸಾಲ, ಪೀಪಲ್, ಹಲ್ಡು, ರೋಹಿಣಿ, ಮಾವು ಮುಂತಾದ ಮರಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಕಾಣಬಹುದಾಗಿದೆ. ಉದ್ಯಾನದ 73% ರಷ್ಟು ಭಾಗವನ್ನು ದಟ್ಟ ಗಿಡ ಮರಗಳಿಂದ ಕೂಡಿದ ಕಾಡುಗಳೆ ಆವರಿಸಿವೆ.

ಚಿತ್ರಕೃಪೆ: Aiwok

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಈ ಉದ್ಯಾನದಲ್ಲಿ ಇಲ್ಲಿವರೆಗೂ ದಾಖಲಾದಂತೆ 110 ಬಗೆಯ ಗಿಡಮರಗಳು, 50 ಬಗೆಯ ಸಸ್ತನಿಗಳು, 580 ಬಗೆಯ ಪಕ್ಷಿಗಳು ಹಾಗೂ 25 ಬಗೆಯ ಸರಿಸೃಪಗಳು ಕಂಡುಬರುತ್ತವೆ. ಈ ರೀತಿಯಾಗಿ ಇದು ಜೀವ ಶಾಸ್ತ್ರಜ್ಞರಿಗೆ, ಪ್ರಾಣಿ ಸಂಶೋಧಕರಿಗೆ ಭೇಟಿ ನೀಡಲು ಒಂದು ಉತ್ತಮ ಅವಕಾಶ ಒದಗಿಸಿದೆ.

ಚಿತ್ರಕೃಪೆ: Bendale.kaustubh

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಈ ಉದ್ಯಾನದ ಇತಿಹಾಸವನ್ನು ಕೊಂಚ ಕೆದಕಿದಾಗ ತಿಳಿದುಬರುವ ಅಂಶವೆಂದರೆ, ಇಂದಿನ ಉದ್ಯಾನದ ಕೆಲ ಭಾಗಗಳು ಹಿಂದೆ ತೆಹ್ರಿ ಗಡ್ವಾಲ್ ಸಾಮ್ರಾಜ್ಯಕ್ಕೆ ಒಳಪಟ್ಟಿತ್ತು ನಂತರ ಬ್ರಿಟೀಷರು ಇದನ್ನು ಒಂದು ಅಭಯಾರಣ್ಯವನ್ನು ಮಾಡಿದರಲ್ಲದೆ ಇದನ್ನು ರಕ್ಷಿಸುವ ಉದ್ದೇಶದಿಂದ ಇಲ್ಲಿ ಕೃಷಿ ಚಟುವಟಿಕೆಗಳನ್ನು ಸಂಪೂರ್ಣವಾಗಿ ನಿಷೇಧಿಸಿದರು.

ಚಿತ್ರಕೃಪೆ: Aiwok

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಸರ್ ಮಾಲ್ಕಮ್ ಹೈಲಿ ಎಂಬಾತ ಗವರ್ನರ್ ಆಗಿದ್ದ ಸಂದರ್ಭದಲ್ಲಿ ಅಂದರೆ 1936 ರಲ್ಲಿ 323.75 ಚ.ಕಿ.ಮೀ ವ್ಯಾಪ್ತಿಯ ಏಷಿಯಾದ ಮೊದಲ ರಾಷ್ಟ್ರೀಯ ಉದ್ಯಾನವಾಗಿ ಇದು ಪ್ರವರ್ಧಮಾನಕ್ಕೆ ಬಂದುದಲ್ಲದೆ ಆ ಸಮಯದಲ್ಲಿ ಹೈಲಿ ರಾಷ್ಟ್ರೀಯ ಉದ್ಯಾನ ಎಂಬ ಹೆಸರು ಪಡೆಯಿತು.

ಚಿತ್ರಕೃಪೆ: Prashant Ram

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಗೃಹಬಳಕೆಗೆಂದು ಕೇವಲ ಕಟ್ಟಿಗೆಗಳನ್ನು ಆರಿಸುವುದರ ಹೊರತಾಗಿ ಬೇಟೆಯಾಡುವುದನ್ನು ಇಲ್ಲಿ ಸಂಪೂರ್ಣವಾಗಿ ನಿಷೇಧಿಸಲಾಯಿತು. ಇದೊಂದು ಮೀಸಲು ಪ್ರದೇಶವಾಗಿ ಘೋಷಣೆಯಾಗುತ್ತಿದ್ದಂತೆ ಪ್ರಾಣಿ-ಪಕ್ಷಿಗಳ ಹಿಡಿಯುವುದಾಗಲಿ, ಕೊಲ್ಲುವುದನ್ನಾಗಲಿ ನಿಷೇಧಿಸಲಾಯಿತು.

ಚಿತ್ರಕೃಪೆ: Ross Huggett

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

1954-55 ರ ಸಮಯದಲ್ಲಿ ಇದನ್ನು ರಾಮಗಂಗಾ ಉದ್ಯಾನವೆಂತಲೂ ಮತ್ತೆ 1955-56 ರ ಸಮಯದಲ್ಲಿ ಅಂತಿಮವಾಗಿ ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ ಎಂತಲೂ ಮರುನಾಮಕರಣ ಮಾಡಲಾಯಿತು.

ಚಿತ್ರಕೃಪೆ: Rohit Varma

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಹುಲಿ, ಸಿಂಹ, ಏಷಿಯನ್ ಆನೆ, ಘೇಂಡಾಮೃಗ ಮುಂತಾದ ಅಳಿವಿನಂಚಿನಲ್ಲಿರುವ ಜೀವಿಗಳನ್ನು ಉಳಿಸಿ ಬೆಳೆಸಿಕೊಂಡು ಹೋಗುವ ಕಾರ್ಯದಲ್ಲಿ ನಿರತವಾಗಿರುವ ವರ್ಲ್ಡ್ ವೈಡ್ ಫಂಡ್ ಫಾರ್ ನೇಚರ್ ನಿಂದ ಅನುದಾನ ಪಡೆಯುತ್ತಿರುವ 13 ರಾಷ್ಟ್ರೀಯ ಉದ್ಯಾನಗಳ ಪೈಕಿ ಇದೂ ಸಹ ಒಂದಾಗಿದೆ.

ಚಿತ್ರಕೃಪೆ: Vikram Gupchup

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ರಾಮಗಂಗಾ ನದಿ, ಪತ್ಲಿ ದುನ್ ಕಣಿವೆಗಳನ್ನು ಹೊಂದಿರುವ ಈ ರಾಷ್ಟ್ರೀಯ ಉದ್ಯಾನವು ಯಾವ ರೀತಿ ನೆಲೆಸಿದೆ ಎಂದರೆ ಇದರ ಉತ್ತರದಲ್ಲಿ ಕೆಳ ಸ್ತರದ ಹಿಮಾಲಯದ ವಲಯವಿದ್ದರೆ, ದಕ್ಷಿಣದಲ್ಲಿ ಶಿವಾಲಿಕ್ ಪರ್ವತಗಳ ವಲಯವು ಕಂಡುಬರುತ್ತದೆ.

ಚಿತ್ರಕೃಪೆ: Ekabhishek

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಬಂಗಾಳ ಹುಲಿಗಳು, ಚಿರತೆ, ಸಾಂಬಾರ, ಜಿಂಕೆ, ಆನೆ, ಕರಡಿ, ವಿವಿಧ ಜಾತಿಯ ಮಂಗಗಳು, ವೈವಿಧ್ಯಮಯ ಪಕ್ಷಿಗಳು ಹೀಗೆ ಜೀವರಾಶಿಗಳಿಂದ ಸಮ್ಪದ್ಭರಿತವಾಗಿದೆ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ.

ಚಿತ್ರಕೃಪೆ: Soumyajit Nandy

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ರಾಷ್ಟ್ರೀಯ ಉದ್ಯಾನದಲ್ಲಿ ದಿಖಾಲಾ ಎಂಬ ತಾಣವು ಪ್ರವಾಸಿಗರಲ್ಲಿ ಜನಪ್ರೀಯವಾಗಿದೆ. ದುನ್ ಕಣಿವೆಯ ಅಂಚಿನಲ್ಲಿರುವ ಈ ತಾಣದಲ್ಲಿ ನೂರಾರು ವರ್ಷಗಳ ಹಿಂದೆ ಸ್ಥಾಪಿಸಲಾದ ವಿಶ್ರಾಂತಿಗೃಹವನ್ನು ಕಾಣಬಹುದು.

ಚಿತ್ರಕೃಪೆ: Rohit Varma

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಜೀಪ್ ಸಫಾರಿ ಈ ಉದ್ಯಾನದ ಮತ್ತೊಂದು ಆಕರ್ಷಣೆ. ರಾಮನಗರದಿಂದ ಜೀಪುಗಳನ್ನು ಬಾಡಿಗೆಗೆ ಪಡೆದು ರಾಷ್ಟ್ರೀಯ ಉದ್ಯಾನದಲ್ಲಿ ಅದ್ಭುತವಾಗಿ ವಿಹರಿಸಬಹುದು ಹಾಗೂ ಸಾಕಷ್ಟು ಪ್ರಾಣಿ ಪಕ್ಷಿಗಳನ್ನು ಅವುಗಳ ಸಹಜ ನಡತೆಯಲ್ಲಿ ಬಹು ಹತ್ತಿರದಿಂದ ನೋಡಬಹುದು.

ಚಿತ್ರಕೃಪೆ: Wolfgang Maehr

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ರಾಷ್ಟ್ರೀಯ ಉದ್ಯಾನದಲ್ಲಿ ಪ್ರವಾಸಿಗರಿಗೆ ನಡೆಯಲು ಅನುಮತಿಯಿಲ್ಲ. ಆದರೆ ವೃತ್ತಿಪರ ಮಾರ್ಗದರ್ಶಕನೊಂದಿಗೆ ಉದ್ಯಾನದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಚಾರಣದ ಅನುಭವನ್ನು ಪಡೆಯಬಹುದಾಗಿದೆ.

ಚಿತ್ರಕೃಪೆ: Prashant Ram

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ರಮಗಂಗಾ ಜಲಾಶಯ ಅಥವಾ ಕಾಲಾಗಡ್ ಆಣೆಕಟ್ಟು ಇಲ್ಲಿರುವ ಮತ್ತೊಂದು ಸುಂದರ ಪ್ರವಾಸಿ ಆಕರ್ಷಣೆಯಾಗಿದೆ. ಇದು ಪ್ರಮುಖವಾಗಿ ಪಕ್ಷಿ ವೀಕ್ಷಣೆಗೆ ಜನಪ್ರೀಯವಾಗಿದೆ.

ಚಿತ್ರಕೃಪೆ: Koshy Koshy

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ರಾಮನಗರದಿಂದ 25 ಕಿ.ಮೀ ದೂರವಿರುವ ಕಾರ್ಬೆಟ್ ಜಲಪಾತ ಒಂದು ಸುಂದರ ಪ್ರವಾಸಿ ಆಕರ್ಷಣೆಯಾಗಿದೆ. ಮಳೆಗಾಲದ ಸಂದರ್ಭದಲ್ಲಿ ಈ ಜಲಪಾತವು ಸುಂದರವಾಗಿ ಮೈದುಂಬಿಕೊಂಡು ಧುಮುಕುತ್ತದೆ.

ಚಿತ್ರಕೃಪೆ: Viaggio Routard

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಗರ್ಜಿಯಾ ದೇವಿ ದೇವಸ್ಥಾನ. ರಾಮನಗರದಿಂದ 14 ಕಿ.ಮೀ ದೂರದಲ್ಲಿರುವ ಪ್ರದೇಶದ ಪವಿತ್ರ ದೇಗುಲವಾಗಿದೆ.

ಚಿತ್ರಕೃಪೆ: Anni in

ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ:

ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನಕ್ಕೆ ಕೇಂದ್ರ ಪ್ರದೇಶವಾಗಿ ರಾಮನಗರವಿದ್ದು, ದೆಹಲಿಯಿಂದ ಉತ್ತರಾಖಂಡದ ನೈನಿತಾಲ್ ಜಿಲ್ಲೆಯ ರಾಮನಗರಕ್ಕೆ ತೆರಳಲು ರೈಲುಗಳಿವೆ.

ಚಿತ್ರಕೃಪೆ: Mridusinha