ಕಾಳಿಸಿಂಧ್ ನ ಪೂರ್ವಭಾಗದಲ್ಲಿ ನಾರವಾರ ಕೋಟೆ ಉಪಸ್ಥಿತವಿದೆ. ಶಿವಪುರಿಯಿಂದ 42 ಕಿ.ಮೀ. ದೂರದಲ್ಲಿರುವ ಈ ಕೋಟೆ ರಾಜರ ಕಾಲದ ಗಡಿಭಾಗವಾಗಿ ಅನೇಕ ಯುದ್ಧಗಳಿಗೆ ಸಾಕ್ಷಿಯಾಗಿದೆ. ಈ ಪಟ್ಟಣವು ಐತಿಹಾಸಿಕ ಮಹತ್ವ ಹೊಂದಿದ್ದು, 12ನೇ ಶತಮಾನದವರೆಗೆ ಇದನ್ನು ನಳಪುರ ಎಂದು ಕರೆಯಲಾಗುತ್ತಿತ್ತು. ಮಹಾಭಾರತ ಕಾವ್ಯದಲ್ಲಿ ಇದರ ಹೆಸರು ಉಲ್ಲೇಖಿಸಲಾಗಿದ್ದು, ಅದರಲ್ಲಿ ಬರುವ ನಳ ದಮಯಂತಿಯರ ಪ್ರೇಮ ಕಾವ್ಯದ ಕುರುಹಾಗಿ ಈ ಪ್ರದೇಶಕ್ಕೆ ರಾಜ ನಳನ ಹೆಸರು ಇಡಲಾಗಿದೆ.
ಸಮುದ್ರಮಟ್ಟದಿಂದ ಸುಮಾರು 500 ಅಡಿ ಎತ್ತರದ ಬೆಟ್ಟದ ಮೇಲೆ ಈ ಕೋಟೆ ನಿಂತಿದೆ. 8 ಚದರ ಕಿ.ಮೀ. ವಿಸ್ತೀರ್ಣ ಹೊಂದಿರುವ ಈ ಕೋಟೆ ಅತ್ಯಂತ ಶಕ್ತಿಶಾಲಿ ಸಾಮ್ರಾಜ್ಯದ ಇತಿಹಾಸವನ್ನು ಸಾರುತ್ತದೆ. ಕಾಲದ ಹೊಡೆತಕ್ಕೆ ಕೋಟೆ ಸಿಲುಕಿದರೂ ಕೋಟೆಯ ಶಿಲ್ಪಕಲೆಯ ಅಚ್ಚಳಿಯದೆ ಹಾಗೆಯೇ ಉಳಿದಿದೆ. ರಜಪೂತರ ಶೈಲಿಯ ಶಿಲ್ಪಕಲೆಯ ಪ್ರಭಾವ ಇಲ್ಲಿದೆ ಎಂಬುದಕ್ಕೆ ಕೋಟೆಯ ಮೇಲ್ಛಾವಣಿ ಮತ್ತು ಕಂಬಗಳೇ ಸಾಕ್ಷಿಯಾಗಿವೆ.