ಭದ್ರಕಾಳಿಯಮ್ಮನ್ ದೇವಾಲಯವು ತಿರುನಲ್ಲಾರಿನಲ್ಲಷ್ಟೇ ಅಲ್ಲದೆ ಇಡೀ ತಮಿಳು ನಾಡು ರಾಜ್ಯದಲ್ಲಿಯೇ ಅತ್ಯಂತ ಶಕ್ತಿ ಶಾಲಿ ದೇವಾಲಯವಾಗಿ ಗುರುತಿಸಿಕೊಂಡಿದೆ. ಈ ದೇವಾಲಯವು ಪಾಂಡೀಚೆರಿಯಲ್ಲಿದ್ದರೂ ಸಹ ತಮಿಳುನಾಡಿನ ಮೂಲೆ ಮೂಲೆಗಳಿಂದ ಭಕ್ತಾಧಿಗಳು ಈ ಅಮ್ಮನವರ ದರ್ಶನಕ್ಕೆ ಬರುತ್ತಾರೆ.
ಈ ದೇವಾಲಯದಲ್ಲಿ ಪ್ರತಿಷ್ಠಾಪಿಸಲಾಗಿರುವ ದೇವಿಯು ಚತುರ್ಭುಜಿಯಾಗಿದ್ದು, ಟೆರ್ರಾಕೋಟಾದಿಂದ ಅವುಗಳನ್ನು ನಿರ್ಮಿಸಲಾಗಿದೆ. ಇದು ಉತ್ತರಾಭಿಮುಖವಾಗಿ ನಿಂತಿದೆ. ಇಲ್ಲಿಗೆ ಆಗಮಿಸುವ ಮಹಿಳಾ ಭಕ್ತರು ಶಕ್ತಿಯ ಪ್ರತಿರೂಪವಾದ ಈ ದೇವಿಗೆ ಹರಕೆಗಳನ್ನು ಸಲ್ಲಿಸುತ್ತಾರೆ. ಈ ಹರಕೆಯು ತೀರಿದ ನಂತರ ಇವರು ಬೆಲೆ ಬಾಳುವ ಆಭರಣಗಳನ್ನು ಈ ದೇವಿಗೆ ಅರ್ಪಿಸುತ್ತಾರೆ.
ಈ ದೇವಾಲಯವು ಕಾರೈಕಾಲ್ನಿಂದ ಹದಿನೈದು ಕಿಲೋ ಮೀಟರ್ ಗಳಷ್ಟು ದೂರದಲ್ಲಿದೆ. ಮೇ ಮತ್ತು ಜೂನ್ ತಿಂಗಳಿನಲ್ಲಿ ಇಲ್ಲಿನ ದೇವಾಲಯದ ಆಡಳಿತ ಮಂಡಳಿಯವರು ದೇವಿಯ ಹೆಸರಿನಲ್ಲಿ ಒಂದು ಪ್ರಸಿದ್ಧ ಉತ್ಸವವನ್ನು ಆಚರಿಸುತ್ತಾರೆ. ಈ ದೇವಾಲಯವನ್ನು ಅಂಬಗರತೂರ್ ಕಾಳಿಯಮ್ಮನ್ ಎಂದೂ ಸಹ ಕರೆಯುತ್ತಾರೆ.