ಧಾರ್ಮಿಕ ದೇವಾಲಯಗಳ ಸಮೂಹವನ್ನು ಒಳಗೊಂಡ ಹಳ್ಳಿ ಕರ್ಮಲಾ. ಭಾರ್ಶಿ ಹಾಗೂ ಮಂಗಲವಾಡಾವನ್ನು ಇದು ಒಳಗೊಂಡಿದೆ. ಈ ಮೂರು ಸ್ಥಳಗಳು ಐತಿಹಾಸಿಕವಾಗಿ ಅತ್ಯಂತ ಹೆಸರುವಾಸಿ. ಅನೇಕ ಸಂತರು ಇಲ್ಲಿ ಆಗಿ ಹೋಗಿದ್ದಾರೆ. ಇವರ ಅಸ್ಥಿತ್ವದ ಮೂಲಕ ಇದೊಂದು ಧಾರ್ಮಿಕ ತಾಣವಾಗಿ ರೂಪುಗೊಂಡಿದೆ.
ಇಲ್ಲಿನ ದೇವಾಲಯಗಳು ಅತ್ಯಂತ ವಿಶಿಷ್ಟ ವಾಸ್ತುಶಿಲ್ಪವನ್ನು ಒಳಗೊಂಡಿವೆ. ಇಲ್ಲೊಂದು ದೇವಾಲಯವು 96 ರ ಸಂಖ್ಯೆಯಲ್ಲಿ ಸಿದ್ಧವಾಗಿದೆ. ಈ ದೇವಾಲಯದ ಕಂಬಗಳು 96, ಅಳವಡಿಸಿರುವ ಚಿತ್ರಗಳು 96. ದೇವಾಲಯವನ್ನೇರುವ ಮೆಟ್ಟಿಲು ಕೂಡ 96 ಆಗಿದೆ. ಇಲ್ಲಿನ ಕಮಲಾ ಭವಾನಿ ದೇವಾಲಯವು ಕರ್ಮಲಾದಲ್ಲಿಯೆ ಇರುವ ಸಾಕಷ್ಟು ದೇವಾಲಯಗಳಲ್ಲಿ ಅತ್ಯಂತ ಪ್ರಸಿದ್ಧ ದೇಗುಲ ಎನಿಸಿದೆ. ಇದನ್ನು 1727ರಲ್ಲಿ ನಿರ್ಮಿಸಲಾಗಿದೆ. ರಾವ್ ರಾಜೇ ನಿಂಬಾಳ್ಕರ್ ಈ ದೇವಾಲಯವನ್ನು ದೇವಿ ಕಮಲಾದೇವಿಗಾಗಿ ನಿರ್ಮಿಸಿದ. ಈ ದೇವಾಲಯವು ಹೇಮಾಂದಪತಿ ಶೈಲಿಯ ವಾಸ್ತುಶಿಲ್ಪ ಮಾದರಿಯನ್ನು ಹೊಂದಿದೆ.
ಇಲ್ಲಿ ನವರಾತ್ರಿ ಹಾಗೂ ಕಾರ್ತೀಕ ಪೂರ್ಣಿಮೆ ಸಂದರ್ಭದಲ್ಲಿ ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುತ್ತಾರೆ. ದೇವಿಯ ಆಶೀರ್ವಾದ ಪಡೆಯಲು ಎಲ್ಲೆಡೆಯಿಂದ ಜನ ಬರುತ್ತಾರೆ.