ಇದು ಟಿಪ್ಪುವಿನ ಶೌರ್ಯದ ಕೋಟೆ
ಹುಡುಕಿ
 
ಹುಡುಕಿ
 

ರಮ್ಯವಾಗಿದೆ ಕೊಟಿಗಾವ್ ವನ್ಯ ದಾಮ

ಕೊಟಿಗಾವ್ ವನ್ಯ ಜೀವಿ ದಾಮ ಗೋವಾದಲ್ಲಿದೆ. ಪಲೋಲೆಮ್ ಸಮುದ್ರದ ಆಗ್ನೇಯ ಭಾಗದಲ್ಲಿ ಬರುವ ಈ ವನ್ಯ ಜೀವಿ ದಾಮ 9 ಕಿ.ಮೀ. ಅಂತರದಲ್ಲಿದೆ. ಬಹಳ ಸುಂದರವಾಗಿರುವ ಈ ಸ್ಥಳ ಜನ ನಿಬಿಡ ಪ್ರದೇಶದಲ್ಲಿ ಬರುತ್ತದೆ.

Updated: Friday, February 17, 2017, 14:42 [IST]
Share this on your social network:
   Facebook Twitter Google+ Pin it  Comments

ಕೊಟಿಗಾವ್ ವನ್ಯ ಜೀವಿ ದಾಮ ಗೋವಾದಲ್ಲಿದೆ. ಪಲೋಲೆಮ್ ಸಮುದ್ರದ ಆಗ್ನೇಯ ಭಾಗದಲ್ಲಿ ಬರುವ ಈ ವನ್ಯ ಜೀವಿ ದಾಮ 9 ಕಿ.ಮೀ. ಅಂತರದಲ್ಲಿದೆ. ಬಹಳ ಸುಂದರವಾಗಿರುವ ಈ ಸ್ಥಳ ಜನ ನಿಬಿಡ ಪ್ರದೇಶದಲ್ಲಿ ಬರುತ್ತದೆ. ಇದು ಗೋವಾದಲ್ಲಿರುವ ಎರಡನೇ ದೊಡ್ಡ ವನ್ಯ ಜೀವಿ ದಾಮ.

Cotigao Wildlife Sanctuary

PC : Tarun

ನಮ್ಮದೇ ವಾಹನ ವ್ಯವಸ್ಥೆ ಇದ್ದರೆ ಇಲ್ಲಿಗೆ ಹೋಗುವುದು ಬಹಳ ಸುಲಭ. ವಿಶಾಲವಾಗಿ ಹಾಗೂ ಬಹಳ ಎತ್ತರಕ್ಕೆ ಬೆಳೆದಿರುವ ಅದ್ಭುತ ಮರಗಳನ್ನು ನೋಡಬೇಕೆಂದಿದ್ದರೆ ಈ ವನ್ಯ ದಾಮ ಸೂಕ್ತ ತಾಣ. ಇದರ ಗಡಿಪ್ರದೇಶ ಕರ್ನಾಟಕದ ಹತ್ತಿರವೇ ಬರುವುದರಿಂದ ನೆರೆಹೊರೆ ಪ್ರದೇಶದ ಜನರು ಸಹ ಇಲ್ಲಿಗೆ ಬರುತ್ತಾರೆ.

Cotigao Wildlife Sanctuary

PC : Tarun

ಮೊಲ್ಲೆಮ್ ರಾಷ್ಟ್ರೀಯ ಉದ್ಯಾನವನ
ಸಾಮಾನ್ಯವಾಗಿ ಎಂದಿಗೂ ತೇವದಿಂದ ಕೂಡಿರುವ ಇಲ್ಲಿಯ ಗಿಡ ಮರಗಳು, ತನ್ನ ಬೃಹತ್ತಾದ ಆಕಾರದಿಂದಲೂ ಪ್ರವಾಸಿಗರನ್ನು ಆಕರ್ಷಿಸುತ್ತವೆ. ಎಷ್ಟು ಹಚ್ಚ ಹಸುರಿನ ಗಿಡಮರಗಳಿವೆಯೋ ಅಷ್ಟೇ ಪ್ರಮಾಣದಲ್ಲಿ ಎಲೆ ಉದುರುವ ಗಿಡ ಮರಗಳೂ ಇಲ್ಲಿವೆ. ಈ ವನ್ಯ ದಾಮದ ಒಳಗೆ ಹೊಕ್ಕುತ್ತಿದ್ದಂತೆಯೇ ಬಹಳ ಕಿರಿದಾದ ದಾರಿ ಇರುವ ಅನುಭವವಾಗುತ್ತದೆ. ಈ ವನ್ಯ ದಾಮದಲ್ಲಿ ಹುಲಿ, ಚಿರತೆ, ಕಾಡೆಮ್ಮೆ, ಕರಡಿ, ಪ್ಯಾಂಥರ್ಸ್ ಸೇರಿದಂತೆ ಅನೇಕ ಪ್ರಾಣಿ ಸಂಕುಲವಿದೆ. ಆದರೆ ಇವು ಕಣ್ಣಿಗೆ ಕಾಣುವುದು ಅಪರೂಪ.

Cotigao Wildlife Sanctuary

PC : Tarun

ಏನು ಮಾಡಬೇಕು
ಇಲ್ಲಿರುವ ದಿ ನೇಚರ್ ಇಂಟರ್‍ಪ್ರಿಟೇಷನ್ ಸೆಂಟರ್‍ಗೆ ಭೇಟಿ ನೀಡಿದರೆ ವನ್ಯ ದಾಮದ ಬಗ್ಗೆ, ಅಲ್ಲಿರುವ ಗಿಡ ಮರಗಳು, ಪರಿಸರ ಹಾಗೂ ವನ್ಯ ಜಗತ್ತಿನ ಬಗ್ಗೆ ವಿವರವಾದ ಮಾಹಿತಿ ಪಡೆಯಬಹುದು. ಈ ವನ್ಯ ದಾಮಕ್ಕೆ ಖಾಸಗಿ ವಾಹನಗಳಲ್ಲಿ ಬಂದರೆ, 500 ಮೀಟರ್ ನಿಂದ 5 ಕಿ.ಮೀ ದೂರದ ವರೆಗೂ ಸಾಗಬಹುದು. ಒಬ್ಬ ಮಾರ್ಗದರ್ಶಕರ (ಗೈಡ್) ಮೊರೆ ಹೋದರೆ ಅಲ್ಲಿಯ ಮಾಹಿತಿಯನ್ನು ವಿವರವಾಗಿ ತಿಳಿಯಬಹುದು.

Cotigao Wildlife Sanctuary

PC : Tarun

ಸೂಕ್ತ ಸಮಯ
ಬೆಂಗಳೂರಿನಿಂದ 428 ಕಿ.ಮೀ. ದೂರದಲ್ಲಿರುವ ಕೊಟಿಗಾವ್‍ಗೆ ಬರಲು ಅಕ್ಟೋಬರ್ ನಿಂದ ಮಾರ್ಚ್ ಸೂಕ್ತ ಸಮಯ. ಮಳೆಗಾಲದಲ್ಲಿ ಬಂದರೆ ಗಿಡಮರಗಳು ಬೆಳೆದುಕೊಂಡು, ಓಡಾಡುವ ಜಾಗವೆಲ್ಲಾ ಕವಿದಿರುತ್ತವೆ. ಇದು ಪ್ರತಿದಿನ ಬೆಳಗ್ಗೆ 7 ರಿಂದ 5.30ರ ವರೆಗೆ ತೆರೆದಿರುತ್ತದೆ. ಪ್ರತಿಯೊಬ್ಬರು 5 ರೂ. ಟಿಕೆಟ್ ಪಡೆಯಬೇಕಾಗುತ್ತದೆ. ಕ್ಯಾಮೆರಾ ಕೊಂಡೊಯ್ಯುವುದಾದರೆ ಅದಕ್ಕೂ 25 ರೂ. ಟಿಕೆಟ್ ಪಡೆಯಬೇಕು. ಯಾರು ವನ್ಯ ದಾಮದ ಬಳಿ ತಂಗಲು ಇಷ್ಟಪಡುತ್ತಾರೋ ಅವರು ಅರಣ್ಯ ಅಧಿಕಾರಿಗಳ ಪರವಾನಗಿ ಪಡೆಯಬೇಕಾಗುತ್ತದೆ.

Read more about: goa
English summary

A Travel Guide To Cotigao Wildlife Sanctuary

Cotigao Wildlife Sanctuary is located in Goa. At a distance of 9 km Southeast of Palolem, is the beautiful and remote Cotigao Wildlife Sanctuary. It is the second largest sanctuary in Goa and which is easily accessible if you have your own transport.
Please Wait while comments are loading...