ತಿರುಪುರ್ ನಗರದ ಬಳಿಯಲ್ಲಿದೆ ಒಂದು ಸುಂದರ ಪಿಕ್ನಿಕ್ ತಾಣ ಆಂಡಿಪಾಳಯಂ ಕೆರೆ. ಮೂಲವಾಗಿ ಇದು ತಿರುಪುರ್ ಬಳಿಯಿರುವ ಪಟ್ಟಣವಾದ ಆಂಡಿಪಾಳಯಂ ನಲ್ಲಿದೆ. ಕುಟುಂಬ ಸಮೇತ ಒಂದು ದಿನ ಕಳೆಯಲು ಹೇಳಿ ಮಾಡಿಸಿದ ಹಾಗಿದೆ ಈ ತಾಣ. ಆದರೆ ಬೋಟಿಂಗ್ ರೈಡ್ ಗಳನ್ನು ಈ ಕೆರೆಯಲ್ಲಿ ಇನ್ನು ಪ್ರಾರಂಭಿಸಬೇಕಾಗಿದೆ. ಇದರಿಂದ ಇದು ಮತ್ತಷ್ಟು ಜನಪ್ರಿಯವಾಗುವುದರಲ್ಲಿ ಯಾವುದೆ ಸಂಶಯವಿಲ್ಲ. ಸದ್ಯ, ನಗರದ ಗೌಜುಗದ್ದಲಗಳಿಂದ ದೂರವಾಗಿರುವ ಈ ಸ್ಥಳ ಪ್ರಶಾಂತತೆಯ ಉತ್ತಮ ಅನುಭವವನ್ನು ಒದಗಿಸುತ್ತ ಭೇಟಿ ನೀಡಿದ ಯಾರಿಗಾದರೂ ಸರಿ ನಿರಾಸೆಯನ್ನುಂಟು ಮಾಡುವುದಿಲ್ಲ.