ಪುಥೇನ್ ಪಲ್ಲಿಯು ದಿ ಬೆಸಿಲಿಕ ಆಫ್ ಅವರ್ ಲೇಡಿ ಆಫ್ ಡೊಲೌರ್ಸ್ ಎಂದು ಸಹ ಖ್ಯಾತಿ ಪಡೆದಿದೆ. ಪೂರ್ವಾತ್ಯ ಮತ್ತು ಪಾಶ್ಚಿಮಾತ್ಯ ಶೈಲಿಯ ವಾಸ್ತುಶಿಲ್ಪದಿಂದ ಸ್ಫೂರ್ತಿಯನ್ನು ಪಡೆರಿರುವ ವಿಭಿನ್ನ ಸಂಪ್ರದಾಯದ ವಾಸ್ತುಶಿಲ್ಪಗಳನ್ನು ನಾವಿಲ್ಲಿ ಕಾಣಬಹುದು. ನಿರ್ಮಾಣಕ್ಕಾಗಿ ಹಲವಾರು ವರ್ಷಗಳನ್ನು ತೆಗೆದುಕೊಂಡ ಈ ಚರ್ಚ್, ಇಂದು ನಮ್ಮ ಮುಂದೆ ಹೀಗೆ ಕಾಣಲು ಹಲವಾರು ಶ್ರಮಜೀವಿಗಳು ಕಾರಣರಾಗಿದ್ದಾರೆ. ಅಲ್ಲದೆ ಭಾರತದಲ್ಲಿರುವ ಇಂಡೋ-ಗಾಥಿಕ್ ವಾಸ್ತುಶೈಲಿಯ ಕೆಲವೆ ಕೆಲವು ಚರ್ಚ್ ಗಳಲ್ಲಿ ಇದು ಒಂದಾಗಿದೆ. ಏಶಿಯಾದ ಮೂರನೆ ದೊಡ್ಡ, ಭಾರತದ ಅತಿದೊಡ್ಡ ಚರ್ಚ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಈ ಚರ್ಚ್ ಸುಮಾರು 25,000 ಚ.ಅಡಿಗಳಷ್ಟು ವ್ಯಾಪಿಸಿದೆ.
ಆಧ್ಯಾತ್ಮಿಕತೆಯ ಸೆಲೆಯಾಗಿರುವ ಈ ಚರ್ಚ್ ಪ್ರಾಪಂಚಿಕ ಮತ್ತು ಅತೀಂದ್ರಿಯ ಪ್ರಜ್ಞೆಗಳೆರಡನ್ನು ಎಚ್ಚರಗೊಳಿಸುವಂತಹ ಶಕ್ತಿಯನ್ನು ಹೊಂದಿದೆ ಎಂದು ನಂಬಲಾಗಿದೆ.