ಇಸ್ಕಾನ್ (ISKCON – ಇಂಟರ್ ನ್ಯಾಷನಲ್ ಸೊಸೈಟಿ ಫಾರ್ ಕೃಷ್ಣಾ ಕಾನ್ಶಿಯಸ್ನೆಸ್) ಕೃಷ್ಣನ ಬಗ್ಗೆ ಜಾಗೃತಿ ಮೂಡಿಸಲು ಇರುವ ಸಂಸ್ಥೆಯ ದೇವಾಲಯ ನಗರದ ಹೃದಯ ಭಾಗದಲ್ಲಿ ಅಂಬಿಕಾ ಪಟ್ಟಿ ಎಂಬಲ್ಲಿ ಇರುವ ದೇವಾಲಯವಾಗಿದೆ. ಇಲ್ಲಿ ಕೃಷ್ಣನ ಆರಾಧನೆ ನಡೆಯುತ್ತಿದ್ದು ಸ್ಥಳೀಯರು ಮತ್ತು ಹೊರ ರಾಜ್ಯದವರಲ್ಲಿ ಬಹಳ ಪ್ರಖ್ಯಾತವಾದ ದೇವಾಲಯವಾಗಿದೆ. ಈ ದೇವಾಲಯದಲ್ಲಿ ಗೌಡಿಯಾ ವೈಷ್ಣವ (ಚೈತನ್ಯ ಮಹಾಪ್ರಭು) ವಿನ ಮೂರ್ತಿಯ ಜೊತೆಗೆ ಕೃಷ್ಣ ಮತ್ತು ರಾಧೆಯ ಮೂರ್ತಿಗಳಿವೆ. ಸುಮಾರು 50 ಅಡಿಗಳಷ್ಟು ಎತ್ತರವಾಗಿರುವ ಈ ದೇವಾಲಯ ನಗರದ ಇತರ ನಿರ್ಮಾಣಗಳಿಗಿಂತ ಎತ್ತರವಾಗಿದೆ ಹಾಗೂ ವಾಸ್ತುಶಿಲ್ಪಕ್ಕೆ ಹೆಸರುವಾಸಿಯಾಗಿದೆ.
ಜನ್ಮಾಷ್ಟಮಿ ಮತ್ತು ದುರ್ಗಾ ಪೂಜೆಯ ಸಮಯದಲ್ಲಿ ಇಲ್ಲಿ ಭಕ್ತರ ಮಹಾಪೂರ ಹರಿದು ಬರುತ್ತದೆ. ಇಲ್ಲಿನ ದೇವಾಲಯದ ಪೂಜಾರಿಗಳು ದೈವ ಪೂಜೆಯ ಜೊತೆಗೆ ಇತರ ಸಾಮಾಜಿಕ ಕಳಕಳಿಯ ಕಾರ್ಯಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಪ್ರತಿದಿನ ಪ್ರಸಾದದ ರೂಪದಲ್ಲಿ ನೀಡಲಾಗುವ ಅನ್ನ ಸಂತರ್ಪಣೆ ಬಹಳ ಶುಚಿ ರುಚಿಯಾಗಿದ್ದು ಬಹಳ ಮಂದಿಗೆ ಭೋಜನವನ್ನು ಒದಗಿಸುತ್ತದೆ.