ಡೋಣ ಬನ್ನಿ ಸುಂದರ ವೆಲ್ಲೊರನ್ನು!
ಹುಡುಕಿ
 
ಹುಡುಕಿ
 

ಚಿನ್ನದ ಮಂದಿರ... ಇವು ನೋಡಲು ಸುಂದರ...

ಪ್ರಪಂಚದಲ್ಲಿಯೇ ಅತಿ ಹೆಚ್ಚು ಅನುಯಾಯಿಗಳನ್ನು ಹೊಂದಿರುವ 5ನೇ ಧರ್ಮ ಬೌದ್ಧ ಧರ್ಮ. ಕ್ರಿ.ಪೂ. 5-6 ನೇ ಶತಮಾನದಲ್ಲಿ ಬೆಳಕಿಗೆ ಬಂದ ಈ ಧರ್ಮ ಸರಳ ಹಾಗೂ ಸಮಾನತೆಯನ್ನು ಸಾರುತ್ತದೆ.

Written by: Divya
Updated: Friday, March 24, 2017, 16:23 [IST]
Share this on your social network:
   Facebook Twitter Google+ Pin it  Comments

ಪ್ರಪಂಚದಲ್ಲಿಯೇ ಅತಿ ಹೆಚ್ಚು ಅನುಯಾಯಿಗಳನ್ನು ಹೊಂದಿರುವ 5ನೇ ಧರ್ಮ ಬೌದ್ಧ ಧರ್ಮ. ಕ್ರಿ.ಪೂ. 5-6 ನೇ ಶತಮಾನದಲ್ಲಿ ಬೆಳಕಿಗೆ ಬಂದ ಈ ಧರ್ಮ ಸರಳ ಹಾಗೂ ಸಮಾನತೆಯನ್ನು ಸಾರುತ್ತದೆ. ಉತ್ತರ ಭಾರತದಲ್ಲಿ ನೆಲೆಸಿದ್ದ ಗೌತಮನ ಬೋಧನೆಯ ಆಧಾರದಲ್ಲಿಯೇ ಬೆಳೆದು ಬಂದ ಧರ್ಮ ಇಂದು ಜಗತ್ತಿನಾದ್ಯಂತ ಹರಡಿಕೊಂಡಿದೆ.

ರಾಜಕುಮಾರ ಸಿದ್ಧಾರ್ಥನು ತಪಸ್ಸಿನ ಮೂಲಕ ಜ್ಞಾನವನ್ನು ಪಡೆದನು. 9 ವರ್ಷಗಳ ಕಾಲ ಧರ್ಮೋಪದೇಶಮಾಡುತ್ತಾ ನಿರ್ವಾಣ ಹೊಂದಿದನು. ನಂತರದ ದಿನಗಳಲ್ಲಿ ಗೌತಮ ಬುದ್ಧ ಎನ್ನುವ ನಾಮದಿಂದಲೇ ಅನುಯಾಯಿಗಳು ಧರ್ಮ ಪ್ರಚಾರ ಮಾಡುತ್ತಾಬಂದರು. ಈ ಹಿನ್ನೆಲೆಯಲ್ಲೇ ಭಾರತದ ಹಲವೆಡೆ ಅನೇಕ ಬೌದ್ಧ ಮಠಗಳು ನೆಲೆನಿಂತಿವೆ. ಈ ಭವ್ಯ ಮಠಗಳ ಸೊಬಗನ್ನು ಫೋಟೋ ಪ್ರವಾಸದ ಮೂಲಕ ತಿಳಿಯೋಣ...

ನಮ್ಗಾಯಲ್ ಮಠ

ಹಿಮಾಚಲ ಪ್ರದೇಶದ ಧರ್ಮಶಾಲಾ ಆವೃತ್ತಿಯಲ್ಲಿರುವ ಈ ಬೌದ್ಧ ಮಠ ಸುಂದರ ವಿನ್ಯಾಸದಲ್ಲಿ ರಚನೆಗೊಂಡಿದೆ. ಇದರ ಸುತ್ತಲು ಸುಂದರವಾದ ಕಣಿವೆಗಳು ಹಾಗೂ ಸರೋವರ ಇರುವುದರಿಂದ ಪ್ರವಾಸಿಗರಿಗೆ ಆಕರ್ಷಣಾ ತಾಣವಾಗಿದೆ. ಈ ಮಠವು ಸುಗ್ಲಾಕಾಂಗ್ ಸಂಕೀರ್ಣದ ಒಂದು ಭಾಗವಾಗಿದ್ದುದರಿಂದ ಸಾವಿರಾರು ಬೌದ್ಧ ಯಾತ್ರಿಗಳು ಇಲ್ಲಿಗೆ ಬರುತ್ತಾರೆ.

PC: en.wikipedia.org

ಥಿಕ್ಸೆ ಮಠ

ಲೇಹ್ ಪಟ್ಟಣದಿಂದ 19 ಕಿ.ಮೀ. ದೂರದಲ್ಲಿರುವ ಈ ಮಠ ಮಧ್ಯ ಯುಗದ ಆಕರ್ಷಕ ವಾಸ್ತು ಶಿಲ್ಪದಿಂದ ಕೂಡಿದೆ. ಭಾರತದ ಅತಿ ದೊಡ್ಡ ಮಠ ಎನ್ನುವ ಹೆಗ್ಗಳಿಕೆಯನ್ನು ಪಡೆದುಕೊಂಡಿದೆ. 12 ಅಂತಸ್ತಿನ ಮಠವಾದ ಇದು ಆಕರ್ಷಕ ಸ್ತೂಪಗಳು, ಮೂರ್ತಿಗಳು ಹಾಗೂ ವರ್ಣಚಿತ್ರಗಳಿಂದ ಕೂಡಿದೆ.

PC: flickr.com

ಹೆಮಿಸ್ ಮಠ

ಬುದ್ಧನ ತಾಮ್ರದ ಮೂರ್ತಿಯೇ ಇಲ್ಲಿಯ ಪ್ರಮುಖ ಆಕರ್ಷಣೆ. 1630ರಲ್ಲಿ ನಿರ್ಮಾಣಗೊಂಡ ಈ ಆಶ್ರಮ ಲೇಹ್‍ದಿಂದ 40 ಕಿ.ಮೀ. ದೂರದಲ್ಲಿದೆ. ಇಲ್ಲಿ ದುಃಖಂಗ್ ಮತ್ತು ಶೊಂಗ್ ಖಂಗ್ ಎಂಬ ಎರಡು ವಿಭಾಗಗಳಿರುವುದನ್ನು ಗಮನಿಸಬಹುದು. ಜೂನ್ ಮತ್ತು ಜುಲೈ ತಿಂಗಳಲ್ಲಿ ನಡೆಯುವ ಹೆಮಿಸ್‍ನ ವಾರ್ಷಿಕ ಉತ್ಸವ ಬಹಳ ವಿಜ್ರಂಭಣೆಯಿಂದ ಜರುಗುತ್ತದೆ.

PC: flickr.com

ಶಸುರ್ ಮಠ

ಹಿಮಾಚಲ ಪ್ರದೇಶದ ಕೀಲಾಂಗ್‍ನಿಂದ 3 ಕಿ.ಮೀ. ದೂರದಲ್ಲಿರುವ ಈ ಮಠ ಪ್ರವಾಸಿಗರ ಆಕರ್ಷಕ ತಾಣ. ಶಸುರ್ ಎಂದರೆ ಸ್ಥಳೀಯ ಭಾಷೆಯಲ್ಲಿ ನೀಲಿ ಪೈನ್ ಎಂದರ್ಥವಾಗುತ್ತದೆ. ನೀಲಿ ಪೈನ್‍ಗಳ ಸುಂದರ ಕಾಡುಗಳು ಮಠದ ಸುತ್ತಲೂ ಆವರಿಸಿರುವುದರಿಂದ ಮಠದ ಸೌಂದರ್ಯ ಇಮ್ಮಡಿಯಾಗಿದೆ. 17ನೇ ಶತಮಾನದಲ್ಲಿ ನಿರ್ಮಾಣಗೊಂಡ ಈ ಮಠದಲ್ಲಿ ಬೌದ್ಧ ವರ್ಣಚಿತ್ರಗಳ ಸುಂದರ ಸಂಗ್ರಹಗಳನ್ನು ನೋಡಬಹುದು.

PC: flickr.com

ಮೈಂಡ್ರೋಲಿಂಗ್ ಮಠ

ಭಾರತದಲ್ಲಿರುವ ಪ್ರಮುಖ ಬೌದ್ಧ ಮಠಗಳಲ್ಲಿ ಒಂದಾದ ಮೈಂಡ್ರೋಲಿಂಗ್ ದೆಹ್ರಾದೂನ್‍ಅಲ್ಲಿದೆ. ಅಪರೂಪದ ವಿನ್ಯಾಸದಲ್ಲಿ ತಲೆ ಎತ್ತಿರುವ ಈ ಮಠ ಪ್ರವಾಸಿಗರಿಗೊಂದು ಆಕರ್ಷಕ ತಾಣ. ಸುತ್ತಲು ಹಸಿರು ಸಿರಿಯಿಂದ ಕೂಡಿದೆ. ಇಲ್ಲಿ 107 ಅಡಿ ಎತ್ತರದ ಬುದ್ಧನ ವಿಗ್ರಹ ಇರುವುದನ್ನು ನೋಡಬಹುದು. ಭಾರತದಲ್ಲಿಯೇ ಅತಿ ಎತ್ತರವಾದ ಪ್ರತಿಮೆ ಎನ್ನುವ ಖ್ಯಾತಿ ಪಡೆದುಕೊಂಡಿದೆ.

PC: flickr.com

ಘೂಮ್ ಮಠ

ಡಾರ್ಜಿಲಿಂಗ್‍ನ ಪೂರ್ವ ಹಿಮಾಲಯ ಶ್ರೇಣಿಯಲ್ಲಿರುವ ಈ ಮಠ ಪುರಾತನ ಮಠಗಳಲ್ಲಿ ಒಂದು. ಗಿರಿಧಾಮಗಳ ಮಡಿಲಲ್ಲಿರುವ ಈ ಮಠ ಪ್ರವಾಸಕ್ಕೊಂದು ಸೂಕ್ತ ತಾಣ. ಇಲ್ಲಿ 15 ಅಡಿ ಎತ್ತರದ ಬುದ್ಧನ ಮೂರ್ತಿ ಇರುವುದನ್ನು ಕಾಣಬಹುದು. ಇಲ್ಲಿ ಟಿಬೆಟಿಯನ್‍ರ ಸಾಂಪ್ರದಾಯಿಕ ಬಾವುಟಗಳಿಂದ ಸಿಂಗರಿಸಲಾಗಿದೆ.

PC: en.wikipedia.org

ರುಮ್ಟೆಕ್ ಮಠ

ಗ್ಯಾಂಗ್ವಾಕ್ ಬಳಿ ಇರುವ ರುಮ್ಟೆಕ್ನಲ್ಲಿ ಮಠವಿದೆ. ಧರ್ಮ ಚಕ್ರ ಕೇಂದ್ರ ಎಂದು ಹೆಸರಾದ ಈ ಮಠ ಸಮುದ್ರ ಮಟ್ಟದಿಂದ 5800 ಅಡಿ ಎತ್ತರದಲ್ಲಿದೆ. ನಾಲ್ಕು ಅಂತಸ್ತಿನ ಈ ಮಠದ ವಾಸ್ತು ಶಿಲ್ಪದ ರಚನೆ ಅಮೋಘವಾಗಿದೆ.ಇಲ್ಲಿ ಪ್ರತಿ ವರ್ಷದ ಹತ್ತನೇ ತಿಂಗಳಲ್ಲಿ ನೃತ್ಯ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತದೆ. ಸಿಕ್ಕಿಂನ ಅತ್ಯಂತ ಆಕರ್ಷಕ ತಾಣ ಎನ್ನುವ ಹೆಸರಿಗೆ ಪಾತ್ರವಾಗಿದೆ.

PC: flickr.com

ತವಾಂಗ್ ಮಠ

ಅರುಣಾಚಲ ಪ್ರದೇಶದ ಪಶ್ಚಿಮ ಭಾಗದಲ್ಲಿರುವ ಈ ತಾಣಕ್ಕೆ ಭೇಟಿ ನೀಡುವುದು ಅದ್ಭುತ ಅನುಭವವನ್ನು ನೀಡುತ್ತದೆ. ಸಮುದ್ರ ಮಟ್ಟಕ್ಕಿಂತ 3,048 ಅಡಿ ಎತ್ತರದಲ್ಲಿದೆ. ಭಾರತದಲ್ಲಿರುವ ಅತ್ಯಂತ ದೊಡ್ಡ ಮಠಗಳಲ್ಲಿ ತವಾಂಗ್ ಬೌದ್ಧ ಮಠವೂ ಒಂದು ಎನ್ನುವ ಹಿರಿಮೆಗೆ ಪಾತ್ರವಾಗಿದೆ.

PC: en.wikipedia.org

ನ್ಯಾಮ್ಡ್ರೋಲಿಂಗ್ ಮಠ

ಕುಶಾಲನಗರದಿಂದ 3 ಕಿ.ಮೀ. ದೂರದಲ್ಲಿರುವ ಈ ಮಠದಲ್ಲಿ ವಿಶೇಷ ಬಗೆಯ ಕೆತ್ತನೆ ಹಾಗೂ ವರ್ಣಚಿತ್ರಗಳನ್ನು ಕಾಣಬಹುದು. ಚಿನ್ನದ ತಗಡುಗಳಿಂದ ಅಲಂಕರಿಸಲ್ಪಟ್ಟ ಬುದ್ಧನ ವಿಗ್ರಹಗಳು ಇಲ್ಲಿಯ ಪ್ರಮುಖ ಆಕರ್ಷಣೆ. ಸುತ್ತಲು ಇರುವ ಶಾಂತ ವಾತಾವರಣ ಪ್ರವಾಸಿಗರ ಮನ ತಣಿಸುತ್ತದೆ.

PC: flickr.com

Read more about: karnataka
English summary

Famous Buddhist Monasteries in India

Buddhism is one of the religion of Indian subcontinent and teaches the different practices of spiritual development, meditation and philosophy. Buddhism is arose from the Magadha area and spread throughout of India even beyond by Siddhartha Gautama or the Buddha and its followers. There are so many Buddhist Monasteries in India located at the different corner of the country.
Please Wait while comments are loading...