ಪ್ರವಾಸಿಗರಿಗೆ ಸಮಯಾವಕಾಶವಿದ್ದರೆ, ಭೇಟಿ  ಕೊಡಲು ಶಿಫಾರಸು ಮಾಡುವ ಸ್ಥಳವೆಂದರೆ ಕಿಗ್ಗ ಹಳ್ಳಿ. ಇದು ಶೃಂಗೇರಿ ಇಂದ ಸುಮಾರು 10 ಕಿಲೋಮೀಟರು ದೂರದಲ್ಲಿದೆ. ಈ ಹಳ್ಳಿ ತನ್ನ ಪ್ರಕೃತಿದತ್ತ ಸುಂದರ ಭೌಗೋಳಿಕ ರಚನೆ ಮತ್ತು ನರಸಿಂಹ ಪರ್ವತ ತುದಿಯ ಕಡೆಗೆ ಚಾಚಿರುವ ಚಾರಣದ ಹಾದಿಯಿಂದ ಮನೆಮಾತಾಗಿದೆ. ಸಂತ ರಿಷ್ಯ ಶೃಂಗ ರಿಗೆ ಅರ್ಪಿತವಾಗಿರುವ  ಒಂದು ಪುರಾತನ ದೇವಾಲಯ 'ಕಿಗ್ಗ' ದ  ಪ್ರಮುಖ ಪ್ರವಾಸಿ ಆಕರ್ಷಣೆ.ಇಲ್ಲಿಗೆ ತಲುಪುತಿದ್ದ ಹಾಗಯೇ, ಪ್ರವಾಸಿಗರಿಗೆ ತಲೆಯಮೇಲೆ ಕೋಡು ಇರುವ ಸುಮಾರು 4 ರಿಂದ 5 ಅಡಿ ಎತ್ತರವಿರುವ ಶಿವಲಿಂಗ ಕಾಣಸಿಗುತ್ತದೆ. ಬೆಟ್ಟ ಹತ್ತುವ, ಚಾರಣಮಾಡುವ, ನಡೆದಾಡುವ ಹವ್ಯಾಸವಿರುವ ಪ್ರವಾಸಿಗರಿಗೆ ಕಿಗ್ಗ ಹೇಳಿ ಮಾಡಿಸಿದ ತಾಣ. ಪ್ರವಾಸಿಗರು ಈ ಹಳ್ಳಿಯಲ್ಲೇ ಇರುವ ಋಷಿ ವಶಿಷ್ಠ ಆಶ್ರಮ ಹಾಗು ಸಿರಿಮನೆ ಜಲಪಾತಕ್ಕೆ ಕೂಡ ಭೇಟಿ  ಕೊಡಬಹುದು.