ಗೈಯೆಟಿ ಪಾರಂಪರಿಕ ಸಾಂಸ್ಕೃತಿಕ ಸಂಕೀರ್ಣವು ವಿಕ್ಟೋರಿಯನ್ ಶೈಲಿಯಲ್ಲಿರುವ ಒಂದು ಸ್ಮಾರಕವಾಗಿದೆ. ಇದನ್ನು ಹೆನ್ರಿ ಇರ್ವಿನ್ ವಿನ್ಯಾಸಗೊಳಿಸಿದನು. ಈ ಸಾಂಸ್ಕೃತಿಕ ಸಂಕೀರ್ಣ ಮತ್ತು ಪುರಸಭೆಯನ್ನು 1887ರಲ್ಲಿ ನಿರ್ಮಿಸಲಾಯಿತು. ಈ ಕಟ್ಟಡವನ್ನು ಮೂಲ ವಿನ್ಯಾಸಕ್ಕೆ ಧಕ್ಕೆ ಬರದಂತೆ ನಿರ್ವಹಿಸಿಕೊಂಡು ಬರಲಾಗುತ್ತಿದೆ. ಈ ಸಂಕೀರ್ಣದ ಒಳಗಡೆ ಒಂದು ಕಲಾಶಾಲೆಯು ನೆಲೆಗೊಂಡಿದೆ. ಇದು ಸಾಂಪ್ರದಾಯಿಕವಾದ ಮತ್ತು ಆಧುನಿಕ ಕಲೆಯನ್ನು ವೀಕ್ಷಕರಿಗೆ ತೋರಿಸುತ್ತಿದೆ. ಈ ಸಂಕೀರ್ಣವು ಒಂದು ಬಯಲು ರಂಗಮಂದಿರವನ್ನು ಹೊಂದಿದ್ದು, ಹಲವಾರು ಸಾಂಸ್ಕೃತಿಕ ಚಟುವಟಿಕೆಗಳನ್ನು ಕೈಗೊಳ್ಳಲು ಅವಕಾಶವನ್ನು ನೀಡುತ್ತದೆ. ಒಂದು ಸಭಾಂಗಣ ಮತ್ತು ಹಳೆಯ ಥಿಯೇಟರ್ ಸಹ ಇಲ್ಲಿದೆ. ಈ ಹಳೆಯ ಥಿಯೇಟರ್ ನಗರದಲ್ಲಿ ನಡೆದ ಅನೇಕ ವಿಶೇಷ ಕಾರ್ಯಕ್ರಮಗಳಿಗೆ ಸಾಕ್ಷಿಯಾಗಿದೆ.