ಉಖಿಮಠ್, ರುದ್ರಪ್ರಯಾಗ ಜಿಲ್ಲೆಯಲ್ಲಿರುವ ಒಂದು ಪವಿತ್ರ ಸ್ಥಳ. ಬಾಣಾಸುರನ ಮಗಳಾದ ಉಷಾಳಿಂದ ಈ ಪ್ರದೇಶಕ್ಕೆ ಈ ಹೆಸರು ಬಂದಿತೆಂದು ನಂಬಲಾಗಿದೆ. ಈ ಸ್ಥಳದಲ್ಲಿ ಉಷಾ, ಶಿವ, ಅನಿರುದ್ದ, ಪಾರ್ವತಿ ಮತ್ತು ಮಂದಾತಾ ಮೊದಲಾದ ಹಿಂದೂ ದೇವ ಮತ್ತು ದೇವತೆಗಳನ್ನು ಪೂಜಿಸಲಾಗುವ ಹಲವಾರು ದೇವಾಲಯಗಳನ್ನು ಕಾಣಬಹುದು. ಈ ಸ್ಥಳದ ಹತ್ತಿರದ ಮತ್ತೊಂದು ಜನಪ್ರಿಯ ದೇವಾಲಯವೆಂದರೆ, ಓಂಕಾರೇಶ್ವರ ದೇವಾಲಯ. ಇದನ್ನು ಚಳಿಗಾಲದ ಋತುವಿನಲ್ಲಿ ಕೇದಾರ್ನಾಥ್ ದೇವರ ವಾಸಸ್ಥಾನವೆಂದು ಪರಿಗಣಿಸಲಾಗಿದೆ. ಈ ದೇವಸ್ಥಾನದಲ್ಲಿ ಸುಂದರವಾಗಿ ನಿರ್ಮಿಸಲಾದ ಶಿವನ ವಿಗ್ರಹವಿದೆ.