ಪುಟಾಣಿ ರೈಲು ಪ್ರಯಾಣವು ಶಿಮ್ಲಾದ ಪ್ರಸಿದ್ಧ ಆಕರ್ಷಣೆಗಳಲ್ಲಿ ಒಂದಾಗಿದೆ. ಇದನ್ನು ಲಾರ್ಡ್ ಕರ್ಜನ್ 1903ರಲ್ಲಿ ಪ್ರಾರಂಭಿಸಿದರು. ಈ ಪ್ರಸಿದ್ಧ ರೈಲು ಪ್ರಯಾಣದ ಮಾರ್ಗ ಮತ್ತು ರೈಲನ್ನು ಯುನೆಸ್ಕೊದ ವಿಶ್ವ ಪಾರಂಪರಿಕ ತಾಣವನ್ನಾಗಿ ಘೋಷಿಸಲಾಗಿದೆ. ಈ ಪ್ರಯಾಣವು ಕಲ್ಕದಿಂದ ಶಿಮ್ಲಾದವರೆಗಿನ 96 ಕಿ.ಮೀ ದೂರವನ್ನು ಒಳಗೊಂಡಿದೆ.
ಇದು ಸುಮಾರು 5 ಗಂಟೆಗಳ ಪ್ರಯಾಣವನ್ನು ಹೊಂದಿದೆ. ಈ ಪ್ರಯಾಣವು ನಯನ ಮನೋಹರವಾದ 103 ಸುರಂಗಗಳು ಮತ್ತು 800 ಸೇತುವೆಗಳನ್ನು ಹಾಗು ನಿಲುಗಡೆಗಳನ್ನು ಹಾದು ಹೋಗುತ್ತದೆ. ಪರ್ವತಗಳು, ಹಚ್ಚ ಹಸಿರಾದ ಕಣಿವೆಗಳು ಮತ್ತು ಪೈನ್, ಪೀರ್ ಮತ್ತು ದೇವದಾರು ಕಾಡುಗಳ ನಡುವೆ ಹಾದು ಹೋಗುವ ರೈಲು ನಿಮ್ಮ ಪ್ರಯಾಣವನ್ನು ಮರೆಯಲಾಗದ ಅನುಭವವನ್ನಾಗಿಸುತ್ತದೆ. ಈ ರೈಲು ಪರ್ವತಗಳ ಪ್ರದೇಶದಲ್ಲಿ ಚಲಿಸುವಾಗ ಅಲ್ಲಲ್ಲಿ ನಿಂತು ಪ್ರವಾಸಿಗರಿಗೆ ಅದ್ಭುತವಾದ ಛಾಯಾಚಿತ್ರಗಳನ್ನು ತೆಗೆದುಕೊಳ್ಳುವ ಅವಕಾಶವನ್ನು ಒದಗಿಸುತ್ತದೆ. ಈ ರೈಲಿನ ವೇಗವು ತುಂಬಾ ನಿಧಾನವಾಗಿರುತ್ತದೆ.
ಹಾಗಾಗಿ ನೀವು ಯಾವುದೇ ಅಡ್ಡಿಯಿಲ್ಲದೆ ಇಳಿದು ಸುಲಭವಾಗಿ ಹತ್ತಬಹುದು. ಈ ರೈಲು ಡೀಲಕ್ಸ್ ( ಡೀಲಕ್ಸ್ ಮೋಟಾರ್ ರೈಲ್ ಕಾರ್ ಮತ್ತು ಶಿವಾಲಿಕ್ ಡೀಲಕ್ಸ್ ಎಕ್ಸ್ ಪ್ರೆಸ್), ಸೂಪರ್ ಡೀಲಕ್ಸ್ ( ಶಿವಾಲಿಕ್ ಕ್ವೀನ್ ಟೂರಿಸ್ಟ್ ಕೋಚ್, ಶಿವಾಲಿಕ್ ಪ್ಯಾಲೆಸ್ ಟೂರಿಸ್ಟ್ ಕೋಚ್) ,ಮತ್ತು ನಿರಂತರ ಪ್ರಯಾಣಿಕರ ರೈಲುಗಳು ( ಕಲ್ಕ ಶಿಮ್ಲಾ ಎಕ್ಸ್ ಪ್ರೆಸ್ ಮತ್ತು ಹಿಮಾಲಯನ್ ಕ್ವೀನ್ ) ಕಲ್ಕದಿಂದ ಬೆಳಗ್ಗೆ ಶಿಮ್ಲಾದಿಂದ ಮಧ್ಯಾಹ್ನ ಹೊರಡುತ್ತವೆ.