ಠಾಣೆಯ ಜಿಲ್ಲೆಯ ಅತ್ಯಂತ ಪ್ರಸಿದ್ಧ ಐತಿಹಾಸಿಕ ತಾಣಗಳಲ್ಲಿ ಒಂದೆನಿಸಿದೆ ಸುಧಾಗಡ್ ಕೋಟೆ. ಇದನ್ನು ಬೂರಾಪೆಗ್ಡ್ ಕೋಟೆ ಅಥವಾ ಬೂರಿಂಗಡ್ ಕೋಟೆ ಅಂತಲೂ ಕರೆಯುವುದುಂಟು.
ಈ ಕೋಟೆ ಅತ್ಯಂತ ಪುರಾತನವಾಗಿದ್ದು, ಎರಡನೇ ಶತಮಾನದ ಸಂದರ್ಭದ್ದು ಎಂದು ಹೇಳಲಾಗುತ್ತದೆ. ಇದನ್ನು 1436 ರಲ್ಲಿ ಬಹುಮನಿ ಸುಲ್ತಾನರು ಆಕ್ರಮಿಸಿಕೊಂಡರು. ಆಮೇಲೆ 1650 ರ ಹೊತ್ತಿಗೆ ಮರಾಠರು ಇಲ್ಲಿ ತಮ್ಮ ಪ್ರಭುತ್ವ ಸಾಧಿಸಿದರು ಎನ್ನಲಾಗುತ್ತದೆ. ನಂತರ ಬಾಹೋರ್ನ ಪಂಟಸಚಿವರು ಆಕ್ರಮಿಸಿದರು. ಇದು ಬಹುಕಾಲ ಉಳಿಯಲಿಲ್ಲ. ಏಕೆಂದರೆ 1818 ರ ಹೊತ್ತಿಗೆ ಬ್ರಿಟಿಷರು ಈ ಭಾಗವನ್ನು ತಮ್ಮ ವಶಕ್ಕೆ ಪಡೆದುಕೊಂಡರು.
ಸುಧಾಗಡ್ ಕೋಟೆಯು ಭೂರಿಂಗಡ ಕೋಟೆ ಎಂದು ಸಹ ಗುರುತಿಸಿಕೊಂಡಿದೆ. ಅದ್ಹೇಗೆಂದರೆ ಇಲ್ಲೊಂದು ಭೂರಾಯ್ದೇವಿ ದೇವಾಲಯವಿದೆ. ಈ ದೇಗುಲವನ್ನು ದೇವಿ ಭೂರಾಯ್ದೇವಿಗಾಯೇ ನಿರ್ಮಿಸಲಾಗಿತ್ತು. ಇದರಿಂದಲೂ ಕೋಟೆಗೆ ಈ ಹೆಸರು ಬಂದಿದೆ ಎನ್ನಲಾಗುತ್ತದೆ. ಪ್ರಸ್ತುತ ಇದು ಮಹಾರಾಷ್ಟ್ರ ರಾಜ್ಯದ ಅತ್ಯಂತ ಪ್ರಸಿದ್ಧ ಟ್ರೆಕ್ಕಿಂಗ್ ತಾಣವಾಗಿ ಅಭಿವೃದ್ಧಿ ಹೊಂದಿದೆ. ಅಲ್ಲದೆ, ಈ ಕೋಟೆ ಸುತ್ತ ಅತ್ಯಂತ ದಟ್ಟ ಹಸಿರಿನ ವಾತಾವರಣವಿದೆ. ಕೆಲ ಗುಡ್ಡಗಳು, ಎರಡು ಸುಂದರ ಕೆರೆ, ದೇವಾಲಯ, ಮನೆಗಳಿವೆ. ಈ ಕೋಟೆಯ ಪ್ರವೇಶಕ್ಕೆ ಮೂರು ಪ್ರತ್ಯೇಕ ದ್ವಾರಗಳಿವೆ. ಇವುಗಳಲ್ಲಿ ಮಹಾದ್ವಾರವು ಉಳಿದರೆಡಕ್ಕಿಂತ ದೊಡ್ಡದಾಗಿದೆ.