ಮಿಜ಼ೋರಾಂ ನ ದಕ್ಷಿಣದ ತುತ್ತತುದಿಯಲ್ಲಿರುವ ಸೈಹಾ ಜಿಲ್ಲೆ ಮಿಜ಼ೋರಾಂ ನ ಎಂಟು ಜಿಲ್ಲೆಗಳಲ್ಲೊಂದು. ಜಿಲ್ಲಾ ಮುಖ್ಯ ಕೇಂದ್ರವೂ ಸೈಹಾ ವೇ ಆಗಿದೆ. ಮಾರಾ ಸ್ವಾಯುತ್ತ ಜಿಲ್ಲಾ ಪರಿಷತ್ತಿಗೂ ಇದೆ ಜಿಲ್ಲಾ ಕೇಂದ್ರವಾಗಿದೆ. ಮಾರಾ ಸ್ವಾಯುತ್ತ ಜಿಲ್ಲಾ ಪರಿಷತ್ತು ನಂತಹ ಮೂರು ಪರಿಷತ್ತುಗಳು ಮಿಜ಼ೋರಾಂ ನಲ್ಲಿವೆ. ಸೈಹಾ ಜಿಲ್ಲೆಯ ಉತ್ತರ ಮತ್ತು ವಾಯುವ್ಯ ಭಾಗಕ್ಕೆ ಲುಂಗ್ಲೈ ಇದೆ, ಪಶ್ಚಿಮಕ್ಕೆ ಲಾಗ್ತ್ಲೈ ಮತ್ತು ದಕ್ಷಿಣ ಮತ್ತು ಪುರ್ವಕ್ಕೆ ಮಯಾನ್ಮಾರ್ ನ ಭಾಗಗಳಿವೆ.
ಸೈಹಾ- ಜಿಲ್ಲಾ ಕೇಂದ್ರ ಸ್ಥಳ
ಐಜ಼ಾಲ್ ಮತ್ತು ಲುಂಗ್ಲೈ ನಂತರ ಸೈಹಾ ಮಿಜ಼ೋರಾಂ ನ ಮೂರನೆಯ ಅತೀ ದೊಡ್ಡ ನಗರವಾಗಿದೆ. ಇಲ್ಲಿನ ಸ್ಥಳೀಯ ಮಾರಾ ಭಾಷೆಯ ಸಿಯಾಹಾ ದಿಂದ ಸೈಹಾ ಶಬ್ದ ವ್ಯುತ್ಪತ್ತಿಯಾಗಿದೆ. ಇದನ್ನು ಎರಡು ಭಾಗಗಳಾಗಿಸಿದಾಗ ಸೈ ಎಂದರೆ ಆನೆ ಮತ್ತು ಹಾ ಎಂದರೆ ಹಲ್ಲು. ಹೀಗೆ ಸೈಹಾ ಎಂದರೆ ಆನೆಯ ದಂತ ಎಂದರ್ಥ. ಈ ಭಾಗದಲ್ಲಿ ದೊಡ್ಡ ಸಂಖ್ಯೆಯ ಆನೆಯ ದಂತಗಳು ಕಂಡು ಬಂದ ಕಾರಣದಿಂದ ಈ ಹೆಸರು ಬಂದಿದೆ. ಇಲ್ಲಿ ಮಾರಾ ಬುಡಕಟ್ಟು ಜನಾಂಗ ಮತ್ತು ಮಯನ್ಮಾರ್ ನ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಇದ್ದಾರೆ.
ಪಾಲಾ ಟಿಪೋ ಸರೋವರ, ಸೈಕೋ ಮತ್ತು ಮೌಂಟ್ ಮಾವ್ಮಾ ಸೈಹಾ ಪ್ರವಾಸೋದ್ಯಮದ ಮುಖ್ಯ ಅಂಶಗಳಾಗಿವೆ.
ಸೈಹಾ ವನ್ನು ತಲುಪುವುದು ಹೇಗೆ
ಮಿಜ಼ೋರಾಂ ನ ರಾಜಧಾನಿ ಐಜ಼ಾಲ್ ನಿಂದ ಸುಮಾರು 305 ಕಿ.ಮೀ ದೂರದಲ್ಲಿ ಸೈಹಾ ನಗರವಿದೆ. ಇಲ್ಲಿನ ಜಿಲ್ಲಾ ನಗರ ಕೇಂದ್ರಕೆ ರಾಷ್ಟೀಯ ಹೆದ್ದಾರಿ 54 ಜೀವನಾಡಿಯಾಗಿ ಕೆಲಸ ಮಾಡುತ್ತದೆ. ಪ್ರವಾಸಿಗಳು ಐಜ಼ಾಲ್ ಗೆ ರಸ್ತೆ ಮಾರ್ಗವಾಗಿ ತಲುಪಬಹುದು. ರಾಜ್ಯ ಸಾರಿಗೆ ಸಂಸ್ಥೆಯ ಹಲವು ಬಸ್ಸುಗಳು ಇಲ್ಲಿಗೆ ಸಂಪರ್ಕ ಕಲ್ಪಿಸುತ್ತವೆ. ಸೈಹಾ ವಾಯುಗುಣ
ಸೈಹಾ ದಲ್ಲಿ ಸಮಶೀತೋಷ್ಣ ವಾಯುಗುಣ ಇದ್ದು ವರ್ಷಪೂರ್ತಿ ಆಹ್ಲಾದಕರವಾದ ವಾತಾವರಣ ಇರುತ್ತದೆ. ಬೇಸಿಗೆಗಳು ಸಾಮಾನ್ಯವಾಗಿದ್ದು ಮಳೆಗಾಲ ಬಹಳ ಜೋರಾಗಿರುತ್ತದೆ. ಚಳಿಗಾಲದಲ್ಲಿ ಸೈಹಾದಲ್ಲಿ ಚಳಿ ಇದ್ದರೂ ತಡೆಯಲಾಗದಂತಹ ಭಾರೀ ಚಳಿ ಅಂತು ಇರುವುದಿಲ್ಲ.