ಶಿರಸಿಗೆ ಹೋಗುವ ಪ್ರವಾಸಿಗರು ಸಮಯಾವಕಾಶ ದೊರೆತರೆ ಇಲ್ಲಿನ ಸಹಸ್ರಲಿಂಗಕ್ಕೆ ಒಮ್ಮೆ ಬೇಟಿಕೊಡಬಹುದು. ಇದು ಹೆಸರೆ ಸೂಚಿಸುವಂತೆ ಸಾವಿರಲಿಂಗವಿರುವ ಸ್ಥಳ. ಇದು ಶಿರಸಿಯಿಂದ 10 ಕಿ.ಮೀ ದೂರದಲ್ಲಿ ಅಸ್ತವ್ಯಸ್ತವಾಗಿರುವ ಕಾಡಿನ ಮಧ್ಯೆ ಹರಿಯುವ ಶಾಲ್ಮಲ ನದಿಯ ತೀರದಲ್ಲಿದೆ. ಈ ಸ್ಥಳಕ್ಕೆ ಮಹಾಶಿವರಾತ್ರಿಯಂತಹ ಹಬ್ಬದ ದಿನಗಳನ್ನು ಹೊರತುಪಡಿಸಿ ಬೇರೆ ದಿನಗಳಲ್ಲಿ ಬಹಳ ಜನರು ಬರುವುದಿಲ್ಲ.ಶಿವನನ್ನು ಆರಾಧಿಸುವ ಭಕ್ತಾಧಿಗಳು ಇಲ್ಲಿಗೆ ವರ್ಷಾಪೂರ್ತಿ ಪೂಜೆ ಪುನಸ್ಕಾರಗಳನ್ನು ಕೈಗೊಳ್ಳಲು ಬರುತ್ತಿರುತ್ತಾರೆ. ಪ್ರವಾಸಿಗರು ಪೂಜೆ ಪುನಸ್ಕಾರಗಳ ಹೊರತಾಗಿ ಹರಿಯುವ ನದಿ ನೀರಿನ ಮಧ್ಯೆ ಇರುವ ಕಲ್ಲುಗಳಲ್ಲಿ ಕೆತ್ತಲಾಗಿರುವ ಶಿವಲಿಂಗಗಳನ್ನು ಕಾಣುವ ಸಲುವಾಗಿಯಾದರು ಇಲ್ಲಿಗೆ ಭೇಟಿಕೊಡಬೇಕು. ಇಲ್ಲಿನ ಪ್ರತಿಶಿವಲಿಂಗವನ್ನು ಶಿವನ ವಾಹನವಾದ ನಂದಿಗೆ ಅಭಿಮುಖವಾಗಿ ಕೆತ್ತಲಾಗಿದೆ.