ಅವು ಹವಳದ ದಿಬ್ಬಗಳಿಂದ ಕೂಡಿದ ದ್ವೀಪ ಸಮೂಹ... ಸುತ್ತಲೂ ಎಲ್ಲೆಲ್ಲೂ ನೀರಿನ ರಾಶಿ... ಒಮ್ಮೆ ಭೂಮಿಯ ಮೇಲೆ ಇದ್ದೇನೋ ಇಲ್ಲೆವೋ ಎನ್ನುವ ಗೊಂದಲ... ಅಬ್ಬ! ನೆನೆದುಕೊಂಡರೇ ಇಷ್ಟು ರೋಮಾಂಚನವಾಗುವ ಈ ಸ್ಥಳಕ್ಕೆ ಭೇಟಿ ನೀಡಿದರೆ ಹೇಗಿರಬಹುದು ಅಲ್ಲವಾ? ನಿಜಾ, ಕೇರಳ ಕರಾವಳಿ ತೀರದಲ್ಲಿ ಬರುವ ಈ ತಾಣ ಅರಬ್ಬೀ ಸಮುದ್ರದಲ್ಲಿದೆ. ಲಕ್ಷದ್ವೀಪ ಸಮೂಹ ಎಂದು ಕರೆಯಲ್ಪಡುವ ಈ ತಾಣದಲ್ಲಿ ಹೆಸರಿಗೆ ತಕ್ಕಂತೆ ಲಕ್ಷಗಟ್ಟಲೇ ದ್ವೀಪ ಸಮೂಹಗಳೇನು ಇಲ್ಲ. 36 ದ್ವೀಪಗಳ ಸಮೂಹವಿದೆಯಷ್ಟೆ.
ಈ ದ್ವೀಪ ಸಮೂಹದ ವಿಸ್ತೀರ್ಣ 32 ಚದರ ಕಿ.ಮೀ. ಅದರಲ್ಲಿ 12 ಹವಳ ದ್ವೀಪಗಳು, 5 ಆಳ ಸಾಗರ ಎಂದು ಕರೆಯಲಾಗುತ್ತದೆ. 11 ಜನ ನಿಬಿಡ ದ್ವೀಪಗಳಿವೆ. ಜನ ವಾಸ ದ್ವೀಪಗಳೆಂದರೆ ಅಗಟ್ಟಿ, ಅಮಿನಿ, ಅನ್ಡ್ರೋಟ್, ಬಂಗಾರಂ, ಚಿತ್ರ, ಚೆತ್ಲಾತ್, ಕದ್ಮತ್ ಕಲ್ವೇನಿ, ಕವರಟ್ಟಿ, ಕಿಲ್ತಾನ್ ಮತ್ತು ಮನಿಕಾಯ್. ಪ್ರವಾಸೋದ್ಯಮ ಹಾಗೂ ಮೀನುಗಾರಿಕೆಯೇ ಇಲ್ಲಿಯ ಜನರ ಮುಖ್ಯ ಉದ್ಯೋಗ. ಈ ದ್ವೀಪ ಸಮೂಹದಲ್ಲಿ ಬಂಗಾರಂ, ಕವರಟ್ಟಿ, ಅಗಟ್ಟಿ ಮನಿಕಾಮ್ ಹಾಗೂ ಕದ್ಮತ್ ಬಹಳ ಆಕರ್ಷಕ ಪ್ರವಾಸತಾಣ ಎಂದು ಗುರುತಿಸಲಾಗಿದೆ.
ಲಕ್ಷದ್ವೀಪದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ!
PC: flickr.com
ಬಂಗಾರಂ ದ್ವೀಪ
ಬಿಳಿ ಬಣ್ಣದ ಅಲೆಗಳಿಂದ ಮನ ಸೆಳೆಯುವ ಈ ದ್ವೀಪ ತೆಂಗಿನ ಮರಗಳಿಂದ ಆವೃತ್ತವಾಗಿದೆ. ಇದು ಸುಮಾರು 120 ಎಕರೆ ಪ್ರದೇಶವನ್ನು ಆವರಿಸಿದೆ. ಅಲ್ಲದೆ ವಿವಿಧ ಬಗೆಯ ಪಕ್ಷಿಗಳು, ಮೀನು, ಮುಳ್ಳಂದಿ ಮತ್ತು ಗಿಳಿಗಳ ಸಮೂಹ ಪ್ರವಾಸಿಗರ ಮನ ಸೆಳೆಯುತ್ತವೆ.
PC: flickr.com
ಕವರಟ್ಟಿ ದ್ವೀಪ
ಲಕ್ಷದ್ವೀಪದ ಸಮೂಹದಲ್ಲಿಯೇ ಹೆಚ್ಚು ಗಮನ ಸೆಳೆಯುವ ಕವರಟ್ಟಿ ಲಕ್ಷದ್ವೀಪ ಕೇಂದ್ರಾಡಳಿ ಪ್ರದೇಶದ ರಾಜಧಾನಿ. ಪಾರಂಪರಿಕ ಪ್ರವಾಸ ತಾಣ, ಮ್ಯೂಸಿಯಂ ಹಾಗೂ ಮಸೀದಿಗಳು ಇಲ್ಲಿವೆ. ಬೆಳ್ಳನೆಯ ಮರಳು ತೀರವೂ ಇಲ್ಲಿಯ ಪ್ರಮುಖ ಆಕರ್ಷಣೆ ಎಂದು ಹೇಳಬಹುದು.
PC: wikimedia.com
ಅಗಟ್ಟಿ ದ್ವೀಪ
ಸ್ಥಳೀಯ ವಿಮಾನ ನಿಲ್ದಾಣವನ್ನು ಹೊಂದಿರುವ ಈ ದ್ವೀಪಕ್ಕೆ ಲಕ್ಷದ್ವೀಪದ ಪ್ರವೇಶದ್ವಾರ ಎಂದು ಕರೆಯುತ್ತಾರೆ. ಲಕ್ಷದ್ವೀಪಕ್ಕೆ ವಿಮಾನ ಸಂಪರ್ಕ ಕಲ್ಪಿಸಿರುವ ಏಕೈಕ ದ್ವೀಪ ಇದು.
PC: flickr.com
ಮನಿಕಾಯ್ ದ್ವೀಪ
ಇಲ್ಲಿರುವ ದ್ವೀಪಗಳಲ್ಲಿಯೇ ಎರಡನೇ ಅತಿದೊಡ್ಡ ದ್ವೀಪ ಎಂದು ಕರೆಯುತ್ತಾರೆ. ಇಲ್ಲಿಯ ಜನರ ಸಂಪ್ರದಾಯ ದಕ್ಷಿಣ ಭಾರತದ ಸಂಪ್ರದಾಯ ಮಿಶ್ರಣದಿಂದ ಕೂಡಿದೆ ಎಂದು ಹೇಳಬಹುದು. ಇಲ್ಲಿಯ ಕಲೆಯು ಹೆಚ್ಚು ಸಾಂಪ್ರದಾಯಿಕ ಮಹತ್ವವನ್ನು ಪಡೆದುಕೊಂಡಿದೆ.
PC: wikipedia.com
ಕದ್ಮತ್ ದ್ವೀಪ
ಈ ದ್ವೀಪವು ಹೆಚ್ಚು ಶುಭ್ರತೆಯಿಂದ ಕೂಡಿದೆ. ಪ್ರವಾಸಿಗರನ್ನು ಹೆಚ್ಚು ಆಕರ್ಷಿಸುವ ಈ ದ್ವೀಪದಲ್ಲಿ ಸೂರ್ಯ ಕಿರಣದ ಸ್ನಾನ ಮಾಡಬಹುದು. ಅಲ್ಲದೆ ಅನೇಕ ಜಲಕ್ರೀಡೆಯನ್ನು ಆಡಲು ಅವಕಾಶವಿದೆ.
PC: wikipedia.com
ಬೇಕಾದಂತೆ ಇದೆ.
ಇಲ್ಲಿ ಎಲ್ಲಾ ಬಗೆಯ ಊಟ-ತಿಂಡಿಗಳು ದೊರೆಯುತ್ತವೆ. ವಸತಿ ವ್ಯವಸ್ಥೆಗಾಗಿ ರೆಸಾರ್ಟ್, ಕುಟೀರಗಳು ಹಾಗೂ ಸರಕಾರಿ ವಸತಿಗೃಹಗಳ ಸೌಲಭ್ಯವಿದೆ. ಅನುಕೂಲಕರ ದರದಲ್ಲೇ ಎಲ್ಲವೂ ಲಭ್ಯವಿರುವುದರಿಂದ ಪ್ರವಾಸಕ್ಕೆ ಯಾವ ಚಿಂತೆಯಿಲ್ಲದೆಯೇ ಬರಬಹುದು.