ಸಿಂಕ್ವೇರಿಮ್ ಬೀಚ್ ಲವಲವಿಕೆ ಮತ್ತು ಉತ್ಸಾಹಕ್ಕೆ ಹತ್ತಿರವಾಗಿದ್ದರೂ ಸಹ ಶಾಂತತೆಯನ್ನು ಕಾಪಾಡಿಕೊಂಡು ಪರಿಶುದ್ಧವಾದ ಅನುಭವವನ್ನು ಒದಗಿಸುವುದರಲ್ಲಿ ಯಶಸ್ವಿಯಾಗಿದೆ. ಪಣಜಿಯಿಂದ ಕೇವಲ 13 ಕಿ.ಮೀ ದೂರದಲ್ಲಿರುವ ಈ ಬೀಚ್, ಉತ್ತರ ಗೋವಾದ ಕ್ಯಾಂಡೋಲಿಮ್ ನಂತಹ ಪಾರ್ಟಿ ತಾಣಗಳಿಂದ ಮಾರಳತೆ ದೂರದಲ್ಲಿದೆ.ಶಾಂತತೆಯಿಂದ ಕೂಡಿರುವ ಈ ಕಡಲ ತೀರದಲ್ಲಿ ಕಡಿಮೆ ಪ್ರಮಾಣದಲ್ಲಿ ಜಲಕ್ರೀಡೆಗಳಿರುವುದನ್ನು ಗಮನಿಸಬಹುದು. ಶ್ಯಾಕ್ ಗಳು ಲಭ್ಯವಿದ್ದು ಕಡಿಮೆ ದರದಲ್ಲಿ ಡ್ರಿಂಕ್ಸ್ ಮತ್ತು ಗೋವನ್ ಊಟವನ್ನು ಸವಿಯಬಹುದು.
ಇಲ್ಲಿಂದ ಕೇವಲ ಎರಡೇ ಕಿ.ಮೀ ದೂರದಲ್ಲಿರುವ ಅರ್ವಲಮ್ ಜಲಪಾತವು ಒಂದು ಒಳ್ಳೆಯ ಪಿಕ್ನಿಕ್ ತಾಣವಾಗಿದೆ. ಇಲ್ಲಿ ಶುದ್ಧವಾದ ಗುಡ್ಡದ ನೀರು 50 ಮೀ ಎತ್ತರದಿಂದ ಕೆಳಬೀಳುತ್ತದೆ. ಈ ಜಲಪಾತದ ಹತ್ತಿರದಲ್ಲಿ, ಧಾರ್ಮಿಕ ಯಾತ್ರಿಕರಿಗಾಗಿ ರುದ್ರೇಶ್ವರ ದೇವಸ್ಥಾನವಿದೆ. ಪಕ್ಕದಲ್ಲಿರುವ ಅರ್ವಲಮ್ ಗುಹೆಗಳೂ ಕೂಡ ಅನ್ವೇಷಿಸಲು ಯೋಗ್ಯವಾಗಿವೆ.ಕ್ಯಾಂಡೋಲಿಮ್ ನಿಂದ ಟ್ಯಾಕ್ಸಿ ಅಥವಾ ರಿಕ್ಷಾಗಳ ಮೂಲಕ ಸಿಂಕ್ವೇರಿಮ್ ತಲುಪಬಹುದು. ಇನ್ನು ಪಣಜಿಯಿಂದ ಇಲ್ಲಿಗೆ ತಲುಪಲು ಬಸ್ಸು ಹಾಗು ಕ್ಯಾಬ್ ಗಳು ಲಭ್ಯವಿದ್ದು, ಬೇಕಾದರೆ ಬೈಕ್ ಗಳ ಮೂಲಕವು ಇದನ್ನು ತಲುಪಬಹುದು.