ಸಿರ್ಪುರ ಅಥವ ಶಿರ್ಪುರವನ್ನು ಶ್ರೀಮಂತ ನಗರವೆಂದು ಕೂಡ ಕರೆಯುತ್ತಾರೆ. ಈ ಪುರಾತನ ನಗರವು ಸಾಂಪ್ರದಾಯಿಕ ಮತ್ತು ಸಾಂಸ್ಕೃತಿಕ ಶ್ರೀಮಂತಿಕೆ ಮತ್ತು ಪುರಾತತ್ವ ಸ್ಮಾರಕಗಳಿಗೆ ಹೆಸರುವಾಸಿಯಾಗಿದೆ.
ಸಿರ್ಪುರದ ಸುತ್ತಮುತ್ತಲ ಪ್ರವಾಸಿ ತಾಣಗಳು
ಇಲ್ಲಿ ಹಲವು ಭವ್ಯವಾದ ಸ್ಮಾರಕಗಳಿವೆ. ಇಲ್ಲಿನ ಒಂದು ಪ್ರಮುಖ ಆಕರ್ಷಣೆ ಲಕ್ಷ್ಮಣ ದೇವಾಲಯ. ಇದು ಭಾರತದ ಅತ್ಯಂತ ಸುಂದರ ವಾಸ್ತುಶಿಲ್ಪ ದೇಗುಲಗಳಲ್ಲಿ ಒಂದು.ಈ ನಗರದಲ್ಲಿನ ಇನ್ನಿತರ ಪ್ರವಾಸಿ ಆಕರ್ಷಣೆಗಳೆಂದರೆ ಆನಂದ ಪ್ರಭು ಕುಡಿ ವಿಹಾರ್, ತುರ್ತುರಿಯ, ಬುದ್ಧ ವಿಹಾರ, ರಾಮ ದೇಗುಲ, ಬರ್ನಾವಪಾರ ವನ್ಯಜೀವಿಧಾಮ ಮತ್ತು ಗಂಧೇಶ್ವರ ದೇವಾಲಯ.
ಇತಿಹಾಸದ ಪುಟಗಳಲ್ಲಿ...
ಸಿರ್ಪುರವನ್ನು ಕ್ರಿಶ 5ನೆಯ ಶತಮಾನದಲ್ಲಿ ಕಟ್ಟಲಾಗಿದೆ. 6 ರಿಂದ 10ನೆಯ ಶತಮಾನದವರೆಗೆ ಇದು ಪ್ರಮುಖ ಬೌದ್ಧ ಯಾತ್ರಾಕೇಂದ್ರವಾಗಿತ್ತು. 12ನೆಯ ಶತಮಾನದಲ್ಲಿ ಇಲ್ಲಿ ಉಂಟಾದ ಭೂಕಂಪದಲ್ಲಿ ಇಡೀ ನಗರವು ಅವಶೇಷಗಳಡಿಯಲ್ಲಿ ಸಮಾಧಿಯಾಯಿತು. ಇಂದು ಈ ಅವಶೇಷಗಳು ಭವ್ಯ ಇತಿಹಾಸದ ನೆನಪಾಗಿ ಉಳಿದಿದೆ.
ಹೋಗುವುದು ಹೇಗೆ?
ಸಿರ್ಪುರವು ರಾಜ್ಯದ ಉಳಿದ ಮುಖ್ಯ ನಗರಗಳೊಂದಿಗೆ ಉತ್ತಮ ಸಂಪರ್ಕ ಹೊಂದಿದೆ. ಇಲ್ಲಿಗೆ ಸಮೀಪದ ವಿಮಾನ ನಿಲ್ದಾಣ ರಾಜಪುರದಲ್ಲಿದೆ.