ಮಾ ಭಗವತಿ ದೇವಾಲಯವು ರೌರ್ಕೆಲಾ ನಗರದ ಕೇಂದ್ರ ಭಾಗದಿಂದ 7 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಇದು ಈ ನಗರದ ಅತ್ಯಂತ ಶ್ರದ್ಧಾಭಕ್ತಿಗಳಿಂದ ಪೂಜಿಸಲ್ಪಡುವ ದೇವಾಲಯವಾಗಿ ಪರಿಗಣಿಸಲ್ಪಟ್ಟಿದೆ. ಇದನ್ನು 1993ರಲ್ಲಿ ನಿರ್ಮಿಸಲಾಯಿತು. ನಯನ ಮನೋಹರವಾದ ಪ್ರಾಕೃತಿಕ ಸೌಂದರ್ಯದ ಹಿನ್ನಲೆಯಲ್ಲಿ ಈ ಭವ್ಯವಾದ ದೇವಾಲಯವು ಎದ್ದು ನಿಂತಿದೆ. ಹಲಾವು ಮರ-ಗಿಡಗಳು ಈ ದೇವಾಲಯದ ಆವರಣದಲ್ಲಿ ನೆಲೆಗೊಂಡಿವೆ. ಇವುಗಳು ಇಲ್ಲಿ ಒಂದು ಪ್ರಶಾಂತವಾದ ವಾತಾವರಣವನ್ನು ನಿರ್ಮಿಸಿವೆ.
ಈ ದೇವಾಲಯದಲ್ಲಿ ಪ್ರತಿದಿನ ಪೂಜಾ ಕೈಂಕರ್ಯಗಳು ನಡೆಯುತ್ತಿರುತ್ತವೆ. ಇಲ್ಲಿ ನಡೆಯುವ ಪ್ರಮುಖ ಪೂಜೆ " ಯಙ್ಞ" ವಾಗಿದೆ. ಅಲ್ಲದೆ ಇಲ್ಲಿ ದೇವಿ ಸ್ತೋತ್ರ ಅಥವಾ ಚಂಡಿ ಪಾಠ್ ಅನ್ನು ಸಹ ನಿರಂತರವಾಗಿ ನಡೆಸಿಕೊಂಡು ಬರಲಾಗುತ್ತಿದೆ. ಪೂಜೆಗಳನ್ನು ನೆರವೇರಿಸಲು ಇಲ್ಲಿ ಭಕ್ತ ಸಮೂಹವೆ ನೆರೆದಿರುತ್ತದೆ.