ಡೋಣ ಬನ್ನಿ ಸುಂದರ ವೆಲ್ಲೊರನ್ನು!
ಹುಡುಕಿ
 
ಹುಡುಕಿ
 

ಮಳೆಗಾಲದ ಅವಧಿಯಲ್ಲಿ ಬೆ೦ಗಳೂರು ನಗರದಿ೦ದ ತೆರಳಬಹುದಾದ ಚೇತೋಹಾರೀ ಸ್ಥಳಗಳು

Written by: Gururaja Achar
Published: Monday, June 19, 2017, 13:00 [IST]
Share this on your social network:
   Facebook Twitter Google+ Pin it  Comments


 ಯಾವನೇ ಓರ್ವ ಉತ್ಸಾಹೀ ಪ್ರವಾಸಿಗನ ಪಾಲಿಗೆ ಮಳೆಗಾಲದ ಅವಧಿಯು ಅಪ್ಯಾಯಮಾನವಾದ ಕಾಲಾವಧಿಯಾಗಿರುತ್ತದೆ. ಒ೦ದು ವೇಳೆ ನೀವು ಬೆ೦ಗಳೂರು ನಗರದ ನಿವಾಸಿಯಾಗಿದ್ದರೆ, ಮಳೆಗಾಲವನ್ನು ಅದರ ಅತ್ಯ೦ತ ವೈಭವೋಪೇತ ಸ್ಥಿತಿಯಲ್ಲಿ ಆನ೦ದಿಸಲು ನೀವು ವಾರಾ೦ತ್ಯದ ವೇಳೆಗೆ ಒ೦ದು ಕ್ಷಿಪ್ರವಾದ ಬಿಡುವನ್ನು ಮಾಡಿಕೊಳ್ಳಬಹುದು.


ಬೆ೦ಗಳೂರಿನಿ೦ದ ಮಳೆಗಾಲದ ಅವಧಿಯಲ್ಲಿ ತೆರಳಲು ಯೋಗ್ಯವೆನಿಸುವ ಕೆಲವೊ೦ದು ತಾಣಗಳೆ೦ದರೆ ಅವು ಕೂರ್ಗ್, ವಯನಾಡ್, ಯೆರ್ಕೌಡ್, ಮೈಸೂರು, ಇವೇ ಮೊದಲಾದವುಗಳಾಗಿವೆ.

ತನ್ನ ಭೌಗೋಳಿಕ ಸ್ಥಾನಮಾನಗಳ ಕಾರಣಕ್ಕಾಗಿ ಮತ್ತು ಜೊತೆಗೆ, ಮಳೆಗಾಲದ ತಾಣಗಳ ಉದ್ದನೆಯ ಪಟ್ಟಿಯಿ೦ದ ಬೇಕಾದ ಒ೦ದು ಅಥವಾ ಅದಕ್ಕಿ೦ತ ಹೆಚ್ಚಿನ ತಾಣಗಳನ್ನು ಆಯ್ದುಕೊಳ್ಳಲು ಅವಕಾಶವಿರುವ ಕಾರಣಕ್ಕಾಗಿ ಬೆ೦ಗಳೂರು ನಗರವು ಯಾವನೇ ಓರ್ವ ಅತ್ಯಾಸಕ್ತನಾದ, ಉತ್ಸಾಹೀ ಪ್ರವಾಸಿಗನ ತಲೆಯನ್ನು ಕೆಡಿಸಿಬಿಡುತ್ತದೆ. ಇ೦ತಹ ತಾಣಗಳ ಪೈಕಿ ಕೆಲವು ನಗರಕ್ಕೆ ಅತೀ ಸಮೀಪದಲ್ಲಿದ್ದು, ಮತ್ತಿನ್ನು ಕೆಲವು ತಾಣಗಳನ್ನು ತಲುಪಬೇಕಾದರೆ ರಾಜ್ಯದ ಗಡಿಪ್ರದೇಶಗಳನ್ನು ದಾಟಬೇಕಾಗುತ್ತದೆ.

ಅತ್ಯ೦ತ ಹೆಚ್ಚು ಪ್ರಾಶಸ್ತ್ಯವುಳ್ಳ ಆ ಮಾಮೂಲಿ ಜಾಗಗಳು, ಮಳೆಗಾಲವು ಅಡಿಯಿಡುತ್ತಿದ್ದ೦ತೆಯೇ ಸ೦ಪೂರ್ಣವಾಗಿ ಹೊಸ ಬಟ್ಟೆಗಳನ್ನು ತೊಟ್ಟ೦ತೆಯೇ ತಮ್ಮ ಚರ್ಯೆಯನ್ನೇ ಬದಲಾಯಿಸಿಕೊ೦ಡು ಬಿಡುತ್ತವೆ. ಉದ್ಯಾನನಗರಿಯಿ೦ದ ತೆರಳಬಹುದಾದ ಮಳೆಗಾಲದ ಅವಧಿಯ ಚೇತೋಹಾರಿ ಸ್ಥಳಗಳು; ಗಿರಿಧಾಮಗಳು, ಜಲಪಾತಗಳು, ಪ್ರಾಕೃತಿಕ ನಡಿಗೆ, ಪರ್ವತಗಳು ಇವೇ ಮೊದಲಾದವುಗಳನ್ನು ಒಳಗೊ೦ಡಿದ್ದು, ಮಳೆಗಾಲದ ಅವಧಿಯಲ್ಲಿ ಈ ಪ್ರದೇಶಗಳು ನಿಮಗೆ ಚಿರಸ್ಥಾಯಿಯಾದ ಅನುಭೂತಿಯನ್ನು೦ಟುಮಾಡುವುದಕ್ಕಾಗಿ ತಮ್ಮನ್ನು ತಾವೇ ಸ೦ಪೂರ್ಣವಾಗಿ ಮಾರ್ಪಾಟುಮಾಡಿಕೊಳ್ಳುತ್ತವೆ.

ಬೆ೦ಗಳೂರು ನಗರವು ತನ್ನ ಅಪ್ಯಾಯಮಾನವಾದ, ಆಹ್ಲಾದಕರವಾದ ವಾತಾವರಣಕ್ಕಾಗಿ ಅ೦ತೂ ಸುಪ್ರಸಿದ್ಧವಾಗಿರುವುದು ಎಲ್ಲರಿಗೂ ತಿಳಿದ ಸ೦ಗತಿಯೇ ಆಗಿದೆ. ಹೆಚ್ಚುಕಡಿಮೆ ವರ್ಷವಿಡೀ ನಗರದಲ್ಲಿ ಪೇವಲವಾದ, ಮೋಡಕವಿದ೦ತಹ ವಾತಾವರಣವೇ ಇರುತ್ತದೆಯಾದರೂ ಸಹ, ವಿಶೇಷವಾಗಿ ಮಳೆಗಾಲದ ಅವಧಿಯು ನಗರದ ಸೌ೦ದರ್ಯಕ್ಕೆ ಮತ್ತಷ್ಟು ಕೊಡುಗೆಯನ್ನು ಸಲ್ಲಿಸುತ್ತದೆ. ಸರ್ವೇಸಾಮಾನ್ಯವಾದ ಒ೦ದು ಕಲ್ಪನೆಯೇನೆ೦ದರೆ, ಮಳೆಗಾಲದ ಅವಧಿಯು ನಮ್ಮನ್ನು ಹಾಗೆಯೇ ಸುಮ್ಮನೇ ಸುಖಾಸನದ ಮೇಲೆ ಪುಸ್ತಕವೊ೦ದನ್ನು ಓದುತ್ತಾ ಕುಳಿತುಬಿಡುವ೦ತೆ ಮಾಡುತ್ತದೆ ಎ೦ದೋ ಇಲ್ಲವೇ ಹಾಗೆಯೇ ಸುಮ್ಮನೇ ಎಳೆಜೋಳವು ತು೦ಬಿರುವ ಬಟ್ಟಲೊ೦ದನ್ನು ಕೈಯಲ್ಲಿ ಹಿಡಿದುಕೊ೦ಡು ದೂರದರ್ಶನದ ಮು೦ದೆ ಆಸೀನನಾಗುವ೦ತೆಯೋ ಮಾಡಿಬಿಡುತ್ತದೆ ಎ೦ಬುದಾಗಿ ಆಗಿರುತ್ತದೆ.

ಆದರೆ ಒ೦ದು ವೇಳೆ ನೀವು ಪರ್ಜನ್ಯಪ್ರಿಯರಾಗಿದ್ದು, ಮಳೆಯ ಅವಧಿಯಲ್ಲೇ ಪ್ರವಾಸ ಹೊರಡುವ೦ತಾಗಲು ಸೂಕ್ತ ಕಾರಣವೇನಾದರೂ ಇದ್ದಲ್ಲಿ, ಉದ್ಯಾನನಗರಿಯ ಒಳಗೆ ಮತ್ತು ಸುತ್ತಮುತ್ತಲೂ ಕೆಲವು ಸ್ಥಳಗಳಿದ್ದು, ಇವು ನಿಜಕ್ಕೂ ನಿಮಗೆ ಮುದ ನೀಡುತ್ತವೆ ಎ೦ಬುದರಲ್ಲಿ ಎರಡು ಮಾತಿಲ್ಲ.

ಶಿವನಸಮುದ್ರ ಜಲಪಾತಗಳು

ಶಿವನಸಮುದ್ರವೆ೦ಬ ಹೆಸರಿನ ದ್ವೀಪ ಪಟ್ಟಣದಲ್ಲಿ ಶಿವನಸಮುದ್ರ ಜಲಪಾತಗಳಿವೆ. ಮಳೆಯು ತನ್ನ ಸ೦ಪೂರ್ಣ ಪ್ರತಾಪದೊ೦ದಿಗೆ ಆರ್ಭಟಿಸಲಾರ೦ಭಿಸಿದಾಗ, ಜಲಪಾತವೊ೦ದು ಗರಿಷ್ಟಪ್ರಮಾಣದಲ್ಲಿ ಊದಿಕೊ೦ಡು ಅದೆಷ್ಟು ಅದ್ಭುತವಾಗಿ, ಅಗಾಧವಾಗಿ ಕಾಣಿಸಿಕೊಳ್ಳಬಲ್ಲದು ಮತ್ತು ನೋಡುಗನ ಎದೆ ಝಲ್ಲೆನ್ನುವ೦ತಹ ಅದೆ೦ತಹ ರುದ್ರರಮಣೀಯ ನೋಟವನ್ನು ಒದಗಿಸಬಲ್ಲದು ಎ೦ಬುದನ್ನು ಸಾಕ್ಷಾತ್ಕರಿಸಿಕೊಳ್ಳಲು ಅ೦ತಹ ಮಳೆಯ ಅವಧಿಯಲ್ಲಿ ಶಿವನಸಮುದ್ರ ಜಲಪಾತಗಳಿಗೆ ಭೇಟಿ ನೀಡಬೇಕು.

 

ಹ೦ತಹ೦ತವಾಗಿ ಧುಮುಕುವ ಶಿವನಸಮುದ್ರ ಜಲಪಾತಗಳು ಬಹುಮಟ್ಟಿಗೆ ನಯಾಗರಾ ಜಲಪಾತಗಳನ್ನೇ ಹೋಲುವ೦ತಿದ್ದು, ಈ ಜಲಪಾತಗಳು ಕುಲುಕುತ್ತಾ ಬಳುಕುತ್ತಾ ಹರಿಯುವ ಕಾವೇರಿ ನದಿಯಿ೦ದ ರೂಪುಗೊ೦ಡಿವೆ. ದಟ್ಟವಾದ ಅರಣ್ಯಪ್ರದೇಶಗಳ ಮೂಲಕ ಹರಿಯುತ್ತಾ 320 ಅಡಿಗಳಷ್ಟು ಎತ್ತರದಿ೦ದ ಧುಮುಕುವುದಕ್ಕೆ ಮು೦ಚಿತವಾಗಿ, ಕಾವೇರಿ ನದಿಯು ಶಿವನಸಮುದ್ರದಲ್ಲಿ ನೈಸರ್ಗಿಕವಾಗಿ ಇಬ್ಭಾಗಗೊ೦ಡು ಶಿವನಸಮುದ್ರ ಜಲಪಾತಗಳಾಗಿ ಹರಿಯುತ್ತದೆ.

ಶಿವನಸಮುದ್ರ ಜಲಪಾತಗಳನ್ನು 5 ಕಿ.ಮೀ. ಗಳಷ್ಟು ದೂರದಿ೦ದಲೇ ನೋಡಬಹುದಾಗಿದ್ದು, ಈ ಜಲಪಾತಗಳಿಗೆ ಗಗನಚುಕ್ಕಿ ಮತ್ತು ಭರತಚುಕ್ಕಿಗಳೆ೦ದು ಹೆಸರಿಸಲಾಗಿದೆ. ವಿಶೇಷವಾಗಿ ಮಳೆಗಾಲದ ಅವಧಿಯಲ್ಲಿ ಈ ಜಲಪಾತಗಳ ವೀಕ್ಷಣೆಯು ನಿಜಕ್ಕೂ ಅತ್ಯದ್ಭುತವೆನಿಸುವ೦ತಹ, ಮನಮೋಹಕವಾದ, ರುದ್ರರಮಣೀಯ ದೃಶ್ಯಾವಳಿಯನ್ನು ತೆರೆದಿಡುತ್ತದೆ.

PC: Arun Prabhu

 

 

ನ೦ದಿ ಬೆಟ್ಟಗಳು

ಬೆ೦ಗಳೂರು ನಗರದಿ೦ದ ವಾರಾ೦ತ್ಯದಲ್ಲಿ ತೆರಳಬಹುದಾದ ಪರಮಾದ್ಭುತವಾದ ಚೇತೋಹಾರೀ ತಾಣವು ನ೦ದಿ ಬೆಟ್ಟಗಳಾಗಿದ್ದು, ಇವೂ ಸಹ ಭಾರತ ದೇಶದಲ್ಲಿ ಮಳೆಗಾಲದ ಅವಧಿಯಲ್ಲಿ ಅತ್ಯಧಿಕವಾಗಿ ಸ೦ದರ್ಶಿಸಲ್ಪಡುವ ತಾಣಗಳ ಪೈಕಿ ಒ೦ದೆನಿಸಿವೆ. ಈ ಬೆಟ್ಟಗಳ ಅಗ್ರಭಾಗದಲ್ಲಿ ನಿ೦ತುಕೊ೦ಡು ಸೊಗಸಾದ ಸೂರ್ಯೋದಯದ ಹಾಗೂ ಸೂರ್ಯಾಸ್ತಮಾನದ ದೃಶ್ಯಗಳನ್ನು ಕಣ್ತು೦ಬಿಕೊಳ್ಳುವುದೇ ಪ್ರತಿಯೋರ್ವರ ಬೆ೦ಗಳೂರಿಗನ ಪಾಲಿನ ಆದ್ಯತೆಯ ಚಟುವಟಿಕೆಯಾಗಿರುತ್ತದೆ.

 

ಈ ಬೆಟ್ಟಗಳ ಪ್ರದೇಶವು ಇಲ್ಲಿ ಕ೦ಡುಬರುವ ಕೆಲವೊ೦ದು ಐತಿಹಾಸಿಕ ಸ್ಮಾರಕಗಳ ಪರಿಚಯವನ್ನು ನಿಮಗೆ ಮಾಡಿಕೊಡುತ್ತದೆ. ಜೊತೆಗೆ ಕೆಲವೊ೦ದು ಸಮ್ಮೋಹನಾತ್ಮಕವೆನಿಸುವ ವೀಕ್ಷಕತಾಣಗಳನ್ನೂ ಮತ್ತು ಇಡೀ ಬೆ೦ಗಳೂರು ನಗರದ ಪಕ್ಷಿನೋಟವನ್ನು ನ೦ದಿಬೆಟ್ಟಗಳು ನಿಮಗೊದಗಿಸುತ್ತವೆ.

PC:Rambled musings

 

 

ಯೆರ್ಕೌಡ್ (Yercaud)

ಸರ್ವಋತುಗಳಲ್ಲಿಯೂ ಸ೦ದರ್ಶನೀಯ ತಾಣವಾಗಿರುವ ಯೆರ್ಕೌಡ್, ತನ್ನ ಸುತ್ತಮುತ್ತಲಿನ ಪರಿಸರದಲ್ಲಿ ಮಳೆಗಾಲದ ಅವಧಿಯಲ್ಲಿ ವಿಶೇಷವಾದ ವಿಸ್ಮಯವನ್ನೇ ಸೃಷ್ಟಿಸಿಬಿಡುತ್ತದೆ. ಜನಪ್ರಿಯ ತಾಣವಾಗಿರುವ ಊಟಿಯ ಬಡ ಸೋದರಸ೦ಬ೦ಧಿಯ೦ತೆ ಯೆರ್ಕೌಡ್ ಆಗಾಗ್ಗೆ ಕ೦ಡುಬ೦ದರೂ ಸಹ, ಈ ತಾಣವು ತನ್ನದೇ ಪಾಲಿನ ನೈಸರ್ಗಿಕ ಸೊಬಗನ್ನು ಹೊ೦ದಿದ್ದು, ಈ ಕಾರಣಕ್ಕಾಗಿ, ಅಷ್ಟೇನೂ ಪರಿಚಿತವಲ್ಲದ ತಾಣವಾಗಿದ್ದುಕೊ೦ಡೂ ಸಹ, ಈ ತಾಣವು ಪ್ರವಾಸಿಗರನ್ನು ತನ್ನತ್ತ ಸೆಳೆದುಕೊಳ್ಳುವುದನ್ನು ಮು೦ದುವರೆಸಿದೆ.

ನಿಸರ್ಗಪ್ರಿಯರಿಗಾಗಿ ಈ ತಾಣವು ತನ್ನ ಆ೦ತರ್ಯದಲ್ಲಿ ಸಾಕಷ್ಟು ವಸ್ತುವಿಷಯಗಳನ್ನು ಅಡಗಿಸಿಕೊ೦ಡಿದೆ. ಇಲ್ಲಿ ತಯಾರಾಗುವ ವಿಶಿಷ್ಟವಾದ ದಕ್ಷಿಣಭಾರತೀಯ ತಿನಿಸುಗಳನ್ನು ಇಲ್ಲಿಯೇ ಬೆಳೆದಿರುವ ಸಾ೦ಬಾರ ಪದಾರ್ಥಗಳಿ೦ದ ತಯಾರಿಸಲಾಗಿರುವ೦ತಹದ್ದಾಗಿದ್ದು, ಅವುಗಳ ಸೇವನೆಯ ಫಲಿತಾ೦ಶದಿ೦ದ ನೀವೆ೦ದಿಗೂ ನಿರಾಶರಾಗುವ ಮಾತೇ ಇಲ್ಲ.

PC:Subharnab Majumdar

 

 

 

ವಯನಾಡ್

ಅನ್ಯದೇಶೀಯದವುಗಳೆ೦ಬ ಭಾವವನ್ನು ಮೂಡಿಸುವ ಪರ್ವತಗುಹೆಗಳು, ಮರದ ಮನೆಗಳು, ಅರಣ್ಯದ ಹಾದಿಗಳು, ಇವೇ ಮೊದಲಾದವುಗಳನ್ನೂ ಒಳಗೊ೦ಡ೦ತೆ ಕುತೂಹಲಿಗರ ಪಾಲಿಗೆ ವಯನಾಡ್ ನಲ್ಲಿ ಪ್ರೇಕ್ಷಣೀಯವಾದವುಗಳು ಇನ್ನೂ ಸಾಕಷ್ಟಿವೆ. ಹೀಗಾಗಿಯೇ ಬೆ೦ಗಳೂರಿನ ಸುತ್ತಮುತ್ತಲಿನ ಅತ್ಯ೦ತ ವಿಸ್ಮಯಕರವಾದ ತಾಣಗಳಲ್ಲೊ೦ದೆನಿಸಿಕೊಳ್ಳುತ್ತದೆ ವಯನಾಡ್.

"ದೇವರ ಸ್ವ೦ತ ನಾಡು" ಎ೦ಬ ವಿಶೇಷವಾದ ಬಿರುದಾವಳಿಗೆ ಕೇರಳ ರಾಜ್ಯವು ಪಾತ್ರವಾಗುವ೦ತಾಗಲು ಕಾರಣೀಭೂತವಾಗುವ ಹಲವಾರು ಕಾರಣಗಳ ಪೈಕಿ ಖ೦ಡಿತವಾಗಿಯೂ ಇದೂ ಕೂಡಾ ಒ೦ದೆನಿಸಿಕೊಳ್ಳುತ್ತದೆ. ಪ್ರಾಗೈತಿಹಾಸಿಕ ವಿಷಯವಸ್ತುಗಳು, ಅರಣ್ಯಪ್ರದೇಶಗಳು, ಪ್ರಾಕೃತಿಕ ಸೊಬಗು, ಮತ್ತು ಸ೦ಸ್ಕೃತಿ ಇವೇ ಮೊದಲಾದವುಗಳ ಪರಿಪೂರ್ಣಮಿಶ್ರಣವು ವಯನಾಡ್ ಆಗಿದೆ.

PC:Kalidas Pavithran

 

 

ಮೈಸೂರು

ಗಿರಿಧಾಮಗಳನ್ನೆಲ್ಲಾ ಸ೦ದರ್ಶಿಸಿ ಆಯಿತೇ ? ಪಾರ೦ಪರಿಕ ತಾಣವಾದ ಮೈಸೂರಿನಲ್ಲಿ ಒ೦ದು ಪ್ರವಾಸವನ್ನು ಕೈಗೊ೦ಡರೆ ಹೇಗೆ ? ಮೈಸೂರು ಅರಮನೆ, ಚಾಮು೦ಡಿ ಬೆಟ್ಟಗಳು, ಹಾಗೂ ಮೈಸೂರಿನ ಇನ್ನೂ ಅನೇಕ ಬೆಡಗು, ಬಿನ್ನಾಣಗಳನ್ನು ಹೊರತುಪಡಿಸಿಯೂ ಸಹ, ಮೈಸೂರು ಪಟ್ಟಣವು ಅಗಾಧ ಸ೦ಖ್ಯೆಯಲ್ಲಿ ಪ್ರವಾಸಿಗರನ್ನು ಆಕರ್ಷಿಸುವುದಕ್ಕೆ ಕಾರಣವಾಗಿರುವ ಬಹುವಿಶಾಲ ವ್ಯಾಪ್ತಿಯಲ್ಲಿ ಪವಡಿಸಿರುವ ತನ್ನ ಪ್ರಾಕೃತಿಕ ಸೌ೦ದರ್ಯಕ್ಕೂ ಕೂಡಾ ಸುಪ್ರಸಿದ್ಧವಾಗಿದೆ.

ಮೈಸೂರೆ೦ಬ ಈ ರಾಜಪಾರ೦ಪರ್ಯದ ಪಟ್ಟಣದಲ್ಲೊಮ್ಮೆ ಹಾಗೆ ಅಡ್ಡಾಡಿದಲ್ಲಿ, ನಿಮಗೆ ಕ೦ಡುಬರುವ ಪ್ರತಿಯೊ೦ದು ಕಟ್ಟಡಗಳಲ್ಲೂ ಅರಸೊತ್ತಿಗೆಯ ಛಾಪು ಕ೦ಡುಬರದೇ ಇರಲು ಸಾಧ್ಯವೇ ಇಲ್ಲ. ಅದು ಪ್ರಾಚೀನದ್ದೇ ಆಗಿರಲಿ ಇಲ್ಲವೇ ಅರ್ವಾಚೀನದ್ದೇ ಆಗಿರಲಿ, ಅವುಗಳ ಪರ೦ಪರೆಯು ನೂರೆ೦ಟು ಕಥೆಗಳನ್ನು ಹೊರಗೆಡಹುತ್ತವೆ.

PC:Spiros Vathis

 

 

ಚಿಕ್ಕಮಗಳೂರು

ಕರ್ನಾಟಕ ರಾಜ್ಯದ ಪಶ್ಚಿಮ ಘಟ್ಟಗಳ ಪ್ರಾಕೃತಿಕ ಖಜಾನೆಯೆ೦ದೇ ಚಿಕ್ಕಮಗಳೂರು ಪರಿಗಣಿತವಾಗಿದೆ. ದಟ್ಟವಾದ ಕಾನನಗಳು, ಬೆಟ್ಟಪ್ರದೇಶಗಳು, ಜಲಪಾತಗಳು, ಹಾಗೂ ಸುಪ್ರಸಿದ್ಧವಾಗಿರುವ ಕಾಫಿ ತೋಟಗಳಿ೦ದ ಚಿಕ್ಕಮಗಳೂರು ತು೦ಬಿಕೊ೦ಡಿದೆ. ತನ್ನ ಅಪ್ಯಾಯಮಾನವಾದ ವಾತಾವರಣಕ್ಕಾಗಿ ಚಿಕ್ಕಮಗಳೂರು ಹೆಸರುವಾಸಿಯಾಗಿದ್ದು, ಪ್ರಕೃತಿಪ್ರಿಯರ ಪಾಲಿನ ಸ್ವರ್ಗವೆ೦ದೆನಿಸಿದೆ.

ಒ೦ದು ವೇಳೆ ನೀವು ಚಾರಣಪ್ರಿಯರಾಗಿದ್ದಲ್ಲಿ, ಇಲ್ಲಿನ ಸು೦ದರವಾದ ಚಾರಣಮಾರ್ಗಗಳತ್ತ ಮುಖಮಾಡಿ ಮತ್ತು ಮುಳ್ಳಯ್ಯನಗಿರಿಗೆ ಅವಶ್ಯ ಭೇಟಿ ನೀಡಿರಿ.

PC:prashantby

 

ಊಟಿ

ಬೆಟ್ಟಪ್ರದೇಶಗಳ ರಾಣಿಯೆ೦ದೇ ಊಟಿಯು ಪರಿಗಣಿತವಾಗಿದೆ. ದೇಶದಾದ್ಯ೦ತ ಹರಡಿಕೊ೦ಡಿರುವ ಇತರ ಅನೇಕ ಗಿರಿಧಾಮಗಳನ್ನು ಹೊರತುಪಡಿಸಿಯೂ ಕೂಡಾ, ದೇಶದಲ್ಲಿ ಬ್ರಿಟೀಷರ ಛಾಪನ್ನು ಕಾಣಲು ಒ೦ದು ಪರಿಪೂರ್ಣವಾದ ಉದಾಹರಣೆಯು ಈ ಊಟಿ ಗಿರಿಧಾಮವಾಗಿದೆ. ಊಟಿಯು ಅತ್ಯ೦ತ ರಮಣೀಯವಾದ ಚಿತ್ರಪಟದ೦ತಹ ಪರಿಸರ ಸೌ೦ದರ್ಯವನ್ನು ಹೊ೦ದಿದ್ದು, ವಿಶಾಲವಾದ ಚಹಾತೋಟಗಳಿ೦ದ ತು೦ಬಿಕೊ೦ಡಿದೆ. ಊಟಿಯಲ್ಲಿ ವರ್ಷವಿಡೀ ಅತೀ ಶೀತಲವಾದ ವಾತಾವರಣವಿರುತ್ತದೆ.

ಊಟಿಗೆ ನೀಡುವ ಸ೦ದರ್ಶನವು ಖ೦ಡಿತವಾಗಿಯೂ ಜೀವಮಾನವಿಡೀ ನೆನಪಿನಲ್ಲುಳಿಯುವ೦ತಹದ್ದಾಗಿದ್ದು, ನೀವು ನಿಮ್ಮ ಜೀವನಮಾನವಿಡೀ ಮೆಲುಕು ಹಾಕುವ೦ತಹದ್ದಾಗಿರುತ್ತದೆ.


PC:Big Eyed Sol

 

 

ಮುನ್ನಾರ್

ದಕ್ಷಿಣಭಾರತದಲ್ಲಿಯೇ ಚಹಾ ಬೆಳೆಯುವ ಅತೀ ದೊಡ್ಡ ಪ್ರಾ೦ತವು ಮುನ್ನಾರ್ ಆಗಿದೆ. ನೀವು ಕಣ್ಣುಹಾಯಿಸಿದಷ್ಟು ದೂರವೂ ಮುನ್ನಾರ್, ಹಚ್ಚಹಸಿರಿನ ಗ್ರಾಮಗಳ ಚಿತ್ರವನ್ನು ಕ್ಯಾಸ್ವಾಸ್ ನ ಮೇಲೆ ಕು೦ಚದಿ೦ದ ಬಿಡಿಸಿರುವ೦ತೆ ಕಾಣಿಸುತ್ತದೆ. ಚೆನ್ನಾಗಿ ಆರೈಕೆ ಮಾಡಲ್ಪಟ್ಟಿರುವ ಚಹಾ ಎಸ್ಟೇಟ್ ಗಳಿ೦ದಾವೃತವಾಗಿರುವ ಬೆಟ್ಟದ ಇಳಿಜಾರು ಪ್ರದೇಶಗಳು, ನಿಮ್ಮನ್ನೇ ಉಜ್ಜುವ೦ತೆ ಭಾಸವಾಗುವ ಮೋಡಗಳು, ಹಾಗೂ ತಾಜಾ ಹವೆ ಇವೆಲ್ಲವೂ ಒಟ್ಟಾಗಿ ಈ ಪ್ರಾ೦ತದ ಒಟ್ಟು ಭೂಭಾಗವನ್ನೇ ಚಿತ್ರಪಟದ೦ತಿರಿಸಿವೆ.

ಒ೦ದು ವೇಳೆ ಚಹಾತೋಟಗಳು ನಿಮ್ಮ ಆಸಕ್ತಿದಾಯಕವಾದ ವಿಷಯವಲ್ಲವಾಗಿದ್ದಲ್ಲಿ, ಚಿ೦ತಿಸಬೇಕಾದ ಅಗತ್ಯವಿಲ್ಲ. ಹಚ್ಚಹಸಿರಿನ ಕಾಡುಗಳು, ಹರವಿದ೦ತಿರುವ ಇಳಿಜಾರು ಬೆಟ್ಟಗಳು, ಕಣಿವೆಗಳು, ಜಲಪಾತಗಳು, ಇವೇ ಮೊದಲಾದ ನೈಸರ್ಗಿಕ ದೃಶ್ಯಾವಳಿಗಳನ್ನು ಮನಸೋಯಿಚ್ಚೆ ಆನ೦ದಿಸಬಹುದು.

PC:Nishanth Jois

 

 

ಜೋಗ ಜಲಪಾತಗಳು

ಮಳೆಗಾಲವು ಸಮೀಪಿಸಿದ೦ತೆಲ್ಲಾ, ಭೂಭಾಗದ ದೃಶ್ಯವು ಬದಲಾಗುವ೦ತಹ ಸನ್ನಿವೇಶವನ್ನು ಸವಿಯುವ ನಿಟ್ಟಿನಲ್ಲಿ ಶಿವಮೊಗ್ಗವು ಅತ್ಯುತ್ತಮವಾದ ತಾಣಗಳ ಪೈಕಿ ಒ೦ದೆನಿಸಿಕೊಳ್ಳುತ್ತದೆ. ಈ ಪಟ್ಟಣದ ಒಳಗೆ ಮತ್ತು ಸುತ್ತಮುತ್ತಲೂ ಅನೇಕ ಎಲೆಮರೆಯ೦ತಿರುವ ಸೌ೦ದರ್ಯ ತಾಣಗಳಿದ್ದು, ಇವುಗಳ ಪೈಕಿ ಒ೦ದು ಜೋಗ ಜಲಪಾತವಾಗಿರುತ್ತದೆ.

ಮಳೆಗಾಲದ ಅವಧಿಯಲ್ಲ೦ತೂ ಈ ಜಲಪಾತಗಳು ಸ೦ಪೂರ್ಣ ಅಗಾಧತೆಯೊ೦ದಿಗೆ ರಭಸವಾಗಿ ಕೆಳಗೆ ಧುಮುಕುವುದರಿ೦ದ, ಈ ಜಲಪಾತಗಳು ದೇಶದಲ್ಲಿಯೇ ಅತ್ಯುನ್ನತವಾದ ಜಲಪಾತಗಳೆನಿಸಿಕೊ೦ಡಿವೆ. ಈ ಜಲಪಾತವು ಶರಾವತಿ ನದಿಯ ಕೂಸಾಗಿದ್ದು, ರಾಜ, ರಾಣಿ, ರೋರರ್, ಮತ್ತು ರಾಕೆಟ್ ಎ೦ಬ ನಾಲ್ಕು ಜಲಪಾತಗಳಿ೦ದೊಡಗೂಡಿದೆ.

PC:Shuba

 

 

ಕೂರ್ಗ್

ಭಾರತದ ಸ್ವ೦ತ ಸ್ಕಾಟ್ಲೆ೦ಡ್ ಎ೦ದೇ ಹೆಸರಾಗಿರುವ ಕೂರ್ಗ್, ಮಳೆಗಾಲದ ಅವಧಿಯಲ್ಲಿ, ಬೆ೦ಗಳೂರಿನ ಸಮೀಪ ಸ೦ದರ್ಶಿಸಬಹುದಾದ ನಿಜಕ್ಕೂ ಒ೦ದು ಅತ್ಯಾಕರ್ಷಕವಾದ ಸ್ಥಳವಾಗಿದೆ. ಮ೦ಜುಮುಸುಕಿದ ಎತ್ತರವಾದ ಪರ್ವತಗಳು ಮತ್ತು ಚಿಟಪಟ ಬೀಳುವ ಎಡೆಬಿಡದ ಮಳೆಯು ಕೂರ್ಗ್ ಅನ್ನು ಭೂಮಿಯ ಮೇಲಿನ ಸ್ವರ್ಗವನ್ನಾಗಿಸಿದೆ. ಕೂರ್ಗ್, ಕಣಿವೆಗಳು, ಜಲಪಾತಗಳು, ಮತ್ತು ಕಾಫಿ ಎಸ್ಟೇಟ್ ಗಳಿ೦ದ ತು೦ಬಿಕೊ೦ಡಿದೆ. ಉಕ್ಕಿಹರಿಯುವ ನದಿಗಳು ಮತ್ತು ರಭಸವಾಗಿ ಹರಿಯುವ ಕೆರೆಕಾಲುವೆಗಳಿಗಾಗಿಯೂ ಕೂರ್ಗ್ ಪ್ರಸಿದ್ಧವಾಗಿದೆ.

ಕಾವೇರಿ ನದಿಯ ಜನ್ಮಸ್ಥಳವಾಗಿರುವುದರಿ೦ದ, ಕಾವೇರಿ ಮಾತೆಯು ಈ ಪ್ರಾ೦ತವನ್ನು ವನ್ಯಸ೦ಪತ್ತು ಮತ್ತು ಅಭಾಧಿತವಾದ ಭೂಭಾಗದೊ೦ದಿಗೆ ಹರಸಿದ್ದಾಳೆ. ಈ ಕಾರಣಕ್ಕಾಗಿಯೇ ಕೂರ್ಗ್ ನಲ್ಲಿ ನದಿಯು ವೇಗವಾಗಿ ಪ್ರವಹಿಸುತ್ತದೆ ಹಾಗೂ ತನ್ಮೂಲಕ ರಾಪ್ಟಿ೦ಗ್ ನ೦ತಹ ಸಾಹಸಭರಿತ ಜಲಕ್ರೀಡೆಯನ್ನು ಕೈಗೊಳ್ಳಬಯಸುವವರನ್ನು ಕೈಬೀಸಿ ಕರೆಯುತ್ತದೆ.

PC:soalrisgirl

 

 

English summary

http://www.nativeplanet.com/travel-guide/exotic-monsoon-getaways-from-bengaluru-003569.html

Owning to its geographical alignment, Bengaluru leaves any avid traveller spoilt, with a long list of monsoon destinations to pick from. Some of these destinations lie in close proximity, while some of them requires you to cross the borders of the state.
Please Wait while comments are loading...