ಸಮ್ಸಿಂಗ್, ಪಶ್ಚಿಮ ಬಂಗಾಳದ ಉತ್ತರದಲ್ಲಿರುವ ಚಹಾ ತೋಟಗಳಿರುವ ಪ್ರದೇಶದ ಪಟ್ಟಣಗಳಲ್ಲಿ ಒಂದು. ಈ ಭಾಗದಲ್ಲಿರುವ ಸಾಧಾರಣ ಎಲ್ಲಾ ಸಣ್ಣ ಪಟ್ಟಣಗಳೂ ಹಿಮಾಲಯದ ತಪ್ಪಲಗುಡ್ಡಗಳಾಗಿದ್ದು, ಅದರದ್ದೇ ಆದ ಸೌಂದರ್ಯವನ್ನು ಹೊಂದಿವೆ. ಸುತ್ತಲಿನ ವನರಾಶಿ, ಚಹಾ ತೋಟಗಳು ಹಾಗೂ ಅಲ್ಲಲ್ಲಿ ಕಾಣಸಿಗುವ ಹಿಮಾವೃತ ಪರ್ವತ ಶೃಂಗಗಳು ಈ ಸ್ಥಳವನ್ನು ಮನಮೋಹಕಗೊಳಿಸುತ್ತವೆ. ಸಮ್ಸಿಂಗ್ ನ ಹತ್ತಿರದಲ್ಲೆ ಅಪೂರ್ವ ಪಕ್ಷಿ ಹಾಗೂ ಪ್ರಾಣಿ ಸಂಕುಲತೆ ಹೊಂದಿದ ಕಾಡು ಪ್ರದೇಶವಿದೆ. ಇದು ನಿಯೋರ ವ್ಯಾಲಿ ನ್ಯಾಷನಲ್ ಪಾರ್ಕ್ ನಿಂದ ಸುಮಾರು 20 ಕಿಲೋಮೀಟರು ದೂರದಲ್ಲಿದೆ.

ಸಮ್ಸಿಂಗ್ ನ ಸುತ್ತಲಿನ ಆಕರ್ಷಣೆಗಳು

ಸಮ್ಸಿಂಗ್ ಪ್ರವಾಸೋದ್ಯಮವು ಡಾರ್ಜಿಲಿಂಗ್ ಹಾಗೂ ಸಿಲಿಗುರಿ ಗಿರಿಧಾಮಕ್ಕೆ ಭೇಟಿ ನೀಡುವ ಯಾತ್ರಿಗಳಿಂದ ಪ್ರಭಾವಿತವಾಗಿದೆ. ಈ ಗಿರಿಧಾಮಗಳು, ಸಮ್ಸಿಂಗ್ ಗೆ ಭೇಟಿ ನೀಡುವಾಗ ತಂಗಬಹುದಾದ ಶ್ರೇಷ್ಠ ನೆಲೆಗಳಾಗಿವೆ. ಸಮ್ಸಿಂಗ್ ಹಾಗೂ ನೇಪಾಳದ ಸಂಸ್ಕೃತಿಗೆ ಬಹಳ ನಿಕಟ ಸಂಬಂಧವಿದ್ದು, ಇಲ್ಲಿನ ಸಂಗೀತ, ನೃತ್ಯ ಹಾಗೂ ಸ್ಥಳೀಯ ಸಂಪ್ರದಾಯಗಳಲ್ಲಿ ಇದನ್ನು ಕಾಣಬಹುದಾಗಿದೆ. ಇಲ್ಲಿಗೆ ಭೇಟಿ ನೀಡುವಾಗ ದಾರಿಬದಿಯಲ್ಲಿ ತಯಾರಿಸಿ ಕೊಡುವ ಮೊಮೋ ಅಥವಾ ಒಂದು ಬಗೆಯ ಕಡುಬು ಅನ್ನು ಸವಿಯಲು ಮರೆಯದಿರಿ. ಸಮ್ಸಿಂಗ್ ನಿಂದ ಸಿಲಿಗುರಿ ಗೆ ಪ್ರಯಾಣ ಮಾಡುವಾಗ ದಾರಿಯಲ್ಲಿ ಸಿಗುವ ಇನ್ನೊಂದು ಜನಪ್ರಿಯ ತಾಣವಾದ ಚಾಲ್ಸ ಗೂ ಭೇಟಿ ನೀಡಬಹುದು.

ಸಮ್ಸಿಂಗ್ ಹವಾಮಾನ

ಸಮುದ್ರದಿಂದ ಸುಮಾರು 3000 ಅಡಿಗಳಿಗಿಂತಲೂ ಹೆಚ್ಚು ಎತ್ತರವಿರುವ ಸಂಸಿಂಗ್ ನ ಹವಾಮಾನ ಟ್ರೆಕ್ ಅಥವಾ ಹೈಕ್ ಮಾಡಲು ಶ್ರೇಷ್ಠವಾಗಿದೆ. ನಿಮಗೆ ಟ್ರೆಕಿಂಗ್ ಮಾಡುವುದು ತುಂಬಾ ಪ್ರಿಯವಾದರೆ, ನಿಯೋರ ವ್ಯಾಲಿ ನ್ಯಾಷನಲ್ ಪಾರ್ಕ್ ಗೆ ಭೇಟಿ ನೀಡಿ.

ಸ್ಥಳೀಯ ಸಮುದಾಯ

ಈ ಸಣ್ಣ ಪಟ್ಟಣದಲ್ಲಿ ಒಂದಕ್ಕೂ ಹೆಚ್ಚು ಧರ್ಮದ ಜನರು ವಾಸಿಸುತ್ತಿದ್ದು, ಇವರೆಲ್ಲರೂ ಇಲ್ಲಿನ ನೃತ್ಯ ವಿಧಗಳಾದ ಚುಟ್ಕಿ ಮುತ್ತು ಮರುನಿ ಯ ಬಗ್ಗೆ ಬಹಳ ಅಕ್ಕರೆ ಉಳ್ಳವರಾಗಿದ್ದಾರೆ. ಇಲ್ಲಿ ಆಚರಿಸಲಾಗುವ ಮುಖ್ಯ ಹಬ್ಬಗಳೆಂದರೆ, ಮಘೆ ಸಂಕ್ರಾಂತಿ - ಇದು ನೇಪಾಲದ ಹೊಸ ವರ್ಷಾಚರಣೆ, ಲ್ಹೊಸರ್ ಮತ್ತು  ಟಿಬೆಟಿನ ಹೊಸ ವರ್ಷಾಚರಣೆ.