1907ರಲ್ಲಿ ನಿರ್ಮಾಣ ಹೊಂದಿದ ಸೋಲಾಪುರಿನಲ್ಲಿರುವ ಇಂದ್ರ ಭವನ ಒಂದು ವಾರಾಂತ್ಯ ಸಮಯ ಕಳೆಯಲು ಸುಪ್ರಸಿದ್ಧ ತಾಣ. ನಗರದ ಹೆಸರಾಂತ ಗಣ್ಯ ವ್ಯಕ್ತಿ ಅಪ್ಪಾಸಾಹೇಬ್ ವರದ್ ಅವರಿಂದ ನಿರ್ಮಿಸಲ್ಪಟ್ಟ ಈ ಕಟ್ಟಡ ತನ್ನ ಸೂಕ್ಷ್ಮ ಮತ್ತು ಅಷ್ಟೆ ಅಮೋಘವಾದ ಕಲಾತ್ಮಕತೆಯ ವಿನ್ಯಾಸಗಳಿಂದ ಜನರನ್ನು ಚುಂಬಕದಂತೆ ಸೆಳೆಯುತ್ತದೆ. ಮಕ್ಕಳಿಂದ ವೃದ್ಧರ ವರೆಗೂ ಎಲ್ಲ ವಯೋಮಾನದವರು ಸಮಯ ಕಳೆಯಲು ಇಷ್ಟಪಡುವ ತಾಣವಾಗಿದೆ ಈ ಇಂದ್ರಭವನ.
ಇದೊಂದು ಮೂರು ಮಹಡಿಯ ಕಟ್ಟಡವಾಗಿದ್ದು ಪ್ರಸ್ತುತ ಸೋಲಾಪುರ ನಗರಪಾಲಿಕೆಯ ಆಡಳಿತದಲ್ಲಿದೆ. ಈ ಆಕರ್ಷಣೀಯ ಕಟ್ಟಡವನ್ನು ವೀಕ್ಷಿಸುವವರು ಪ್ರತಿದಿನ ಬೆಳಗ್ಗೆ 11 ರಿಂದ ಸಂಜೆ 6 ರ ನಡುವಿನ ಅವಧಿಯಲ್ಲಿ ಭೇಟಿ ನೀಡಬಹುದು.