ತಿರುವನಂತಪುರಂ ಮುಖಾಂತರ ಕರಮಣ ನದಿ ಪ್ರವಹಿಸುತ್ತದೆ. ಈ ನದಿಯ ಮೂಲ ಸ್ಥಾನ ಅಗಸ್ತ್ಯರಕೂಡಂ ಶಿಖರ. ಪಶ್ಚಿಮ ಘಟ್ಟದ ದಕ್ಷಿಣ ಭಾಗದಲ್ಲಿ ಈ ಶಿಖರವಿದೆ. ನದಿ ಪನತ್ತುರ (Panatthura) ಎಂಬ ಪ್ರದೇಶದಲ್ಲಿ ಪಶ್ಚಿಮಾಭಿಮುಖವಾಗಿ ಕೊವಲಂ ಬಳಿ 68 ಕಿಮೀ ದೂರವನ್ನು ಆವರಿಸಿದ್ದು, ನಂತರ ಅರೇಬಿಯನ್ ಸಮುದ್ರಕ್ಕೆ ಸೇರುತ್ತದೆ. ತಿರುವನಂತಪುರಂ ನ ಉಪನಗರವಾದ ಕರಮಣದ ಮೂಲಕ ಈ ನದಿ ಹರಿಯುವುದರಿಂದ ಇದಕ್ಕೆ ಈ ನಗರದ ಹೆಸರಿಡಲಾಗಿದೆ.
ಈ ಕರಮಣ ನದಿ ಉಳಿದ ನದಿಗಳಿಗೆ ಹೋಲಿಕೆ ಮಾಡಿದರೆ ಅಷ್ಟೇನು ಉದ್ದವನ್ನು ಹೊಂದಿಲ್ಲ. ಇದರಲ್ಲಿ ಎರಡು ಅಣೆಕಟ್ಟನ್ನು ಕಟ್ಟಲಾಗಿದೆ. ಈ ಅಣೆಕಟ್ಟುಗಳನ್ನು ಪೆಪ್ಪರಾ ಅಣೆಕಟ್ಟು ಮತ್ತು ಅರುವಿಕರಾ ಅಣೆಕಟ್ಟೆಂದು ಹೆಸರಿಸಲಾಗಿದೆ. ಈ ಎರಡೂ ಅಣೆಕಟ್ಟನ್ನು ಬೇರೆ-ಬೇರೆ ಉದ್ದೇಶಕ್ಕೆ ಕಟ್ಟಲಾಗಿದೆ. ಪೆಪ್ಪರಾ ಅಣೆಕಟ್ಟನ್ನು ನದಿಯ ಮೇಲ್ಭಾಗದಲ್ಲಿ ಕಟ್ಟಲಾಗಿದ್ದು ವ್ಯವಸ್ಯಾಯದ ಉದ್ದೇಶಕ್ಕೆ ಕಟ್ಟಲಾಗಿದೆ. ಇದರಿಂದ ಇಲ್ಲಿನ ಸ್ಥಳೀಯರಿಗೆ ಸಾಕಷ್ಟು ನೀರಾವರಿ ನೀರು ದೊರೆಯುತ್ತದೆ. ಅರುವಿಕರಾ ಅಣೆಕಟ್ಟನ್ನು ಆ ಭಾಗದ ಜನರಿಗೆ ನೀರು ಸರಬರಾಜು ಮಾಡಲು ಕಟ್ಟಲಾಗಿದೆ, ಇದರ ನೀರನ್ನು ವ್ಯವಸಾಯಕ್ಕೂ ಉಪಯೋಗಿಸಲಾಗುತ್ತದೆ. ಈ ನದಿಯಲ್ಲಿ ಅನೇಕ ಸೇತುವೆಗಳನ್ನು ಕಟ್ಟಲಾಗಿದೆ.
ಈ ಕರಮಣ ನದಿ ತೀರದಲ್ಲಿ ಸ್ವಸ್ಛಂದವಾದ ನೀಲ ನೀರನ್ನು ನೋಡುತ್ತಾ, ಚಿಕ್ಕದಾದ ಮರಳಿನ ದಂಡೆಯ ಮೇಲೆ ನಡೆಯುತ್ತಾ ಪ್ರಕೃತಿಯ ಸೌಂದರ್ಯವನ್ನು ಸವೆಯಬಹುದು. ನಿಮ್ಮ ಪ್ರವಾಸದ ಮಜವನ್ನು ಪಡೆಯಬೇಕೆಂದಿದ್ದರೆ ಕರಮಣ ತೀರಕ್ಕೊಮ್ಮೆ ಬರಲೇ ಬೇಕು!