ಫತೇಹ್ಪೂರ್ ನಗರವು ಜೈಪುರ್ ಮತ್ತು ಬೀಕನೇರ್ ನಡುವೆ ಇರುವ ರಾಷ್ಟ್ರೀಯ ಹೆದ್ದಾರಿ 11 ರಲ್ಲಿ ಕಂಡು ಬರುತ್ತದೆ. ಇದು ರಾಜಸ್ಥಾನದಲ್ಲಿರುವ ಸಿಕರ್ ಜಿಲ್ಲೆಯಲ್ಲಿ ಇದೆ. ಫತೇಹ್ಪೂರ್ ನಗರವನ್ನು 15ನೇ ಶತಮಾನ ಮಧ್ಯ ಭಾಗದಲ್ಲಿ ಖಯಾಂಖಾನಿ ನವಾಬನಾದ ಫತೇಹ್ ಖಾನ್ ನಿರ್ಮಾಣ ಮಾಡಿದನು. ಈ ಪ್ರಾಂತ್ಯದಲ್ಲಿರುವ ಇತರ ಭಾಗಗಳಂತೆ ಫತೇಹ್ಪೂರ್ ಸಹ ವೈಭವೋಪೇತವಾದ ಹವೇಲಿಗಳಿಗೆ ಹೆಸರುವಾಸಿಯಾಗಿದೆ.ಇಲ್ಲಿರುವ ಇತರ ಹವೇಲಿಗಳಿಗಿಂತ 1865 ರಲ್ಲಿ ನಿರ್ಮಾಣಗೊಂಡಿರುವ ಗೋಯೆಂಕಾ ಹವೇಲಿಯು ತನ್ನಲ್ಲಿರುವ ವರ್ಣಚಿತ್ರಗಳಿಂದಾಗಿ ಅತ್ಯಂತ ಆಸಕ್ತಿದಾಯಕವಾದ ಹವೇಲಿಯಾಗಿದೆ. ಈ ಹವೇಲಿಯ ಛಾವಣಿಯಲ್ಲಿರುವ ಚಿತ್ರಕಲೆಯು ನಿಜಕ್ಕು ಕಣ್ಮನ ಸೂರೆಗೊಳ್ಳುತ್ತದೆ. ನಂದ್ ಲಾಲ್ ದೇವ್ರಾ, ಸರವ್ಗಿ ಮತ್ತು ಸಿಂಗಾನಿಯ ಹವೇಲಿಗಳು ಈ ಸ್ಥಳದಲ್ಲಿರುವ ಇನ್ನಿತರ ಐತಿಹಾಸಿಕ ಆಕರ್ಷಣೆಗಳಾಗಿವೆ.