ಶಿವ ದ್ವಾರದ ದೇವಾಲಯ ಉತ್ತರಪ್ರದೇಶದಲ್ಲಿನ ಶಿವದ್ವಾರದ ಗೋರ್ವಾಲ್ ರಸ್ತೆಯಿಂದ 10 ಕಿ.ಮೀ ದೂರವಿದ್ದು, ರಾಬರ್ಟ್ಸ್ ಗಂಜ್ ನ ಪಶ್ಚಿಮಕ್ಕೆ ಸುಮಾರು 40 ಕಿ.ಮೀ ಅಂತರದಲ್ಲಿದೆ. ಈ ದೊಡ್ಡ ದೇವಾಲಯದಲ್ಲಿ ಶಿವ ಮತ್ತು ಅವನ ಪತ್ನಿಯಾದ ದೇವತೆ ಪಾರ್ವತಿಯನ್ನು ಪೂಜಿಸಲಾಗುತ್ತದೆ. ದೇವಾಲಯದ ಗರ್ಭಗುಡಿ ಶಿವ ಪಾರ್ವತಿಯ 11 ನೇ ಶತಮಾನದ ಒಂದು ಕಪ್ಪು ವಿಗ್ರಹಕ್ಕೆ ಜನಪ್ರಿಯವಾಗಿದೆ. ಮೂರು ಅಡಿ ಎತ್ತರದ ವಿಗ್ರಹವನ್ನು ಸೃಜನ್ ಮುದ್ರೆ- ಸೃಜನಶೀಲ ಭಂಗಿಯಲ್ಲಿ ನಿರ್ಮಿಸಲಾಗಿದೆ. ದೇವಸ್ಥಾನವು ಆ ಕಾಲದ ಬಾರಿ ಕಲೆಗಾರಿಕೆಗೆ ಸಾಕ್ಷ್ಯವನ್ನೊದಗಿಸುವ ಕಲೆಯ ಭವ್ಯವಾದ ಕೃತಿ. ಇದು ಆರ್ಥಿಕ ಮೌಲ್ಯದ ವಿಷಯದಲ್ಲಿ ಬಹಳ ಅಮೂಲ್ಯವಾಗಿದೆ.
ದೇವಸ್ಥಾನವು ಈ ಪ್ರದೇಶದ ಭಕ್ತಾದಿಗಳಿಂದ ಪೂಜಿಸಲ್ಪಡುತ್ತಿದೆ. ಪ್ರದೇಶದ ನಿವಾಸಿಗಳ ನಡುವೆ ಅದರ ಹೆಚ್ಚಿನ ಧಾರ್ಮಿಕ ಮಹತ್ವದಿಂದಾಗಿ ಎರಡನೇ ಕಾಶಿ ದೇವಸ್ಥಾನ ಎಂದು ಪರಿಗಣಿಸಲಾಗಿದೆ. ದೇವಾಲಯವು ವಿವಿಧ ದೇವ ಮತ್ತು ದೇವತೆಗಳ ಕಪ್ಪು ಕಲ್ಲಿನ ವಿಗ್ರಹಗಳ ನೆಲೆಯಾಗಿದೆ. ಈ ದೇವಾಲಯ, ಶ್ರಾವಣ ತಿಂಗಳಲ್ಲಿ ಅದರಲ್ಲೂ ವಿಶೇಷವಾಗಿ ಸೋಮವಾರದಂದು ಶಿವ ರಾತ್ರಿ ಹಬ್ಬದ ಸಂದರ್ಭದಲ್ಲಿ ಭಕ್ತರನ್ನು ದೊಡ್ಡ ಸಂಖ್ಯೆಯಲ್ಲಿ ಸೆಳೆಯುತ್ತದೆ ಮತ್ತು ಕಣ್ವರಿಯರು ಈ ದೇವಸ್ಥಾನದಲ್ಲಿಯೇ ಪವಿತ್ರ ತೀರ್ಥವನ್ನು ಪಡೆದು ತಮ್ಮ ಭಕ್ತಿ ಪ್ರಯಾಣ ವನ್ನು ಕೊನೆಗೊಳಿಸುತ್ತಾರೆ.