ಕರ್ಟ್ಸೆ ಕಣಿವೆಯು ಕಾರ್ಗಿಲ್ನಲ್ಲಿ ನೆಲೆಸಿದ್ದು, ಸುರು ನದಿಯ ಪ್ರಮುಖ ಮೂಲವಾಗಿ ಕಾರ್ಯನಿರ್ವಹಿಸುತ್ತಿದೆ. ಈ ಕಣಿವೆಯು ಪೂರ್ವಾಭಿಮುಖವಾಗಿ ಹಬ್ಬಿರುವ ಪರ್ವತ ಶ್ರೇಣಿಗಳ ಕಡೆಗೆ ಸಾಗುತ್ತದೆ. ಇದರಲ್ಲಿ ಇಂದಿಗೂ ಹೊರಗಿನ ಸಂಪರ್ಕ ಸಾಧ್ಯವಿಲ್ಲದ ಹಲವು ಹಳ್ಳಿಗಳು ನೆಲೆಸಿವೆ ಎಂದು ಭಾವಿಸಲಾಗಿದೆ. ಅವುಗಳಲ್ಲಿ ಕರ್ಟ್ಸೆ - ಖಾರ್ ಎಂಬ ಜನಪ್ರಿಯ ಹಳ್ಳಿಯು ಒಂದಾಗಿದೆ. ಈ ಹಳ್ಳಿಯಲ್ಲಿ 7 ಮೀಟರ್ ಉದ್ದದ ಭವಿಷ್ಯದ ಬುದ್ಧನ ಕಲ್ಲಿನ ವಿಗ್ರಹವನ್ನು ನಾವು ಕಾಣಬಹುದು. ಈ ವಿಗ್ರಹವು 7 ಮತ್ತು 8ನೇ ಶತಮಾನದಲ್ಲಿ ಇಲ್ಲಿ ಬೌದ್ಧ ಧರ್ಮೀಯರು ನೆಲೆಸಿದ್ದರು ಎಂಬುದಕ್ಕೆ ಪುರಾವೆಯನ್ನು ಒದಗಿಸುತ್ತದೆ. ಅಷ್ಟೇ ಅಲ್ಲದೆ ಚಾರಣ ಮಾಡಲು ಬಯಸುವ ಸಾಹಸಿ ಮನೋಭಾವದವರಿಗೂ ಸಹ ಈ ಪ್ರದೇಶವು ಅತ್ಯಂತ ಸೂಕ್ತ ಸ್ಥಳವಾಗಿದೆ. ಸಂಕೂವಿನಿಂದ ಮುಲ್ಬೆಕ್ಗೆ ಸಾಗುವ 4 ದಿನದ ಚಾರಣವು ಕರ್ಟ್ಸೆ ಕಣಿವೆಯ ಅಂದ ಚಂದವನ್ನು ಪರಿಚಯಿಸುತ್ತದೆ.