ತೌಬಲ್ ನಲ್ಲಿ ಹಲವು ನದಿ ಹಾಗೂ ಜಲಾಶಯಗಳಿವೆ. ಇದರಲ್ಲಿ ಪ್ರಮುಖವಾಗಿರುವುದು ಇಂಫಾಲ್ ಮತ್ತು ತೌಬಲ್. ಈ ಎರಡು ನದಿಗಳು, ಜಿಲ್ಲೆಯ ಹಲವಾರು ಹಳ್ಳಿಗಳಿಗೆ ಜೀವನಾಳಗಳಾಗಿವೆ ಹಾಗೂ ಇಲ್ಲಿನ ಪ್ರಕೃತಿ ಸೌಂದರ್ಯವನ್ನು ವೃದ್ಧಿಸುತ್ತವೆ.
ಇಲ್ಲಿನ ಜಲಾಶಯಗಳಲ್ಲಿ ಪ್ರಮುಖವಾದುವುಗಳು - ಇಕೊಪ್ ಜಲಾಶಯ, ಲೌಸಿ ಜಲಾಶಯ, ಪುಮ್ಲೆನ್ ಜಲಾಶಯ ಹಾಗೂ ವೈತೌ ಜಲಾಶಯ. ಇವುಗಳಲ್ಲಿ ಇಕೊಪ್ ಜಲಾಶಯ ಹಾಗೂ ಅದರ ಸುತ್ತಲಿನ ಸಮೃದ್ಧ ಭೂಮಿಯು ಇಲ್ಲಿಗೆ ಬಹಳಷ್ಟು ಪ್ರವಾಸಿಗರನ್ನು ಸೆಳೆಯುತ್ತವೆ. ಲೌಸಿ ಜಲಾಶಯ ಭೂವಿಜ್ಞಾನಿಗಳ ಪ್ರಿಯ ತಾಣವಾಗಿದೆ. 18 ಚ.ಕಿ ವಿಸ್ತಾರ ಹೊಂದಿರುವ ಈ ಜಲಾಶಯದ ನೀರನ್ನು ಸ್ಥಳೀಯರು ಕುಡಿಯಲು ಬಳಸುತ್ತಾರೆ.
ಪುಮ್ಲೆನ್ ಜಲಾಶಯ ಅಥವಾ ಪುಮ್ಲೆನ್ ಪತ್ ಒಂದು ಶುದ್ಧನೀರಿನ ಜಲಾಶಯ. ಇಲ್ಲಿನ ಪ್ರಮುಖ ಆಕರ್ಷಣೆಯೆಂದರೆ, ಪ್ಹುಮ್ಡಿ ಅಥವಾ ತೇಲಾಡುವ ಕೊಳೆತ ಗಿಡಗಳು.