ಶ್ರವಣಬೆಳಗೊಳಕ್ಕೆ ಹೋಗುವ ಪ್ರವಾಸಿಗರು ಅಕ್ಕನಬಸದಿಯನ್ನು ನೋಡಲೇಬೇಕು. ಈ ಪುಣ್ಯಕ್ಷೇತ್ರವು ಚಂದ್ರಮೌಳಿಯ (ಹೊಯ್ಸಳ ರಾಜ ಎರಡನೇ ಬಲ್ಲಾಳನ ಬ್ರಾಹ್ಮಣ ಮಂತ್ರಿ) ಪತ್ನಿಯಾದ ಅಚ್ಚಯ್ಯಕ್ಕನಿಂದ 1121ರಲ್ಲಿ ನಿರ್ಮಿಸಲ್ಪಟ್ಟಿತು. ಹೊಳೆಯುವ ಕಲ್ಲನ್ನು ಉಪಯೋಗಿಸಿ ನಿರ್ಮಿಸಲ್ಪಟ್ಟ ಈ ದೇವಸ್ಥಾನವು ಹೊಯ್ಸಳ ವಾಸ್ತುಶಿಲ್ಪವನ್ನು ಮತ್ತು ಶಿಲ್ಪಾಕೃತಿ ಶೈಲಿಯನ್ನು ಹೊಂದಿದೆ.ಅಕ್ಕನಬಸದಿ ದೇಗುಲದ ಪ್ರಮುಖ ಆಕರ್ಷಣೆಯೆಂದರೆ, 5 ಅಡಿ ಎತ್ತರದ ಪಾರ್ಶ್ವನಾಥ ಮೂರ್ತಿ. ಇದರ ಹೊರತಾಗಿ, ದೇವಸ್ಥಾನವು ಗರ್ಭಗೃಹ, ಸುಕನಾಸಿ, ಗೋಪುರ ಮತ್ತು ಸಭಾ ಮಂಟಪವನ್ನು ಹೊಂದಿದೆ. ದೇವಸ್ಥಾನವನ್ನು ತಲುಪುವ ಮೊದಲು ಭಕ್ತರು ಸುಂದರವಾಗಿ ಕೆತ್ತಲಾದ ಯಕ್ಷ ಧರಣೇಂದ್ರ ಮತ್ತು ಯಕ್ಷಿ ಪದ್ಮಾವತಿ ದೇವರುಗಳನ್ನೂ ಕೂಡಾ ನೋಡಬಹುದು.